প্ৰৱজিত শ্ৰমিকৰ বাবে ৫০,০০০ কোটিৰ 'মেগা ৰোজগাৰ যোজনা'
২০ জুনত প্ৰধানমন্ত্ৰী মোডীয়ে বিহাৰত শুভাৰম্ভ কৰিব ৫০,০০০ কোটি টকাৰ 'মেগা ৰোজগাৰ যোজনা' । লক ডাউনৰ বাবে নিজ নিজ গৃহ ৰাজ্যলৈ ঘূৰি গৈ কৰ্মহীন হৈ পৰা প্ৰৱজিত শ্ৰমিকক কৰ্মস্থাপন দিবলৈ দেশৰ ১১৬ খন জিলাত আৰম্ভ কৰা হ'ব এই আঁচনি ।
ধাৰৱীত পুনৰ 28 জনৰ দেহত কোভিড-19
মুম্বাইস্থিত এছিয়াৰ সৰ্ববৃহৎ বস্তি অঞ্চল ধাৰৱীত পুনৰ 28 জন লোকৰ দেহত ধৰা পৰিছে কোভিড-19 ৰ অৱস্থিতি ৷ ইয়াৰ লগে লগে বস্তিটোত কোভিড-19 ত আক্ৰান্তৰ সংখ্যা হয় 2 হাজাৰ 134 গৰাকী ৷
চীনা সামগ্ৰী- চীনা খাদ্য বৰ্জন কৰিবলৈ আহ্বান কেন্দ্ৰীয় মন্ত্ৰী ৰামদাস আঠৱালেৰ
কেন্দ্ৰীয় মন্ত্ৰী ৰামদাস আঠৱালেয়ে কয় যে, চীনা সামগ্ৰী বৰ্জনৰ লগতে চীনা খাদ্যও ভাৰতে বৰ্জন কৰিব লাগে । ভাৰতৰ ৰেষ্টোৰা আৰু হোটেল সমূহেও চীনা খাদ্য় প্ৰস্তুত কৰিব নালাগে বুলি কয় নেতাগৰাকীয়ে ।
ডিব্ৰুগড়ত ভয়াবহ খহনীয়া, ব্ৰহ্মপুত্ৰৰ বুকুত জাহ গ'ল 6টা বাসগৃহ
ডিব্ৰুগড় চহৰৰ গাতে লাগি থকা মোহনাঘাটত নিশা সংঘটিত হয় ভয়াৱহ খহনীয়া । পলকতে বৰলুইতৰ বুকুত জাহ যায় 6 টাকৈ আবাসগৃহ । চহৰৰ সুৰক্ষা বান্ধৰ কাষতে বৰলুইতে খহাই নিলে বৃহৎ ভূমিসহ আবাসগৃহ কেইটা ।
এজাক বৰষুণত ডুবিল গুৱাহাটী, মালিগাঁৱত ভয়ংকৰ ভূমিস্খলন
এজাক ধাৰাসাৰ বৰষুণে উদঙালে গুৱাহাটী মহানগৰীৰ আভিজাত্য । মহানগৰীৰ জুৰোডকে ধৰি চান্দমাৰি, মালিগাৱঁৰ ৰাজপথত সৃষ্টি হ'ল কৃত্ৰিম বান ।