9 বজাৰ শীৰ্ষ দহটা বাতৰি...

9 বজাৰ শীৰ্ষ দহটা বাতৰি...

লংকাৰ উদালিত সংঘটিত হোৱা চিকিৎসক প্ৰহাৰৰ ঘটনাৰ উচিত তদন্তৰ বাবে চি আই ডি বিভাগৰ বিষয়া বিবেকানন্দ দাসক প্ৰদান কৰা হ’ব দায়িত্ব ৷ সংবাদ মাধ্যমযোগে এই কথা প্ৰকাশ কৰে আৰক্ষী সঞ্চালক প্ৰধান ভাস্কৰ জ্যোতি মহন্তই ৷

বুধবাৰে ৰাজ্যজুৰি চিকিৎসকসলে ক’লা বেজ পৰিধান কৰাৰ উপৰি চিকিৎসাল সমূহৰ সাধাৰণ বহিঃবিভাগ পুৱা ৮ বজাৰ পৰা দিনৰ ২ বজালৈ বন্ধ ৰাখি প্ৰতিবাদ সাব্যস্ত কৰে উদালী কাণ্ডৰ বিৰুদ্ধে । ৰাজ্যৰ উজনিৰ পৰা নামনিলৈ বিভিন্ন প্ৰান্তত প্ৰতিবাদত বহা দেখা গৈছে চিকিৎসক আৰু চিকিৎসাকৰ্মী সকলক ৷

ক’ভিডৰ ভয়াৱহ সংক্ৰমণৰ সময়চোৱাত গোলাঘাট আৰু কাৰ্বি আংলঙৰ সীমান্তৱৰ্তী পাহাৰৰ দাঁতি কাষৰীয়া অঞ্চলৰ লোকসকল কেনে আছে ? সীমান্তৱৰ্তী অঞ্চলৰ পৰা সংবাদদাতা দিগন্ত চাহুৰ এক প্ৰতিবেদন...

ক'ভিডৰ শৃংখল ভাঙিবলৈ আৰু ইয়াৰ সংক্ৰমণ ৰোধৰ বাবে নতুন কৌশল গ্ৰহণ কৰিছে ডিব্ৰুগড়ত স্বাস্থ্য বিভাগে ৷ বুধবাৰৰ পৰা ডিব্ৰুগড় স্বাস্থ্য বিভাগে হাতত লৈছে এই নতুন কাৰ্যসূচী ৷

বুধবাৰে ৰাজ্যৰ বিত্তমন্ত্ৰী অজন্তা নেওগে গোলাঘাটলৈ যোৱা সময়তেই কাজিৰঙাৰ 37 নং ৰাষ্ট্ৰীয় ঘাইপথৰ ওপৰত আঘাতপ্ৰাপ্ত অৱস্থাত এটা গুঁই সাঁপ প্ৰত্যক্ষ কৰে ৷ গুঁই সাঁপটোৰ মূৰত কেইবা ঠাইতো আঘাতৰ চিন স্পষ্ট হৈ আছিল ৷ কোনো বাহনৰ তলত আহি গুঁই সাঁপটোৰ মৃত্যু হোৱা বুলি উদ্যান কৰ্তৃপক্ষই নিশ্চিত কৰিছে ৷

অসমৰ দুটাকৈ কাগজ কল নিলামৰ বিজ্ঞাপন প্ৰকাশ কৰা পাচতে ক্ষোভ প্ৰকাশ কৰিছে সদৌ অসম ছাত্ৰ সন্থাৰ উপ-সভাপতি উৎপল কুমাৰ শৰ্মাই ৷ তেওঁ কয়, কাগছ কল দুটা পুনজ্জীৱিতকৰণৰ ক্ষেত্ৰত আদালতে ৰায় দিয়া পাচতো উদ্যোগ বিভাগটোৱে কিদৰে এই বিজ্ঞাপন দিলে সেয়া ৰহস্য জনক ৷

"NO VACCINATION, NO SALARY" উত্তৰ প্ৰদেশৰ ফিৰোজাবাদত প্ৰতিষেধক গ্ৰহণ নকৰা চৰকাৰী কৰ্মচাৰীৰ দৰমহা কৰ্তনৰ নিৰ্দেশ দিয়া হৈছে । জিলাখনৰ মুখ্য উন্নয়ন বিষয়া, চৰ্চিত গৌড়ে জনাইছে যে, জিলা কোষাগাৰ বিষয়া আৰু অন্যান্য বিভাগীয় মুৰব্বীসকলক এই আদেশ কাৰ্যকৰী কৰিবলৈ নিৰ্দেশ দিয়া হৈছে । লগতে এখন তালিকা প্ৰস্তুত কৰিবলৈ আৰু প্ৰতিগৰাকী কৰ্মচাৰীৰ টীকাকৰণ নিশ্চিত কৰিবলৈ নিৰ্দেশ দিয়া হৈছে ।

গুগলে দাখিল কৰা আবেদন সন্দৰ্ভত প্ৰতিক্ৰিয়া প্ৰকাশ কৰিবলৈ ২৫ জুলাইলৈকে সময়সীমা নিৰ্ধাৰণ কৰি দিলে দিল্লী উচ্চ ন্যায়ালয়ে । কেন্দ্ৰীয় চৰকাৰ, দিল্লী চৰকাৰ, ভাৰতৰ ইণ্টাৰনেট সেৱা প্ৰদানকাৰী সংস্থা, ফেচবুক আৰু এগৰাকী মহিলালৈ জাননী জাৰি কৰি দিল্লী উচ্চ ন্যায়ালয়ে এই সন্দৰ্ভত উত্তৰ দিবলৈ নিৰ্দেশ দিয়ে ।

কেন্দ্ৰীয় চৰকাৰৰ টীকাকৰণ নীতিক সমালোচনা কংগ্ৰেছ নেত্ৰী প্ৰিয়ংকা গান্ধীৰ ৷ এটি ভিডিঅ’যোগে কেন্দ্ৰীয় চৰকাৰক কেইবাটাও প্ৰশ্ন কৰে কংগ্ৰেছ নেত্ৰী গৰাকীয়ে ৷

জোনাইত আৰক্ষীয়ে আটক কৰিছে তিনিজন বাইক চোৰ ৷ তিনি বাইক চোৰৰ দুজন অৰুণাচলৰ পূৱ ছিয়াং জিলাৰ পাচিঘাটৰ এজন ৰুকচিনৰ বুলি আৰক্ষীয়ে জানিবলৈ দিয়ে ৷