11 বজাৰ শীৰ্ষ 10 বাতৰি...

11 বজাৰ শীৰ্ষ 10 বাতৰি...

সোমবাৰে অসম বিধানসভাৰ কংগ্ৰেছ বিধায়িনী দলৰ কক্ষত দলৰ সভাপতি ভূপেন বৰাৰ অধ্যক্ষতাত অনুষ্ঠিত হয় প্ৰদেশ কংগ্ৰেছৰ ক'ৰ কমিটিৰ বৈঠক । এই ক'ৰ কমিটিৰ বৈঠকত আনুষ্ঠানিকভাৱে এ আই ইউ ডি এফৰে মিত্ৰতা ভংগ কৰিবলৈ আৰু মহাজোটৰ পৰা এ আই ইউ ডি এফক বিদায় দিবলৈ প্ৰস্তাৱ গ্ৰহণ কৰা হয় ।

চাহ জনজাতি কল্যাণ বিভাগৰ উদ্যোগত হামদেৰ মনেৰ কথা শীৰ্ষক এক বৈঠক অনুস্থিত হয় । চাহ জনগোষ্ঠীৰ সৱলীকৰণৰ দিশে চাহ জনগোষ্ঠীৰ বুদ্ধিজীৱী আৰু নেতৃত্বস্থানীয় ব্যক্তিসকলৰ সৈতে মুখ্যমন্ত্ৰী ড° হিমন্ত বিশ্ব শৰ্মা আৰু মন্ত্ৰীসভাৰ সদস্যসকলৰ এক বাৰ্তালাপ অনুষ্ঠান হয় ।

"গুৱাহাটী মহানগৰীত যদিহে ৰাজ্যৰ অন্যান্য প্ৰান্তৰ পৰা অহা শিক্ষাৰ্থীৰ বাবে আসনৰ নাটনি হয়, তেতিয়া হ'লে বিয়লি আৰু নৈশ শাখাত নামভৰ্তিৰ ব্যৱস্থা কৰা হ'ব ৷" এই আশ্বাস প্ৰদান কৰিছে শিক্ষামন্ত্ৰী ডাঃ ৰণোজ পেগুৱে ৷

বৰ্তমানৰ মুখ্যমন্ত্ৰী ডঃ হিমন্তবিশ্ব শৰ্মাই আশা সকলো কাম-কাজ বাদ দি বিধায়ক কিনা অভিযানতহে নামি পৰিছে । সোমবাৰে কংগ্ৰেছৰ ক'ৰ কমিটিৰ বৈঠকত ভাগ লোৱাৰ অন্তত সাংবাদিকৰ আগত এই মন্তব্য কৰে সাংসদ গৰাকীয়ে ৷

তিনি সমষ্টিৰ উপ নিৰ্বাচনত অকলেই নিৰ্বাচন খেলিব AIUDF য়ে । গোসাঁইগাঁও, তামুলপুৰ, ভবানীপুৰ সমষ্টিত নিৰ্বাচন খেলিব দলটোৱে ৷

বেংগলী ফেডাৰেচনৰ সভাপতি দীপক দে'ৰ পুত্তলিকা দাহ কৰি লখিমপুৰত উত্তাল প্ৰতিবাদ সাব্যস্ত কৰে অসমীয়া যুৱ মঞ্চই ৷ শৃংখল চলিহাৰ বিৰুদ্ধে বেংগলী ফেডাৰেচনে ৰুজু কৰা গোচৰ প্ৰত্যাহাৰ কৰাৰ দাবীত সংগঠনটোৱে সাব্যস্ত কৰে এই প্ৰতিবাদ ৷

এটা পৰিয়ালত সৰ্বাধিক কিমানগৰাকী সদস্য থাকিব পাৰে ! এই প্ৰশ্নৰ সঠিক উত্তৰ হয়তো দিব পৰা নাযায় ৷ কিন্তু আপুনি জানেনে, বিশ্বৰ সৰ্ববৃহৎ পৰিয়ালটো ক’ত আছে আৰু ইয়াৰ সদস্য সংখ্যা কিমান ?

প্ৰথমবাৰৰ বাবে আজি একেলগে উচ্চতম ন্যায়ালয়(Supreme Court)ৰ ৯ গৰাকী ন্যায়াধীশে শপত গ্ৰহণ কৰিব । মঙলবাৰে উচ্চতম ন্যায়ালয়ৰ ন্যায়াধীশ হিচাপে শপত ল'বলগীয়া ৯ গৰাকী নতুন ন্যায়াধীশৰ ভিতৰত আছে তিনিগৰাকী মহিলা ন্যায়াধীশ ।

উত্তৰ প্ৰদেশৰ মথুৰাত প্ৰায় দুই ডজন লোক আক্ৰান্ত হোৱা scrub typhus প্ৰকৃততে কি আৰু আপুনি এই ৰোগত আক্ৰান্ত নহ’বলৈ কি কৰিব লাগিব ? আহক জানো সেই সন্দৰ্ভত কিছু কথা-

অসমবাসীৰ বাবে আন এক ভাল খবৰ । এইবাৰ ৰাষ্ট্ৰীয় পৰ্যায়ৰ বাংলা ভাষাৰ টিভি চেনেলত অভিনয় কৰাৰ সুযোগ লাভ কৰিছে অসমৰ এগৰাকী যুৱতীয়ে ।