7 বজাৰ দহটা শীৰ্ষ বাতৰি

7 বজাৰ দহটা শীৰ্ষ বাতৰি

সোমবাৰে ছিপাঝাৰৰ ধলপুৰ চৰ অঞ্চলৰ 77,420 বিঘা ভূমি পৰিদৰ্শন কৰে কেবিনেট মনোনীত সমিতিয়ে ৷ কিছুদিন পূৰ্বে মুখ্যমন্ত্ৰী ড৹ হিমন্ত বিশ্ব শৰ্মাই ছিপাঝাৰ সমষ্টিৰ ধলপুৰ পৰিদৰ্শন কৰাৰ পাচতে চৰ অঞ্চলৰ 77,420 বিঘা বেদখলকৃত ভূমি বেদখলমুক্ত কৰি কৃষিকাৰ্যৰ বাবে আঁচনিৰ পৰিকল্পনা কৰিছিল ৷

CAA আন্দোলনৰ সৈতে ওতঃপ্ৰোতভাৱে জড়িত দেবাংগনা কলিতা, আচিফ ইকবাল তানহা আৰু নাটাশা নৰৱালে লাভ কৰে জামিন ৷ মঙলবাৰে দিল্লী উচ্চ ন্যায়ালয়ত হোৱা শুনানিত ন্যায়ালয়ে জামিন প্ৰদান কৰে তিনিওকে ৷ ন্যায়াধীশ সিদ্ধাৰ্থ মৃদুল আৰু ন্যায়াধীশ অজয় জয়ৰাম ভাংবানীৰ বিচাৰপীঠে তিনিওকে নিয়মিত জামিন প্ৰদান কৰিবলৈ নিৰ্দেশ প্ৰদান কৰে ৷

ক’ভিড (Covid)ৰ নতুন নীতি-নিৰ্দেশনা সন্দৰ্ভত কেইটামান বিশেষ সিদ্ধান্ত গ্ৰহণ কৰিছে মুখ্যমন্ত্ৰী ড৹ হিমন্ত বিশ্ব শৰ্মাই ৷ 22 জুন পৰ্যন্ত ৰাজ্য়ত বাহাল থাকিব এই নীতি ৷ এক সংবাদমেলযোগে এই কথা ঘোষণা স্বাস্থ্যমন্ত্ৰী কেশৱ মহন্তৰ ৷

নিদিৰ্ষ্ট জিলাৰ শিক্ষা বিভাগৰ নিৰ্দেশনাক ভৰিৰে মোহাৰি ৰাজ্যৰ বিভিন্ন জিলাত অধিকাংশ বিদ্যালয়তে হিন্দী বিষয়ৰ শিক্ষকৰ পদটো প্ৰাদেশিকীকৰণ (provincialization)কৰা হৈছে যাৰ ফলত উপযুক্ত তথা বহু জ্যেষ্ঠ শিক্ষক নিযুক্তিৰ পৰা বাদ পৰিবলীয়া হৈছে ।

সোমবাৰে কাৰ্বি আংলঙৰ ডিফু চিকিৎসা মহাবিদ্যালয় হাস্পতাল (Diphu Medical College Hospital)ৰ ২১ খন নতুন ক'ভিড আই চি ইউ বিচনা ( Covid ICU Bed) মুকলি কৰে স্বাস্থ্যমন্ত্ৰী কেশৱ মহন্ত (Keshab Mahanta)ই । মন্ত্ৰীগৰাকীয়ে নিশা কাৰ্বি আংলং স্বায়ত্ত্বশাসিত পৰিষদ আৰু জিলা প্ৰশাসনৰ সৈতে জিলাখনৰ ক'ভিড (Covid 19)পৰিস্থিতি সন্দৰ্ভত পৰিষদ সচিবালয়ত এক বৈঠকতো মিলিত হয় ।

উদালীৰ চিকিৎসক নিগ্ৰহ কাণ্ডৰ লগত জড়িত ইজনৰ পিছত সিজন অভিযুক্তক গ্ৰেপ্তাৰ কৰিবলৈ সক্ষম হৈছে আৰক্ষী । শেহতীয়াকৈ চিকিৎসকক আক্ৰমণৰ উক্ত ঘটনা লগত জড়িত আন এজন অভিযুক্ত মকবুল আহমেদে আৰক্ষীৰ ওচৰত আত্মসমৰ্পণ কৰিছে ৷

মহামাৰী কাল কৰ'ণাই বহুতৰে জীৱনলৈ পৰিৱৰ্তন অনাৰ দৰে ভ্ৰাম্যমাণ থিয়েটাৰ(mobile theatre)ৰ অভিনেতা তথা কৰ্মীসকলৰ জীৱনলৈ কঢ়িয়াই আনিছে দুৰ্যোগ ৷ বিগত বছৰৰ পৰা সকলো সাংস্কৃতিক অনুষ্ঠান বন্ধ হৈ থকাৰ দৰে এক প্ৰকাৰ বন্ধ হৈ পৰিছে ভ্ৰাম্যমাণ জগত ৷ যাৰ ফলত আৰ্থিক ভাৱে জুৰুলা হৈ পৰিছে অভিনেতা তথা কৰ্মীসকল ৷ আন আন বহু অভিনেতা তথা কৰ্মীসকলৰ দৰে চৰাইদেউ জিলাৰ বৰহাটৰ ঐতিহাসিক নাহৰপুখুৰী গাঁৱৰ অভিনেতা তপন ৰাজকোঁৱৰে সলনি কৰিলে জীৱিকাৰ পথ ৷

ৰঙিয়াৰ আদৰ্শ চিকিৎসালয় (Rangiya model Hospital) কৰ্তৃপক্ষক মঙলবাৰে এখন এম্বুলেঞ্চ প্ৰদান কৰে স্থানীয় বিধায়ক ভৱেশ কলিতা (Bhabesh Kalita)ই ৷ ক'ভিড (Covid 19) পৰিস্থিতিত চিকিৎসাৰ ক্ষেত্ৰত সকাহ দিয়াৰ উদ্দেশ্যে এম্বুলেঞ্চখন প্ৰদান কৰিছে বুলি মন্তব্য কৰে ভৱেশ কলিতা (Bhabesh Kalita)ই ৷

একালৰ এগৰাকী জনপ্ৰিয় বাদ্য-যন্ত্ৰ শিল্পী(hands artist) ৷ এইগৰাকী শিল্পীয়ে এটা সময়ত বহু জনপ্ৰিয় কন্ঠ শিল্পীৰ সৈতে বাদ্য-যন্ত্ৰী হিচাপে অনুষ্ঠান পৰিৱেশন কৰিছিল ৷ যুৱ প্ৰজন্মৰ হাৰ্ট থ্ৰৱ স্বৰূপ জনপ্ৰিয় শিল্পী জুবিন গাৰ্গ(heart throb Zubeen Garg)ৰ লগতো গীত ৰেকৰ্ডিং(song recording) কৰিছিল শিল্পী গৰাকীয়ে ৷ পিছে বিগত বহুদিন ধৰি শিল্পী গৰাকীয়ে মানসিক ভাৰসাম্য হেৰুৱাই পদপথ বা ফুটপাথকে আশ্ৰয়স্থল হিচাপে ব্যৱহাৰ কৰি আহিছে ৷

এজাক বৰষুণত বুৰিল গুৱাহাটী মহানগৰ ৷ তাৰ মাজতে পোহৰলৈ আহিছে GMC ৰ টোঘলকী কাণ্ড ৷ গুৱাহাটী পৌৰ নিগম(Guwahati Municipal Corporation)ৰ নৱনিযুক্ত আয়ুক্ত দেৱাশিস শর্মাই বাতিল কৰিছে নলা-নর্দমা পৰিষ্কৰনৰ কাম কৰি থকা ৭১ গৰাকী ঠিকাদাৰৰ ঠিকাৰ চুক্তি পত্ৰ । যাক লৈ ক্ষোভিত হৈছে মহানগৰবাসী ৷