চৰাইদেউত পিস্তলসহ আটক দুই যুৱক
অস্ত্ৰসহ সোণাৰি আৰক্ষীৰ জালত দুই যুৱক ৷ গোপন সূত্ৰৰ পম খেদি কাকতীবাৰী ট্ৰলী আলি অঞ্চলত চলোৱা অভিযানত আটক হৈছে যুৱক দুজন ৷ জব্দ এটা টু পইন্ট টু পিস্তল ৷
মন্ত্ৰী ৰঞ্জিৎ দত্তৰ বিৰুদ্ধে ক্ষোভ উজাৰিলে কৃষক মুক্তি সংগ্ৰাম সমিতিয়ে
কৰিমগঞ্জ জিলা কৃষক মুক্তি সংগ্ৰাম সমিতিয়ে ক্ষোভ উজাৰিলে মন্ত্ৰী ৰঞ্জিৎ দত্তৰ বিৰুদ্ধে ৷ মন্ত্ৰী ৰঞ্জিৎ দত্তই বিধানসভাৰ গ্ৰীষ্মকালিন অধিৱেশনত সংখ্যালঘু ছাত্ৰবৃত্তিৰ নামত হোৱা অনিয়মৰ বিৰুদ্ধে গোচৰ ৰুজু কৰা হৈছে বুলি কৰা মন্তব্য সম্পূৰ্ণ মিছা বুলি অভিযোগ উত্থাপন কৰিছে কৰিমগঞ্জ জিলা কৃষক মুক্তি সংগ্ৰাম সমিতিয়ে ৷
কংগ্ৰেছে হেৰুৱাইছে নৈতিক অধিকাৰ : বিজেপি নেতা লক্ষ্য কোঁৱৰ
উন্নয়নমূলক আচঁনিক লৈ চৰকাৰক সমালোচনা কৰিবলৈ গৈ কংগ্ৰেছ দলে হেৰুৱাই পেলাইছে নৈতিক অধিকাৰ ৷ বুধবাৰে ধেমাজি জিলা বিজেপিৰ কাৰ্যালয়ত আয়োজিত এক সংবাদমেলত ভাৰতীয় জনতা দলৰ অসম প্ৰদেশ সমিতিৰ মুখপাত্ৰ লক্ষ্য কোঁৱৰে কলে এইদৰে ৷
সভাপতিৰ আসন বিচাৰি উচ্চ ন্যায়ালয়লৈ যাব অতুল বৰা
শেহতীয়াকৈ অনুষ্ঠিত হোৱা অগপৰ সাধাৰণ পৰিষদৰ বৈঠকক অসাংবিধানিক হিচাপে গণ্য কৰি কামৰূপ মহানগৰ জিলাৰ দেৱানী আদালতে এক নিৰ্দেশ যোগে স্থগিতাদেশ জাৰী কৰিছিল ৷ সেয়ে উচ্চ ন্যায়াললৈ যোৱাৰ সিদ্ধান্ত লৈছে অগপৰ জ্যেষ্ঠ নেতা গৰাকীয়ে
বিয়াৰ প্ৰলোভনেৰে যুৱতীক কৰিলে অন্ত:সত্বা
শিৱসাগৰ জিলাৰ হালোৱাটিঙত সংঘটিত হৈছে এক প্ৰৱঞ্চনাৰ ঘটনা ৷ বিয়াৰ প্ৰলোভনেৰে যুৱতীক প্ৰতাৰণা কৰিলে মনোজ কল নামৰ এজন প্ৰতাৰক যুৱকে ৷ যুৱতীগৰাকীক অন্ত:সত্বা কৰি পলায়ণ কৰে যুৱকজনে ৷ ঘটনা সন্দৰ্ভত আৰক্ষীয়ে আৰম্ভ কৰিছে যুৱকৰ সন্ধান ৷