9 বজাৰ শীৰ্ষ দহটা বাতৰি...

9 বজাৰ শীৰ্ষ দহটা বাতৰি...

বিগত দুটা সপ্তাহত নগাঁও আৰক্ষীৰ বৃহৎ সফলতা ৷ ড্ৰাগছৰ বিৰুদ্ধে অভিযান চলাই জব্দ কৰিবলৈ সক্ষম হৈছে বহু পৰিমাণৰ নিচাজাতীয় সামগ্ৰী, আপত্তিজনক নথি পত্ৰৰ লগতে বহু লাখ টকা ৷

দেওবাৰে নিশা জুৰীয়াত ড্ৰাগছৰ বিৰুদ্ধে নগাঁও জিলাৰ আৰক্ষী অধীক্ষকৰ অভিযান ৷ উক্ত অভিযানত আৰক্ষীয়ে এজন ড্ৰাগছ ব্যৱসায়ী আটক কৰা লগতে মৰণাস্ত্ৰ জব্দ কৰিবলৈ সক্ষম হৈছে ।

ড্ৰাগছৰ বিৰুদ্ধে ডিব্ৰুগড় আৰক্ষীৰ অভিযান ৷ অভিযানত জব্দ হৈছে বহু পৰিমাণৰ নিচাজাতীয় সামগ্ৰী ৷ দেওবাৰেও ডিব্ৰুগড় আৰক্ষীয়ে অভিযান চলাই এজন লোকক আটক কৰাৰ লগতে এখন মটৰ চাইকেল ৷

কৰ'ণা প্ৰতিৰোধৰ বাবে ৰাজ্য চৰকাৰে জাৰি কৰা নতুন নিৰ্দেশনাই আন আন ক্ষেত্ৰৰ দৰে ক্ষতিগ্ৰস্ত কৰিছে ৰাজ্যৰ কৃষি খণ্ডৰ লগতে পশু পালকসকলক ৷ বজাৰৰ অভাৱত উৎপাদিত শস্য, দুগ্ধজাত সামগ্ৰী আদি বিক্ৰী কৰিব নোৱাৰি ব্যৱসায়ীসকল হতাশাৰ সন্মুখীন হোৱাৰ দৰেই হাঁহ-কুকুৰাপালক সকলো চিন্তিত হৈ পৰিছে পশুধনকলৈ ৷

কাৰ্বিআংলঙত উদ্ধাৰ দুটি অনাথ কন্যা শিশু ৷ শিশু দুটিৰ বয়স ক্ৰমে 10 আৰু 12 বছৰ ৷ দুয়োগৰাকী শিশুক বিভাগীয় যাৱতীয় কাম-কাজ কৰাৰ পাচত ধনশিৰি অনাথ গৃহত ৰখা হৈছে ৷

ক’ভিড মহামাৰীৰ ত্ৰাসৰ ফলত জাৰি কৰা লক ডাউনে অন্য ক্ষেত্ৰৰ লেখীয়াকৈ কুটীৰ শিল্পৰ সৈতে জড়িত শিল্পীসকলৰ জীৱনলৈ নামি আহিছে আৰ্থিক দুৰ্যোগ ৷ টীয়কৰ বলমা দিহিঙীয়া গাঁৱৰ মুকুল চুতীয়া নামৰ শিল্পীগৰাকীৰ জীৱনলৈও বিপৰ্যয় নমাই আনিছে মহামাৰী ক’ভিডে ৷

বকোৰ এঘৰত আহি ভিৰ কৰিছে শ শ আলহী । আলহীয়ে আহিয়েই সাজি লৈছে ঘৰ-দুৱাৰ । ইয়াক লৈ কিন্তু তিলমানো আক্ষেপ নাই গৃহস্থৰ । বৰঞ্চ মাজে মাজে খোৱাৰহে যোগান ধৰি আহিছে পৰিয়ালটোৱে ।

দেওবাৰে ওদালগুৰিৰ জিলাৰ ক’ভিড পৰিস্থিতিৰ বুজ লয় মুখ্য সচিব জিষ্ণু বৰুৱাই ৷ লগতে তেওঁ জিলাখনৰ বান পৰিস্থিতি তথা প্ৰস্তুতিৰ বিষয়ে জানিবলৈ জিলাখনৰ জ্যেষ্ঠ বিষয়াসকলৰ সৈতে আলোচনাত মিলিত হয়

কাছাৰ আৰক্ষীৰ অভিযানত জব্দ হয় বৃহৎ পৰিমাণৰ ব্ৰাউন চুগাৰ ৷ লগতে দুটাকৈ সৰবৰাহকাৰীক আটক কৰে কাছাৰ আৰক্ষীয়ে ৷

পুনৰ এবাৰ বিপিচিএল আগবাঢ়ি আহিছে অসমৰ ৰাইজৰ বাবে । বিপিচিএলয়ে মুখ্যমন্ত্ৰী সাহাৰ্য পুঁজিলৈ আগবঢ়াইছে এক কোটি টকাৰ এক আৰ্থিক সাহাৰ্য । উক্ত ধন ৰাশি বিপিচিএলৰ হৈ অসম চৰকাৰলৈ আগবঢ়াই বিপিচিএলৰ পৰিচালন সঞ্চালক ৰিপ হাজৰিকাই ।