7 বজাৰ সংবাদ শীৰ্ষ

7 বজাৰ সংবাদ শীৰ্ষ

ডিব্ৰুগড় বিশ্ববিদ্যালয়ৰ ছাত্ৰৰ দেহত অ’মিক্ৰনৰ সন্দেহজনক অৱস্থিতি (Suspected omicron positivity in Dibrugarh university student ) ৷ শৰীৰত অমিক্ৰণৰ অৱস্থিতি ধৰা পৰা দুয়োজন ছাত্ৰই বিদেশী ৷

নৱবৰ্ষৰ প্ৰাকক্ষণত যান-বাহন আইন উলংঘনকাৰীৰ বিৰুদ্ধে কঠোৰ প্ৰশাসন (Assam govt strict against traffic rule violators)। হেলমেট পৰিধান নকৰাকৈ বাহন চলালে এহাজাৰ টকাৰ জৰিমনা ভৰাৰ লগতে তিনি মাহৰ বাবে অনুজ্ঞাপত্র বাতিল হ'ব ।

ডিব্ৰু মহাবিদ্যালয়ৰ ছাত্র একতা সভাৰ নিৰ্বাচনত আছুৱে পৰাজয় মানি ল'ব নোৱাৰিহে ছাত্ৰ পৰিষদৰ চাৰিজনকৈ ছাত্ৰৰ ওপৰত চোকা অস্ত্ৰৰে আক্ৰমণ কৰাৰ অভিযোগ ছাত্ৰ পৰিষদৰ (ACP reacts on recent AASU ACP clash) ৷

Assam Building & Others Construction Workers Welfare Board নামৰ সংস্থাটোৱে 2018 চনতে বিভিন্ন শ্ৰমিকক দক্ষতা বিকাশৰ প্ৰশিক্ষণ দিয়াৰ নামত 75 কোটি টকা খৰচ কৰিছিল । উক্ত প্ৰশিক্ষণৰ তিনিবছৰ উকলি যোৱাৰ পিছতো বহু প্ৰশিক্ষাৰ্থীৰ ধন আদায় দিয়া নাই । এই অনিয়ম সম্পৰ্কত মুখ্যমন্ত্ৰী হিমন্ত বিশ্ব শৰ্মাৰ হস্তক্ষেপ দাবী আসাম পাব্লিক ৱৰ্কছৰ ।

ক'ভিড সৃষ্ট পৰিস্থিতিৰ পৰিপ্ৰেক্ষিতত বিশ্বৰ বিভিন্ন দেশত বাতিল কৰা হৈছে যাত্ৰীবাহী বিমান । বৰদিনৰ প্ৰাকমূহুৰ্তৰ পৰা বৰ্তমানলৈকে ১১,৫০০ খন বিমানৰ যাত্ৰা বাতিল কৰা হৈছে (11,500 flights cancelled worldwide since Christmas eve) ।

মুকলিৰ বাবে সম্পূৰ্ণ সাজু হৈ উঠিছে ত্ৰিপুৰা বিমানবন্দৰৰ নতুন টাৰ্মিনেল ভৱন । জানুৱাৰীৰ প্ৰথম সপ্তাহতে প্ৰধানমন্ত্ৰী নৰেন্দ্ৰ মোডীয়ে উদ্বোধন কৰিব নৱনিৰ্মিত টাৰ্মিনেল ভৱনটো (PM modi to inaugurate MBB airport terminal)। তাৰ পূৰ্বে ভাৰতীয় বিমানবন্দৰ প্ৰাধিকৰণৰ অধ্যক্ষসহ শীৰ্ষ বিষয়াসকলে পৰিদৰ্শন কৰে টাৰ্মিনেলটো ।

অসম ৰাইফলচৰ প্ৰাক্তন সেনা জোৱান নৰেন চন্দ্ৰ দাসৰ মৃত্যু(Demise of former Assam Rifles soldier Naren Chandra Das) ৷ দালাই লামাই চীন সীমান্ত হৈ ভাৰতলৈ পলাই অহাৰ সময়ত নিৰাপত্তা প্ৰদান কৰিছিল এইগৰাকী সেনা জোৱানে ৷ তেখেতৰ মৃত্যুত সমগ্ৰ চাৰিদুৱাৰ-বালিপৰা অঞ্চলত শোকৰ ছাঁ পৰে ।

মহাৰাষ্ট্ৰৰ কেবিনেট মন্ত্ৰী আদিত্য ঠাকৰেক উপহাস কৰি বিতৰ্কৰ মাজত সোমাই পৰিছে বিজেপি বিধায়ক তথা প্ৰাক্তন মুখ্যমন্ত্ৰী নাৰায়ণ ৰাণেৰ পুত্ৰ নিতেশ ৰাণে (Nitesh Rane in controversy) । আদালতত আগতীয়া জামিন বিচাৰি আবেদন নিতেশ ৰাণেৰ ।

বিধানসভা নিৰ্বাচনৰ প্ৰাকক্ষণত তিনিদিনীয়া ভ্ৰমণসূচীৰে উত্তৰ প্ৰদেশত উপস্থিত হৈছে নিৰ্বাচন আয়োগৰ দল (ECI team visit UP before assembly election)। ৰাজ্যখনৰ সমাগত নিৰ্বাচন সম্পৰ্কে বিভিন্ন বিভাগৰ সৈতে বৈঠকত মিলিত হ'ব দলটো । দলটোৰ নেতৃত্বত আছে দেশৰ মুখ্য নিৰ্বাচন আয়ুক্ত সুশীল চন্দ্ৰ ।

অনুপ্ৰৱেশৰ অভিযোগত ২৯ বছৰে পাকিস্তানৰ কাৰাগাৰত বন্দী হৈ আছিল জম্মু-কাশ্মীৰৰ কুলদীপ সিং (Kuldeep spent 29 years in a Pakistani jail)। আইনী যুঁজত জয়ী হৈ অৱশেষত কাৰাগাৰৰ পৰা মুকলি কৰা হয় ভাৰতীয় কুলদীপক । দীৰ্ঘদিনৰ অন্তত বাসগৃহত উপস্থিত হোৱাৰ লগে লগে আনন্দমুখৰ পৰিৱেশে বিৰাজ কৰে সমগ্ৰ অঞ্চলত ।