9 বজাৰ দহটা শীৰ্ষ বাতৰি...
জনসংখ্যা নীতিক লৈ মুখ্যমন্ত্ৰীক ৰাজনীতি নকৰিবলৈ আহ্বান দেৱব্ৰত শইকীয়াৰ
ৰাজ্য চৰকাৰে শেহতীয়াকৈ প্ৰৱৰ্তন কৰিবলৈ লোৱা জনসংখ্যা নীতিক লৈ প্ৰতিক্ৰিয়া প্ৰকাশ কৰি দেওবাৰে বিৰোধী দলপতি গৰাকীয়ে কয় যে, জনসংখ্যা বৃদ্ধি ৰোধ কৰিবলৈ কেৱল বিজেপিয়েহে যে একক প্ৰচেষ্টা চলাইছে মুখ্যমন্ত্ৰীয়ে তেনে এক ধাৰণা দিবলৈ চেষ্টা চলাইছে । কিন্তু সেয়া শুদ্ধ নহয় । কিয়নো, দেশত পূৰ্বৰ কংগ্ৰেছ চৰকাৰেই "হাম দো হামাৰে দো" শ্ল'গানেৰে জনসংখ্যা ৰোধ কৰাৰ আঁচনি লৈছিল । কংগ্ৰেছ চৰকাৰৰ দিনতে কেন্দ্ৰত শিক্ষা বিভাগৰ নাম সলনি কৰি মানৱ সম্পদ বিভাগ নাম দিয়া হৈছিল ৷
অতি শীঘ্ৰে ৰূপায়ণ হ’ব BTR চুক্তিৰ 9 নং দফা
বিটিআৰ চুক্তিৰ ৯ নং দফা অনুসৰি প্ৰাক্তন এনডিএফবি সকলৰ পুনৰ সংস্থাপনৰ দিবলৈ ইতিমধ্যে সিদ্ধান্ত গ্ৰহণ কৰা হৈছে ৷ সেই অনুসৰি প্ৰাক নিযুক্তি প্ৰশিক্ষণৰ যোগেদি প্ৰাক্তন এনডিএফবি সকলক সামৰিক আৰু অৰ্ধসামৰিক বাহিনীত নিযুক্তি দিয়া হ’ব । যি সকলৰ নিযুক্তিৰ বয়স ইতিমধ্যে উকলি গৈছে তথা প্ৰাক নিযুক্তি প্ৰশিক্ষণৰ যোগেদিও যিসকলে যোগ্যতা অৰ্জন কৰিব নোৱাৰে তেওঁলোকক দক্ষতা বিকাশ প্ৰশিক্ষণৰ জৰিয়তে স্বাৱলম্বী কৰাৰ লক্ষ্য স্থিৰ কৰা হৈছে বুলি মন্তব্য কৰে বিটিআৰৰ মুখ্য কাৰ্যবাহী প্ৰমোদ বড়োৰ ৷
কাৰ্বি আংলঙত আৰক্ষীৰ হাতত নিহত UPRF ৰ দুই সদস্য
কাৰ্বি আংলঙৰ সিংহাসন পাহাৰৰ জলেনত দেওবাৰে দুপৰীয়া আৰক্ষী আৰু উগ্ৰপন্থীৰ মাজত তীব্ৰ সংঘৰ্ষ সংঘটিত হয় । এই সংঘৰ্ষত কুকি উগ্ৰপন্থী সংগঠন ইউপিআৰএফৰ(UPRF) দুই সদস্য নিহত হয় ।
ৰাজ্যত দহ দিনৰ বাবে লক ডাউন দিয়াৰ সম্ভাৱনা !
মুখ্যমন্ত্ৰী হিমন্ত বিশ্ব শৰ্মাই ৰাজ্যৰ ক’ভিড পৰিস্থিতিৰ ওপৰত ভিত্তি কৰি কেইবাখনো জিলাত সম্পূৰ্ণ লক ডাউন দিয়া হ’ব পাৰে বুলি জানিবলৈ দিয়ে ৷ অৱশ্যে এই সম্পৰ্কে বৃহস্পতিবাৰেহে চূড়ান্ত সিদ্ধান্ত লোৱা হ’ব বুলি কয় মুখ্যমন্ত্ৰী গৰাকীয়ে । হিমন্ত বিশ্ব শৰ্মাই কয় যে, অহা সপ্তাহলৈ যদিহে কেইখনমান জিলাৰ ক’ভিড পৰিস্থিতি হ্ৰাস নাপাই, তেন্তে জনসাধাৰণৰ সুৰক্ষাৰ দিশটোৰ প্ৰতি লক্ষ্য ৰাখি কমেও ১০ দিনৰ বাবে লক ডাউন দিব লগা হ’ব পাৰে ৷