সমষ্টিৰ উন্নয়নৰ বাবে তৎপৰ বিধায়ক ৰূপক শৰ্মা
সমষ্টিৰ উন্নয়নৰ গতি তৰাম্বিত কৰাৰ উদ্দেশ্যে তৎপৰ হৈ পৰিছে নগাঁও সদৰ সমষ্টিৰ বিধায়ক ৰূপক শৰ্মা ৷ শুকুৰবাৰে লোক নিৰ্মাণ(PWD road) বিভাগৰ বিষয়া-কৰ্মচাৰীৰ লগত বৈঠকত মিলিত হয় বিধায়কগৰাকী ৷
১০০ বিঘা মাটিত কঠীয়া পৰাৰ সিদ্ধান্ত বিশ্বজিৎ ফুকনৰ
গোলাঘাট জিলাৰ বৰপথাৰ, সৰুপথাৰৰ কৃষক ৰাইজ বৰ্তমান গভীৰ চিন্তাত পৰিছে । বাৰিষা কাল সমাগত যদিও পথাৰত পানীৰ অভাৱ হোৱাত সম্প্ৰতি পথাৰত চিৰাল ফাঁট মেলিছে । জেঠ মাহৰ আধাতকৈ বেছি দিন পাৰ হোৱাৰ পিছতো ৰাইজে কঠীয়া সিঁচিব পৰা নাই । যাৰ ফলত এতিয়া বিমোৰত পৰিছে কৃষকসকল । কৃষকৰ এনে সমস্যা দেখি সমষ্টিটোৰ বিধায়ক বিশ্বজিৎ ফুকনে বৰপথাৰ, সৰুপথাৰত থকা জলসিঞ্চন ব্যৱস্থাসমূহ কাৰ্যক্ষম কৰাৰ উপৰিও এই দুৰ্যোগৰ সময়ত ৰাইজৰ সুবিধাৰ্থে ১০০ বিঘা মাটিত কঠীয়া পৰাৰ কথা ঘোষণা কৰিছে বিধায়ক গৰাকীয়ে । বিধায়ক হিচাপে নিৰ্বাচিত হোৱাৰ প্ৰায় এমাহৰ ভিতৰতে বিশ্বজিত ফুকনে লোৱা পদক্ষেপক সমষ্টিবাসীয়ে শলাগিছে ৷
সৰ্বানন্দ সোণোৱালৰ বাবে বাস্তুশাস্ত্ৰ মতে সজোৱা হৈছে M-13
জুন মাহৰ ভিতৰতেই প্ৰাক্তন মুখ্যমন্ত্ৰী সৰ্বানন্দ সোণোৱালে ত্যাগ কৰিব খাৰঘুলি পাহাৰৰ ব্ৰহ্মপুত্ৰ ৰাজ্যিক অতিথিশালা । মুখ্যমন্ত্ৰী হোৱা দিনৰে পৰাই এই অতিথিশালাটো সোণোৱালে তেওঁৰ বাসগৃহ হিচাপে ব্যৱহাৰ কৰি আহিছে । ব্ৰহ্মপুত্ৰ অতিথিশালাৰ পৰা আহি সোণোৱালে প্ৰৱেশ কৰিব দিছপুৰৰ মিনিষ্টাৰ্ছ কলনিত ।
বোকাজানত ৰে’ল আৰক্ষীৰ অভিযানত জব্দ ৭.৫ কিল’গ্ৰাম গাঞ্জা
শুকুৰবাৰে কাৰ্বি আংলং জিলাৰ বোকাজানত ৰে’ল আৰক্ষী(RPF Bokajan)ৰ অভিযানত ৭.৫ কিল’গ্ৰাম গাঞ্জা(ganja seized) জব্দ ৷ এটা পৰিত্যক্ত বেগৰ পৰা তিনিটা পেকেটত ভৰাই থোৱা অৱস্থাত উদ্ধাৰ হৈছে গাঞ্জাখিনি ৷ জব্দ হোৱা গাঞ্জাখিনিৰ বজাৰ মূল্য প্ৰায় ৩৫ হাজাৰ টকা বুলি অনুমান কৰিছে আৰক্ষীয়ে ৷
লাওখোৱাত টেপ ৰেকৰ্ডাৰেৰে পক্ষী চিকাৰ চোৰাং চিকাৰীৰ
অত্যাধুনিক ৰেকৰ্ড প্লেয়াৰৰ সহায়ত পৰিভ্ৰমী পক্ষী চিকাৰ চোৰাং চিকাৰীৰ । লাওখোৱাত পুনৰ জব্দ চিকাৰ কৰা চৰাইৰ লগতে চিকাৰত ব্যৱহৃত সামগ্ৰী । চোৰাং চিকাৰী গ্ৰেপ্তাৰত ব্যৰ্থ লাওখোৱাৰ বন বিভাগ ।