1 বজাৰ দহটা শীৰ্ষ বাতৰি

1 বজাৰ দহটা শীৰ্ষ বাতৰি

কুখ্যাত অপৰাধী হিচাবে পৰিচিত বুবু কোঁৱৰে ২০০৭ চনত শিৱসাগৰৰ চিকিৎসক মৃদুল দত্তক টীয়ক অঞ্চলত গুলিয়াই হত্যা কৰিছিল ৷ ইয়াৰ উপৰি বহুকেইটা হত্যাকাণ্ডৰ লগত জড়িত বুবু কোঁৱৰৰ বিৰুদ্ধে কংগ্ৰেছ নেতা হেমন্ত বৰুৱাক হত্যা কৰাৰ অভিযোগৰ লগতো নাম সাঙুৰ খাইছিল ৷ অৱশেষত নিহত হ’ল বুবু কোঁৱৰ ৷

মাদাৰ অল্ড হাউচ বৃদ্ধাশ্ৰমখন (Mother Old Age Home)পৰিচালনা কৰা দুই হোতা উৎপল আৰু মণিকাৰ সংঘাতে ৰাজ্যজুৰু চাঞ্চল্য় সৃষ্টি কৰিছে । উক্ত বিষয়টো মুখ্যমন্ত্ৰী হিমন্ত বিশ্ব শৰ্মাৰ দৃষ্টিগোচৰ হোৱা সমগ্ৰ বিষয়টো তদাৰক কৰিবলৈ কামৰূপ মহানগৰ জিলা উপায়ক্তক নিৰ্দেশ দিয়াৰ লগতে ৭২ ঘণ্টাৰ ভিতৰত প্ৰতিবেদন দাখিল কৰিবলৈ উপায়ুক্তক নিৰ্দেশ দিছে মুখ্যমন্ত্ৰী গৰাকীয়ে ।

আৰক্ষীৰ হাতত ধৰা পৰা অবৈধ বিদেশী নাগৰিকৰ ভাৰতৰ মাটিত প্ৰৱেশৰ মূল দ্বাৰ আছিল ত্ৰিপুৰাৰ ভাৰত-বাংলাদেশ আন্তৰ্জাতিক সীমান্ত । প্ৰশ্ন হয়, কিমান সুৰক্ষিত ভাৰত- বাংলাদেশৰ আন্তৰ্জাতিক সীমান্ত ?

মুখ্যমন্ত্ৰী আৰু বিদ্যুৎ বিভাগৰ মন্ত্ৰীৰ কঠোৰ নিৰ্দেশৰ পাচতে বিভাগটোৰ বিষয়া কৰ্মচাৰী সকল তৎপৰ হৈ পৰা দেখিবলৈ পোৱা গৈছে ৷ ৰাজ্যৰ বিভিন্ন প্ৰান্তৰ দৰে কামৰূপ জিলাৰ ৰঙিয়াৰ বিদুৎ বিভাগো কঠোৰ হৈ পৰা দেখিবলৈ পোৱা গৈছে ৷ বুধবাৰে ৰঙিয়াত বিদ্যুৎ চুৰি ৰোধ কৰিবলৈ বিশেষ ব্যৱস্থা গ্ৰহণ কৰা দেখা গৈছে বিভাগটোক ৷

বৰপেটা আৰক্ষী অধীক্ষক গৰাকীয়ে জানিবলৈ দিয়া অনুসৰি মাফিয়াজনক লৈ আৰক্ষীয়ে কলগাছিয়ালৈ অনুসন্ধানৰ বাবে লৈ গৈ থকা অৱস্থাত আৰক্ষীক আক্ৰমণ কৰি পলাবলৈ চেষ্টা কৰাৰ ফলতেই আৰক্ষীৰ গুলিত আহত হয় মোজাম্মিল হ’ক ৷

বিগত ১০ দিনত শোণিতপুৰ জিলাত ২,৩৩১ গৰাকী, গোলাঘাটত ২,১৭৫ গৰাকী, ডিব্ৰুগড়ত ১,৯৩৭ গৰাকী, তিনিচুকীয়াত ১,৮৭০ গৰাকী, কাছাৰত ১,৭২৩ গৰাকী, নগাঁৱত ১,৭২১ গৰাকী লোক ক'ভিড-১৯(Covid-19)ত আক্ৰান্ত হৈছে । ২৪ ঘণ্টাত ৰাজ্যৰ ২,৭২৮ গৰাকী লোক কৰ'ণাত আক্ৰান্ত হোৱাৰ বিপৰীতে মৃত্যু হৈছে ৩ গৰাকীৰ । আক্ৰান্তৰ হাৰ ১.৬৪ শতাংশলৈ হ্ৰাস পাইছে । তিনিদিনত ৯,৬৭,৫৯৫ গৰাকী লোকৰ টীকাকৰণ সম্পন্ন কৰা হৈছে ।

বৃহস্পতিবাৰে নতুন দিল্লীত জম্মু-কাশ্মীৰৰ 14 গৰাকী শীৰ্ষ ৰাজনীতিবিদৰ সৈতে প্ৰধানমন্ত্ৰী নৰেন্দ্ৰ মোদীৰ নেতৃত্বত অনুষ্ঠিত হ'বলগীয়া সৰ্বদলীয় বৈঠকৰ ওপৰত এতিয়া সকলোৰে দৃষ্টি নিবদ্ধ আছে । 2019 চনৰ 15 আগষ্টত অনুচ্ছেদ 370 আৰু অনুচ্ছেদ 35 (A) বাতিল কৰাৰ পাচত এইখনেই হ'ব প্ৰথমখন সৰ্বদলীয় বৈঠক ৷

সমগ্ৰ দেশৰ লগতে অসমতো ক’ৰণা মহামাৰীৰ প্ৰকোপ বৃদ্ধি পোৱাৰ মাজতে পশুপ্ৰেমীৰ বাবে আহিছে এটা ভাল খবৰ । শেহতীয়াকৈ ক’ভিড পৰিস্থিতিৰ মাজতে চিৰিয়াখানাত জন্ম পাইছে 2 টাকৈ ঘোঙৰ পোৱালি ৷ তাৰোপৰি এই সময়চোৱাত জন্ম পাইছে ১০ টাৰো অধিক হৰিণ পোৱালি ৷

বুধবাৰে বজালী জিলাত উপস্থিত হ’ল জিলাখনৰ অভিভাৱক মন্ত্ৰী তথা ৰাজ্যৰ সাংস্কৃতিক মন্ত্ৰী বিমল বৰা ৷ ৰাজ্যৰ সাংস্কৃতিক ক্ষেত্ৰৰ স্বাভিমান স্বৰূপ অসমৰ ভ্ৰাম্যমান থিয়েটাৰ উদ্যোগ সম্পৰ্কত মন্তব্য কৰি মন্ত্ৰী গৰাকীয়ে কয় ৰাজ্য চৰকাৰ ভ্ৰাম্যমাণ থিয়েটাৰৰ লগত জড়িত সকলো শিল্পী কলা-কুশলীৰ সৈতে সদায়ে আছে আৰু থাকিব । শিল্পী সকলক চৰকাৰৰ ফালৰ পৰা আৰ্থিক সকাহ দিয়াৰ ক্ষেত্ৰত চিন্তা-চৰ্চা চলি থকা বুলি সাংবাদিকক অৱগত কৰে মন্ত্ৰী গৰাকীয়ে ৷

শিক্ষানুষ্ঠানৰ তথ্যৰ ওপৰত মূল্যায়ন কৰা হ’ব পৰীক্ষাৰ নম্বৰ । ইতিমধ্যে সকলো তথ্য সংগ্ৰহ কৰা হৈছে । আজিৰ বৈঠকত সম্পূৰ্ণ সিদ্ধান্ত গ্ৰহণ কৰা নহ'লে বৃহস্পতিবাৰে পুনৰ অনুষ্ঠিত হ'ব বৈঠক ।