জৰাজীৰ্ণ অৱস্থাত কলাগুৰুৰ সমাধিস্থলী
১৯৬৯ চনৰ ২০ জুনত অৰ্থাৎ আজিৰ দিনটোত অসমৰ কলা সংস্কৃতিৰ মহীৰূহ কলাগুৰু বিষ্ণু প্ৰসাদ ৰাভাৰ মৃত্যু হৈছিল । কিন্তু সকলোৱে মাত্ৰ এটা দিনত মনত ৰাখে , তাৰ পিছত পুনৰ আনটো বছৰ লৈ পাহৰি যায় । তেতিয়াৰ পৰাই ৰজাঘৰীয়া আৰু প্ৰজা ঘৰে এই গৰাকী মহান সৈনিক শিল্পীক সকলোৱে সুঁৱৰি আছে । কৰ্মস্থান সাংস্কৃতিক নগৰী তেজপুৰত এই মহান শিল্পী গৰাকীৰ শেষকৃত সম্পন্ন কৰা হৈছিল ব্ৰহ্মপুত্ৰৰ পাৰত তল কলিবাৰিত । কিন্ত বহু বছৰ পিছত অসম চৰকাৰে এই গৰাকী মহান শিল্পীৰ সমাধিস্থলী সংৰক্ষণ কৰিছিল যদিও বৰ্তমান এই ঠাই সংৰক্ষণৰ অভাৱত জৰাজীৰ্ণ অৱস্থাত উপনীত হৈছে ।
পৰীক্ষা বাতিলৰ বাবেই লখিমপুৰত মেধাৱী ছাত্ৰীৰ আত্মহনন..!
লখিমপুৰত কৰুণ ঘটনা । মেধাৱী ছাত্ৰীয়ে বাছি ল'লে আত্মহননৰ পথ । হাইস্কুল শিক্ষান্ত পৰীক্ষা(HSLC) বাতিল কৰা বাবেই ছাত্ৰীগৰাকীয়ে এই চৰম পথ বাছি লোৱাৰ সন্দেহ ৰাইজৰ । ঘটনা সন্দৰ্ভত আৰক্ষীয়ে তদন্ত আৰম্ভ ।
ক'ল ইণ্ডিয়া কৰ্তৃপক্ষৰে মিলিত মুখ্যমন্ত্ৰী ডঃ হিমন্ত বিশ্ব শৰ্মা
শনিবাৰে মাৰ্ঘেৰিটাৰ ক'ল ইণ্ডিয়াৰ দিহিং গেষ্ট হাউচত উপস্থিত হয় অসমৰ মুখ্যমন্ত্ৰী ডঃ হিমন্ত বিশ্ব শৰ্মা ৷ ইয়াৰ পাছতে উত্তৰ-পূৱৰ কয়লা ক্ষেত্ৰ বন্ধ হৈ থকা বিষয়টোৰ সন্দৰ্ভত ক'ল ইণ্ডিয়াৰ কৰ্তৃপক্ষৰে বৈঠকত মিলিত হয় মুখ্যমন্ত্ৰী গৰাকী ৷ পৰিৱেশ সংক্ৰান্তীয় দিশসমূহ অধ্যয়নৰ বাবে দিল্লীত অহা মাহত এখন ত্ৰিপাক্ষিক বৈঠক অনুষ্ঠিত হ'ব বুলি জনালে মুখ্যমন্ত্ৰী ডঃ হিমন্ত বিশ্ব শৰ্মাই ৷ লগতে স্থানীয় ৰাইজ তথা বিভিন্ন দল-সংগঠনে কয়লা ক্ষেত্ৰ পুনৰ মুকলি হোৱাতো বিচাৰে বুলি উল্লেখ কৰে মুখ্যমন্ত্ৰী গৰাকীয়ে ৷
কিয় আঁঠুকাঢ়ি সেৱা ল’লে শিক্ষা মন্ত্ৰীয়ে ?
1978 চনতে হাইস্কুল শিক্ষান্ত পৰীক্ষাত উত্তীৰ্ণ হোৱা শিক্ষা মন্ত্ৰী ডাঃ ৰণোজ পেগুৱে সংগ্ৰহ কৰিলে তেওঁৰ হাইস্কুল শিক্ষান্ত পৰীক্ষাত উত্তীৰ্ণ হোৱা প্ৰমাণ পত্ৰ ৷ যোৰহাটৰ শংকৰদেৱ চেমিনাৰী বিদ্যালয়ৰ পৰা 43 বছৰৰ পূৰ্বে হাইস্কুল শিক্ষান্ত পৰীক্ষাত অৱতীৰ্ণ হৈছিল মন্ত্ৰী গৰাকী ৷
ড৹ মামণি ৰয়ছম গোস্বামীৰ এসময়ৰ সহায়িকা এতিয়া শয্যাশায়ী
জটিল ৰোগত আক্ৰান্ত, এসময়ত ড৹ মামণি ৰয়ছম গোস্বামীৰ লগত ছাঁৰ দৰে লাগি থকা নিলিমা দাস ৷ ধনৰ অভাৱত বিচনাতেই পৰি থাকিব লগাত পৰিছে নিলিমা দাসে ৷ নিলিমা দাসৰ দুদৰ্শা দেখিও উপায়হীন হৈ পৰিছে পৰিয়ালৰ লোক ৷