ৰাজ্যপাল শাসনৰ ম্যাদ বৃদ্ধিৰ বিৰোধিতা হাগ্ৰামা মহিলাৰীৰ
ৰিভিউ কৰিব লাগিব বিটিআৰ চুক্তি । একো নাই বিটিআৰ চুক্তিত,বিগ জিৰো ৷ চুক্তি ৰিভিউ নকৰিলে বিটিচি অঞ্চলৰ পৰিৱেশ বহুত বেয়া হ’ব । বিটিচি চৰকাৰ গঠন হোৱাৰ পিছতে সকলো দল-সংগঠনক লৈ আলোচনা কৰিব লাগিব ৷ নিৰ্বাচন গ’লেই আমি চৰকাৰৰ লগত আলোচনা কৰি সকলো ঠিক কৰিম । এই বিস্ফোৰক মন্তব্য প্ৰকাশ কৰিছে প্ৰাক্তন বিটিচিৰ মুৰব্বী হাগ্ৰামা মহিলাৰীয়ে ।
ৰূপহীহাটত মানসিক বিকাৰগ্ৰস্ত মহিলাক নৃশংস হত্যা
ৰূপহীহাটৰ গুণাবাৰীত সংঘটিত নৃশংস হত্যাকাণ্ড ৷ মানসিকভাৱে বিকাৰগ্ৰস্ত মহিলাক হত্যা কৰি পথৰ দাঁতিত পেলাই থৈ যায় কোনো অচিনাক্ত দুৰ্বৃত্তই ৷ ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ৷
UAE ত আইপিএল 2020
অপেক্ষাৰ অৱসান ঘটাই দ্বিতীয়বাৰৰ বাবে বিদেশৰ ভূমিত উঠিব আইপিএলৰ লহৰ ৷ নানান জল্পনা-কল্পনাৰ অন্তত 19 ছেপ্তেম্বৰৰ পৰা আৰম্ভ হ’ব আইপিএলৰ ত্ৰয়োদশ সংস্কৰণ৷ 53 দিনলৈ চলিবলগীয়া এই মহাৰণৰ অন্ত পৰিব অহা 10 নৱেম্বৰত ৷ প্ৰথমখন মেচতেই মুখামুখি হ’ব ডেফেণ্ডিং চেম্পিয়ন ৰোহিত নেতৃত্বাধীন মুম্বাই ইণ্ডিয়ানছ বনাম ধোনী নেতৃত্বাধীন চেন্নাই চুপাৰ কিংছ ৷ ডুবাই, আবু ধাবি, শ্বাৰজাহত অনুষ্ঠিত হ’ব আইপিএলৰ সমস্ত খেল৷ 10 টা কৈ ডাবুল হেডাৰ থকা এই প্ৰতিযোগিতাত অনুষ্ঠিত হ’ব সৰ্বমুঠ 60 খন মেচ ৷
বিজেপিয়ে NRCৰ সমস্যা সমাধান নকৰেঃ ৰকিবুল হুছেইন
পাঠশালাত প্ৰাক্তন মন্ত্ৰী ৰকিবুল হুছেইনৰ গুৰুত্বপূৰ্ণ মন্তব্য ৷ নিৰ্বাচন প্ৰসংগত মন্তব্য প্ৰদান প্ৰাক্তন মন্ত্ৰীৰ ৷ ৰঞ্জিৎ দাসক কটাক্ষ ৰকিবুল হুছেইনৰ ৷
সমূহীয়া মৎস্য চিকাৰত ব্যস্ত মৰিগাঁওবাসী
বৃহস্পতিবাৰে পুৱাতেই হাতত জাকৈ, খালৈ, প’ল আদি লৈ সমূহীয়া মৎস্য চিকাৰত নামিল মৰিগাঁৱৰ সমীপৱৰ্তী মৰা কলং, টেঙাগুৰিবাসী ৰাইজ ৷ প্ৰতি বছৰৰ লেখীয়াকৈ চলিত বৰ্ষতো বান শুকোৱাৰ পিছত মৰা কলঙত মৎস্য চিকাৰ কৰি পৰম্পৰা ৰক্ষা কৰে অঞ্চলবাসীয়ে ৷