সন্ধিয়া 7 বজাৰ শীৰ্ষ 10 বাতৰি

সন্ধিয়া 7 বজাৰ শীৰ্ষ 10 বাতৰি

অসম আৰক্ষীত পুনৰ ৰদ-বদল । অসম আৰক্ষীৰ সাতগৰাকী অতিৰিক্ত আৰক্ষী অধীক্ষক আৰু উপ-আৰক্ষী অধীক্ষক পৰ্যায়ৰ বিষয়াক ৰদ-বদল কৰা হৈছে ৷ ৰদ-বদল কৰিলে ৰাজ্যৰ গৃহ বিভাগে । সেই অনুসৰি কোকৰাঝাৰৰ সীমান্ত শাখাৰ অতিৰিক্ত আৰক্ষী অধীক্ষক কুলেন্দ্ৰ নাথ ডেকাক বিশ্বনাথৰ অতিৰিক্ত আৰক্ষী অধীক্ষক (মুখ্য কাৰ্যালয়) হিচাপে বদলি কৰা হৈছে ।

2024 চনৰ লোকসভা নিৰ্বাচনৰ আগেয়েই সাংসদ হ’ব সুস্মিতা দেৱ ৷ জানো আহক বৰাকৰ নেতৃ গৰাকীয়ে কেনেদৰে লাভ কৰিব এই সুযোগ ৷

কলিয়াবৰৰ সাংসদ গৌৰৱ গগৈয়ে মঙলবাৰে ঐতিহাসিক ঢেকীয়াখোৱা বৰনামঘৰত উপস্থিত হৈ ভাদমহীয়া পালনামত অংশগ্ৰহণ কৰে । সাংবাদিকৰ সৈতে হোৱা বাৰ্তালাপত সাংসদগৰাকীয়ে নিমাতীঘাটৰ ফেৰী দুৰ্ঘটনা চৰকাৰৰ হেমাহীৰ ফলতে সংঘটিত হৈছে বুলি অভিযোগ কৰে ৷

ভাৰত-বাংলাদেশ আন্তৰ্জাতিক সীমান্তৰ(India-Bangladesh International Border) অসমৰ লগত সংলগ্ন সীমাৰ শেহতীয়া পৰিস্থিতি সন্দৰ্ভত আলোচনা । আৰক্ষী আৰু বি এছ এফে(BSF) সীমান্তত সহযোগিতাৰে কাম কৰাৰ লগতে অপৰাধ নিয়ন্ত্ৰণৰ ক্ষেত্ৰত সহমত প্ৰকাশ ।

ক'ভিড পৰিস্থিতিৰ বাবে চলিত বৰ্ষত হাইস্কুল আৰু উচ্চতৰ মাধ্যমিক চূড়ান্ত বৰ্ষৰ পৰীক্ষা অনুষ্ঠিত নকৰি বিকল্প মূল্যায়ন ব্যৱস্থাৰে ফলাফল ঘোষণা কৰা হয় । অসমৰ শৈক্ষিক ইতিহাসত নজিৰ সৃষ্টি কৰি পৰীক্ষা নপতাকৈ ফলাফল ঘোষণা কৰাত উত্তীৰ্ণৰ হাৰে এইবাৰ অভিলেখ ৰচনা কৰিছিল । অভিলেখ সৃষ্টিকাৰী এই ফলাফলৰ পাছতে নামভৰ্তিৰ প্ৰসংগকলৈ চৰ্চা চলিছিল ।

উপ নিৰ্বাচনক লৈ এতিয়া ৰাজ্যৰ ৰাজনৈতিক নেতাসমূহৰ মাজত চলিছে বোকা ছটিওৱাৰ ৰাজনীতি ৷ কংগ্ৰেছ দল আৰু ৰাইজৰ দলে এই নিৰ্বাচনত একলগে প্ৰতিদ্বন্দ্বিতা কৰাৰ আশা কৰা হৈছিল ৷ কিন্তু শেষ মূহুৰ্তত দল দুটাৰ মাজত মিত্ৰতা নোহোৱাত থাওৰাত অকলে প্ৰতিদ্বন্দ্বিতা কৰাৰ সিদ্ধান্ত লয় ৰাইজৰ দলে ৷

অসম জাতীয় পৰিষদ কেন্দ্ৰীয় সমিতিৰ আহ্বান মৰ্মে তিনিচুকীয়া জিলাৰ উপায়ুক্ত কাৰ্যালয়ৰ সন্মুখত অসম জাতীয় পৰিষদ তিনিচুকীয়া জিলা সমিতিয়ে কা' আইন বাতিলৰ দাবীত প্ৰতিবাদী কাৰ্যসূচী গ্ৰহণ কৰে ৷

নাও দুৰ্ঘটনা সংঘটিত হোৱাৰ পাছৰে পৰা এগৰাকীক বাদ দি আনগৰাকী মন্ত্ৰী, বিষয়া, নেতাৰ সোঁত বৈছে নিমাতীঘাটলৈ ৷ মঙলবাৰে অসম জাতীয় পৰিষদৰ সভাপতি লুৰিণজ্যোতি গগৈ উপস্থিত হয় নিমাতীঘাটত ৷ লুৰিণজ্যোতি গগৈয়ে নিমাতীঘাটত চৰকাৰৰ অকৰ্মণ্যতাৰ বাবে এই নাও দুৰ্ঘটনা সংঘটিত হোৱাৰ অভিযোগ কৰে ৷

সোমবাৰে দলীয় এক ৰেলীত অংশগ্ৰহণ কৰি তৃণমূল কংগ্ৰেছ আৰু চিপিআই(এম)ৰ বিৰুদ্ধে সৰৱ হৈ পৰে ত্ৰিপুৰাৰ মুখ্যমন্ত্ৰী বিপ্লৱ দেৱ ৷ দুয়োটা দলে ৰাজ্যখনত সাম্প্ৰদায়িকতা বিয়পাবলৈ চেষ্টা কৰা বুলি অভিযোগ বিপ্লৱ দেৱৰ ৷

অনলাইন ক্লাছৰ জৰিয়তে শিক্ষাগ্ৰহণ এতিয়া আৰু কোনো নতুন বিষয় নহয় ৷ কিন্তু জানেই নহয় অনলাইন মানেই যেন কিবা জংক-পংক ৷ ইয়াতো হ’ল সেয়াই...