11 বজাৰ শীৰ্ষ দহটা বাতৰি...

11 বজাৰ শীৰ্ষ দহটা বাতৰি...

এখন বলেৰ’ বাহনৰ পৰা উদ্ধাৰ হয় ইভিএম মেচিন ৷ উক্ত গাড়ীখন পাথাৰকান্দিৰ বিধায়ক কৃষ্ঞেন্দু পালৰ বুলি অভিযোগ উত্তাপন কৰিছে স্থানীয় ৰাইজে ৷

৬২ নং বৰমা সমষ্টিৰ কদমতলত মিত্ৰজোঁটৰ প্ৰাৰ্থী ভূপেন বড়োৰ সমৰ্থনত বিশাল গণ সমাবেশত মন্ত্ৰী হিমন্ত বিশ্ব শৰ্মা ৷ ইউপিপিএল মানে বিজেপি, বিজেপি মানে এজিপি এই মন্তব্য হিমন্ত বিশ্ব শৰ্মাৰ ৷

ইভিএম মেচিন উদ্ধাৰক লৈ বৃহস্পতিবাৰে নিশা উত্তপ্ত হৈ পৰিল উধাৰবন্দ নেট্ৰিপৰ ৷ স্থানীয় ৰাইজে নিশা ৩খন বাহনত উদ্ধাৰ কৰে কেইবাটাও ইভিএম মেচিন ৷

বকোত নিৰ্বাচনী প্ৰচাৰৰ বাবে উপস্থিত মেঘালয়ৰ প্ৰাক্তন মুখ্যমন্ত্ৰী মুকুল চাংমা ৷ সাম্প্ৰদায়িক ৰাজনীতি কৰা দলক ভোট প্ৰদান নকৰিবলৈ গাৰো ৰাইজক আহ্বান চাংমাৰ ৷

জনীয়া সমষ্টিৰ অন্তৰ্গত খৰিচলাত বৃহস্পতিবাৰে মিত্ৰজোঁট তথা বিজেপি প্ৰাৰ্থী অধিবক্তা শ্বহিদুল ইছলামৰ নিৰ্বাচনী প্ৰচাৰ ৷ বদৰুদ্দিন আজমলে সমগ্ৰ ধৰ্মীয় সংখ্যালঘু লোকক অসমবাসীৰ আগত লজ্জানত আৰু অপমানিত কৰিছে বুলি মন্তব্য প্ৰাৰ্থীগৰাকীৰ ৷

৫৮ নং তামুলপুৰ বিধানসভা সমষ্টিৰ বিপিএফৰ প্ৰাৰ্থী ৰংজা খুংগুৰ বসুমতাৰীৰ বিজেপিত যোগদান ৷ সমষ্টিটোত বিপিএফ কৰ্মীৰ মাজত হাহাকাৰ পৰিস্থিতি ৷

বৃহস্পতিবাৰে গৌৰীপুৰ সমষ্টিত AIUDFৰ প্ৰাৰ্থী নিজানুৰ ৰহমানৰ হৈ নিৰ্বাচনী প্ৰচাৰ বিধায়ক ৰকিবুল হুছেইনৰ ৷ নিৰ্বাচনী সভাত ‘বন্ধু তুমি হাৰিলা’ বুলি মন্ত্ৰী ড৹ হিমন্ত বিশ্ব শৰ্মালৈ বাৰ্তা প্ৰেৰণ বিধায়ক গৰাকীৰ ৷

ৰাজস্থান প্ৰদেশ কংগ্ৰেছৰ শচীন পাইলট আৰু বিজেপিৰ গজেন্দ্ৰ সিং শ্বেখাৱটক মহাৰাণা প্ৰতাপ বিমানবন্দৰত একেলগে উপস্থিত । বিমানবন্দৰত ইজনে সিজনক হাঁহিৰে সম্ভাষণ জনোৱাৰ দৃশ্য সম্প্ৰতি চ’ছিয়েল মিডিয়াত ব্যাপক ৰূপত ভাইৰেল ৷

পাকিস্তানৰ প্ৰধানমন্ত্ৰী ইমৰান খানে শুকুৰবাৰে কেবিনেট মন্ত্ৰী সকলৰ লগত চুবুৰীয়া ভাৰতৰ সৈতে দেশখনৰ সম্পৰ্কৰ ওপৰত এখন গুৰুত্বপূৰ্ণ বৈঠক সম্বোধন কৰিব ৷

জম্মু আৰু কাশ্মীৰৰ পুলৱামা জিলাৰ কাকাপোৰা অঞ্চলত নিৰাপত্তা বাহিনী আৰু উগ্ৰপন্থীৰ মাজত এক সংঘৰ্ষৰ সৃষ্টি হয় ৷ সূত্ৰ অনুসৰি, অঞ্চলটোত তিনিজন এলইটি-সহযোগী উগ্ৰপন্থী লুকাই আছে ।