সন্ধিয়া 5 বজাৰ শীৰ্ষ 10 বাতৰি

সন্ধিয়া 5 বজাৰ শীৰ্ষ 10 বাতৰি

বঙাইগাঁও অসামৰিক চিকিৎসালয়ত স্বাস্থ্য মন্ত্ৰী কেশৱ মহন্তৰ আই চি ইউ (ICU) উদ্বোধন । এতিয়াৰে পৰা বঙাইগাঁৱবাসীয়ে লাভ কৰিব উন্নত স্বাস্থ্য সেৱা ৷ এই আশ্বাস স্বাস্থ্য মন্ত্ৰীগৰাকীৰ ৷

এৰাবাৰীত পৰিণত সোণাৰিৰ টিটলাগড় পশু চিকিৎসা কেন্দ্ৰ ৷ বছৰ বছৰ ধৰি চিকিৎসালয়খনত নাই পশু চিকিৎসক অথবা কোনো এজন বিষয়া কৰ্মচাৰী ৷ ফলত হাবি-জংঘলেৰে আৱৰি ধৰিছে চিকিৎসালয়খন ৷

ৰজনীকান্ত বৰদলৈৰ স্মৃতি বিজড়িত হাউলীস্থিত তাহানিৰ বৃটিছৰ ডাক বঙলা এতিয়া জৰাজীৰ্ণ অৱস্থাত ৷ ঐতিহাসিক ডাক বঙলাৰ মাটিত চলিছে অবৈধ বেদখল কাৰ্য ৷ এই ডাক বঙলাত থাকিয়েই উপন্যাস সম্ৰাট গৰাকীয়ে লিখিছিল তেওঁৰ দ্বিতীয়খন উপন্যাস ‘মনোমতী’ ৷

বিৰোধী দল কংগ্ৰেছ(Congress) সন্দৰ্ভত প্ৰতিক্ৰিয়া ব্যক্ত কৰিছে ৰাজ্যিক মন্ত্ৰী যোগেন মহনে(Jogen Mohan) ৷ মৰাণত কংগ্ৰেছ দলৰ প্ৰতি মানুহৰ ভাৱমূৰ্তি নোহোৱা হৈছে ৷ কংগ্ৰেছে বহুদিন শাসন কৰাৰ পাচত তেওঁলোকে ৰাজ্যখন ক’লৈ লৈ গ’ল অসমৰ ৰাইজেহে দেখিছে বুলি মন্ত্ৰীগৰাকীয়ে মন্তব্য কৰে ।

PM মোডীৰ উজ্জ্বলা যোজনাৰ কথা নজনা মানুহ হয়তো কমে ওলাব ৷ প্ৰথম পৰ্যায়ৰ আঁচনিৰ সফল ৰূপায়ণৰ পিছত মঙলবাৰে দ্বিতীয় পৰ্যায়ৰ শুভাৰম্ভ কৰা হ’ব ৷ ইয়াৰ বাবে প্ৰধানমন্ত্ৰীগৰাকী উপস্থিত হৈছে উত্তৰ প্ৰদেশৰ মহোবাত ৷

উচ্চতম ন্যায়ালয়ে পেগাচাছ বিষয়টো সন্দৰ্ভত SIT ৰ তদন্ত বিচাৰি কৰা আবেদনৰ শুনানি ১৬ আগষ্টলৈ স্থগিত ৰাখে । লগতে ছলিচিটৰ জেনেৰেল তুষাৰ মেহতাক বিষয়টোৰ ওপৰত চৰকাৰৰ পৰা নিৰ্দেশনা বিচাৰিবলৈ অতিৰিক্ত সময় দিয়া হয় ।

অত্যাৱশ্যকীয় সামগ্ৰীৰ মূল্যবৃদ্ধিকে (Price Hike) ধৰি বিভিন্ন দাবীৰে মঙলবাৰে দেশজুৰি ট্ৰেড ইউনিয়নৰ (Trade Union) আহ্বানত তীব্ৰ আন্দোলন গঢ়ি তোলা হয় । শ্ৰমিক সংগঠনটোৱে সোমবাৰৰ দিনটো দেশজুৰি 'ভাৰত বচাও দিৱস' (Bharat Bachao Diwas) হিচাপে পালন কৰে ।

তিনিচুকীয়াত বাওঁপন্থী দল-সংগঠনৰ নেতৃত্বত ভাৰত বচাও দিৱস কাৰ্যসূচী । চৰকাৰৰ বিৰুদ্ধে বিভিন্ন শ্ল'গান দি পৰিৱেশ উত্তাল কৰি তোলে প্ৰতিবাদকাৰীসকলে ৷

মহানগৰীৰ বোন্দাত মঙলবাৰে পুৱাৰ ভাগত সংঘটিত হৈছে এক দুৰ্ঘটনা ৷ বোন্দা-চপাইদং সংযোগী ৰে’ল ক্ৰছিঙত সংঘটিত হয় এই দুৰ্ঘটনৈ ৷ দুখন ৰে’লৰ ক্ৰছিঙৰ সময়ত ৰে’লপথ পাৰ হ’বলৈ ধৰোতে সংঘটিত হয় দুৰ্ঘটনাটো ৷

সিংহ(Lion)ৰ সংৰক্ষণৰ ক্ষেত্ৰত সজাগতা সৃষ্টিৰ উদ্দেশ্যে পালন কৰা হয় বিশ্ব সিংহ দিৱস(World Lion Day) । সিংহ সংৰক্ষণৰে জড়িত হৈ থকা লোকসকললৈ শুভেচ্ছা প্ৰধানমন্ত্ৰী নৰেন্দ্ৰ মোডীৰ । টুইটযোগে তেওঁ কয় যে, বিগত কেইটামান বছৰত ভাৰতত বৃদ্ধি হৈছে সিংহৰ সংখ্যা ।