পুৱাৰ 9 বজাৰ শীৰ্ষ 10 বাতৰি

পুৱাৰ 9 বজাৰ শীৰ্ষ 10 বাতৰি

বিটিচি নিৰ্বাচনৰ আচৰনবিধি বলবৎ থকাৰ মাজতে চিৰাঙত বিপিএফ দলৰ গুদামঘৰত আৰক্ষীৰ অভিযান । বৃহৎ পৰিমানৰ টিন, সুতা, কম্বল আৰু আঠুৱা জব্দ । বিটিচি নিৰ্বাচন উপলক্ষে বিপিএফ দলে এই সামগ্ৰী সমূহ মজুত কৰাৰ অভিযোগ ।

মাৰ্ঘেৰিটা কেন্দ্ৰীয় চিকিৎসালয়ৰ চিকিৎসক সঞ্জীৱ সোণোৱাল নামৰ চিকিৎসকজনৰ বিৰুদ্ধে উত্থাপিত হৈছে মেছেজত অশ্লীল প্ৰস্তাৱ দিয়াৰ অভিযোগ ৷ ঘটনাস্থলীত আৰক্ষী উপস্থিত হৈ তদন্ত আৰম্ভ কৰিছে তদন্ত ৷

গৰীৱ কল্যাণ যোজনাৰ পৰা অসম বাদ পৰাকলৈ ক্ষোভ প্ৰকাশ কৰিছে বিৰোধী দলপতি দেৱব্ৰত শইকীয়াই ৷ তেওঁ প্ৰশ্ন কৰে যে, ডিঙিত সততে অসমীয়া গামোচা তথা অসমলৈ আহিলে অসমীয়াত কথা পাতি অসমীয়া আৱেগ দেখুওৱা প্ৰধানমন্ত্ৰীয়ে গৰীৱ কল্যাণ ৰোজগাৰ যোজনাত অসমৰ নাম কিয় অন্তৰ্ভুক্ত নকৰিলে ?

ধেমাজিত এটা কোভিড ১৯আক্ৰান্ত পৰিয়ালক বিচাৰি হাহাকৰ স্বাস্থ্য বিভাগ আৰু আৰক্ষী । ভুৱা ঠিকনা দি বিভিন্ন ঠাইত ঘূৰি ফুৰিছিল পৰিয়ালটো । অৱশেষত আৰক্ষীৰ জালত ।

গহপুৰত প্ৰাক্তন সাংসদ তথা ন কংগ্ৰেছী আৰ পি শৰ্মাৰ বিস্ফোৰক মন্তব্য ৷ নবেম্বৰ-ডিচেম্বৰ মাহত 15ৰ পৰা 25 জন বিধায়কে যোগদান কৰিব কংগ্ৰেছত ।

2021 চনৰ নিৰ্বাচনত কংগ্ৰেছ দল পুনৰ শাসনত আহিলে সকলো মহিলাৰ বন্ধন বে‌ংকত থকা ঋণ চৰকাৰে মাফ কৰি দিয়াৰ লগতে কৃষকৰ ঋণ সমূহো চৰকাৰে সম্পূৰ্ণৰূপে মাফ কৰি দিব ৷ এই মন্তব্য অসম প্ৰদেশ কংগ্ৰেছ কমিটিৰ সভাপতি ৰিপুন বৰাৰ ৷

মুকেশ আম্বানীয়ে শুকুৰবাৰে এক প্ৰেছ বিজ্ঞপ্তিৰ জৰিয়তে জনাই যে, চেয়াৰ হোল্ডাৰক প্ৰদান কৰা প্ৰতিশ্ৰুতি অনুসৰি, ৰিলায়েন্স কোম্পানি এতিয়া ঋণ মুক্ত । কোম্পানীটোৱে মাত্ৰ ৫৮ দিনৰ ব্যৱধানত ১৬৮৮১৮ কোটি টকা সংগ্ৰহ কৰিবলৈ সক্ষম হৈছে ।

ভাৰতীয় বায়ুসেনাৰ মুখ্য এয়াৰ চীফ মাৰ্শ্বেলে আৰ কে এছ ভদোৰীয়াই বুধবাৰে আৰু বৃহস্পতিবাৰে দুদিনীয়া কাৰ্যসূচীৰে লাডাখ ভ্ৰমণ কৰে। লাডাখত উপস্থিত হৈ বিষয়াগৰাকীয়ে বায়ুসেনাৰ তৎপৰতা সমূহৰ পৰ্যবেক্ষণ কৰে।

মােডীয়ে আহ্বান কৰা সৰ্বদলীয় বৈঠকত সকলো দলৰ নেতা আৰু সভাপতিসকলে অংশগ্ৰহণ কৰি ভাৰত চীন সম্বন্ধে আলোচনাত মিলিত হয় ।

মিছামাৰী সেনা ছাউনীত থকা কোৱাৰেইণ্টাইন চেণ্টাৰত থকা ১৮০গৰাকী সেনাৰ ভিতৰত ২৫ জনেই ক'ৰণাত আক্ৰান্ত হোৱা বুলি প্ৰকাশ পোৱাৰ পিছত সেনা ছাউনীৰ ভিতৰত থকা হাজাৰ হাজাৰ ভাৰতীয় সেনা তথা সেনা পৰিয়ালৰ মাজত লাগিছে হাহাকাৰ ।