1 বজাৰ দহটা শীৰ্ষ খবৰ...

1 বজাৰ দহটা শীৰ্ষ খবৰ...

ডেৰ বছৰৰ দীঘলীয়া সময়ৰ অন্তত পৰিয়ালৰ সৈতে মিলন অখিল গগৈ(AKHIL GOGOI)ৰ । শুকুৰবাৰে গুৱাহাটীৰ নিজৰাপাৰস্থিত ঘৰত উপস্থিত হৈ নিশা কটালে পত্নী আৰু পুত্ৰৰ লগত । শনিবাৰে পুৱাই যোৰহাটত থকা মাতৃ প্ৰিয়দা গগৈৰ ওচৰলৈ ঢাপলি মেলিলে অখিল গগৈয়ে ।

উত্তৰ পূৱ-সীমান্ত ৰে’লৱেৰ ৰঙিয়া মাণ্ডলিক ৰে’ল প্ৰবন্ধকৰ অধীনত ২৪ জনকৈ বহিঃৰাজ্যৰ যুৱকক নিযুক্তি দিয়াক লৈ সৃষ্টি হৈছে তীব্ৰ প্ৰতিক্ৰিয়াৰ ৷

ক'ভিড সংক্ৰমণৰ হাৰ বৃদ্ধি পালেও শোণিতপুৰত জিলাত বৰ্তমানলৈকে লকডাউন ঘোষণা কৰাৰ কোনো সম্ভাৱনা নাই ৷ শোণিতপুৰ জিলাৰ উপায়ুক্ত ভূপেছ চন্দ্ৰ দাসে সদৰী কৰিছে এই কথা ৷

শিলচৰত পুৱাৰে পৰা দীঘলীয়া শাৰী পাতি থকা ৰাইজ ভেকচিন প্ৰদান নকৰাৰ বাবে উত্তেজিত হৈ পৰে ৷ উত্তেজিত ৰাইজে শিলচৰ মেডিকেল কলেজলৈ যোৱা পথছোৱা অৱৰোধ কৰে ৷ যাৰ ফলত এম্বুলেঞ্চ সহ শতাধিক যান-বাহন আৱদ্ধ হৈ পৰে ৰাজপথত ৷

অসমৰ শিক্ষামন্ত্ৰী ডাঃ ৰনোজ পেগুৰ কাৰ্যালয়ত সাক্ষাৎ কৰি মৰাণ সমষ্টিৰ শিক্ষা আৰু শৈক্ষিক অনুষ্ঠানৰ সমস্যা সম্পৰ্কে আলোচনা কৰি বিভিন্ন বিষয় সম্বলিত এখনি স্মাৰকপত্ৰ প্ৰদান কৰে মৰাণৰ বিধায়ক গৰাকীয়ে ।

বৰ্তমানৰ ক'ভিড ৰোগীৰ চিকিৎসাৰ ক্ষেত্ৰত আটাইতকৈ ডাঙৰ সমস্যা হৈছে অক্সিজেন (Oxigen)ৰ নাটনি । সেয়ে ক'ভিড (Covid 19) ৰোগীৰ চিকিৎসাত সহায়ক হোৱাকৈ ৰাজ্যৰ বিভিন্ন স্থানত স্থাপন কৰা হৈছে অক্সিজেন উৎপাদন প্ৰকল্প (Oxygen production plant) ।

ৰাজ্যৰ ক'ভিড পৰিস্থিতি সন্দৰ্ভত ভিডিঅ' কনফাৰেঞ্চযোগে মুখ্যমন্ত্রীৰ পৰ্যালোচনা বৈঠক ৷ ক'ভিড প্ৰতিষেধক গ্ৰহণ নকৰা পৰ্যন্ত অংগনবাদী কৰ্মীৰ মাহিলী পাৰিশ্ৰমিক মুকলি নকৰিবলৈ আহ্বান মুখ্যমন্ত্ৰী ড৹ হিমন্ত বিশ্ব শৰ্মাৰ ৷

উচ্চতৰ মাধ্যমিক চূড়ান্ত পৰীক্ষাৰ ফলাফল ঘোষণাৰ আৰ্হি প্ৰস্তুতৰ বাবে চৰকাৰে গঠন কৰি দিয়া উচ্চস্তৰীয় কমিটিয়ে আজি অসম উচ্চতৰ মাধ্যমিক শিক্ষা সংসদৰ কাৰ্যালয়ত অন্তিম লানি বৈঠকত মিলিত হয় । দীঘলীয়া আলোচনাৰ ‍অন্তত প্ৰস্তুত কৰা প্ৰতিবেদন আজি কমিটিয়ে শিক্ষামন্ত্রী ডাঃ ৰণোজ পেগুক অৰ্পন কৰে ।

শুকুৰবাৰে বাওঁ মৰ্চাৰ আহ্বায়ক বিজন ধৰ(BIJAN DHAR)ৰ বিৰুদ্ধে চলা তদন্ত ৪ সপ্তাহৰ বাবে স্থগিত কৰিলে ত্ৰিপুৰা উচ্চ ন্যায়ালয়ে । চি পি আই এম(CPIM)ৰ প্ৰাক্তন মন্ত্ৰী ভানু লাল সাহাৰ বিৰুদ্ধে এখন এজাহাৰৰ ভিত্তিত তদন্ত অব্যাহত ৰাখিবলৈ আৰক্ষীক নিৰ্দেশ দিয়ে আদালতে ।

কেন্দ্ৰীয় আইন আৰু ন্যায়, ইলেক্ট্ৰনিকছ আৰু তথ্য প্ৰযুক্তি আৰু যোগাযোগ মন্ত্ৰী ৰবি শংকৰ প্ৰসাদৰ একাউণ্ট বন্ধ কৰি ৰাখিলে টুইটাৰে । প্ৰায় এঘণ্টাৰ বাবে টুইটাৰে বন্ধ কৰি ৰাখিলে মন্ত্ৰীগৰাকীৰ টুইটাৰ একাউণ্ট ।