সন্ধিয়া 7 বজাৰ শীৰ্ষ দহটা বাতৰি

7 বজাৰ শীৰ্ষ দহটা বাতৰি

আগন্তুক বৰ্ষৰ বিধানসভা নিৰ্বাচনত বিজেপি দলৰ পৰা মুখ্যমন্ত্ৰীৰ পদৰ বাবে প্ৰাক্তন মুখ্য ন্যায়াধীশ ৰঞ্জন গগৈয়ে প্ৰাৰ্থিত্ব আগবঢ়োৱাৰ সন্দেহ প্ৰকাশ কৰিছে প্ৰাক্তন মুখ্যমন্ত্ৰী তৰুণ গগৈয়ে ৷

2003 বৰ্ষত ভুপালৰ পৰা 40 কিলোমিটাৰ নিলগত অৱস্থিত ৰায়মেন জিলাৰ ভীম বেটকাৰ গুহাক ঘোষণা কৰা হৈছিল বিশ্ব ঐতিহ্য ক্ষেত্ৰ হিচাপে ৷ সেই বিশ্ব ঐতিহ্য ক্ষেত্ৰৰে জিলিকনি দেখিবলৈ পোৱা যাব মধ্য প্ৰদেশৰ তাঁতশালত বোৱা শাৰীত ৷

সংগীত শিল্পী বাবু,নেকিব আৰু অজয় ফুকনৰ কংগ্ৰছলৈ আগমনে কংগ্ৰেছ শিবিৰক আৰু অধিক উৎসাহিত কৰিব বুলি মন্তব্য কৰে প্ৰদেশ কংগ্ৰেছৰ সভাপতি ৰিপুন বৰাই ৷ নতুন প্ৰজন্মক লগত লৈ কংগ্ৰেছে 2021ত বিজেপি মুক্ত এখন চৰকাৰ গঠন কৰিব বুলিও কয় ৰিপুন বৰাই ৷

পুনৰ কাছাৰত লকডাউন ঘোষণা কৰাৰ সম্ভাৱনা ৷ ৰাজ্য চৰকাৰৰ মুখ্য সচিব কুমাৰ সঞ্জয় কৃষ্ণই এক জাননীযোগে প্ৰকাশ কৰিছে এই তথ্য ৷

কংগ্ৰেছ আৰু এআইইউডিএফৰ মিত্ৰতাত অধিক লাভৱান হ'ব বিজেপি ৷ এই মন্তব্য ডিব্ৰুগড়ৰ শাসকীয় দলৰ বিধায়ক প্ৰশান্ত ফুকনৰ ৷ কৃষক মুক্তি সংগ্ৰাম সমিতিৰ নতুন ৰাজনৈতিক দলক লৈয়ো মন্তব্য বিধায়কগৰাকীৰ ৷

যাত্ৰীৰ বাবে আছে এটা সু-খবৰ ৷ সোমবাৰে মুকলি হ’ব প্ৰত্যাশিত ৰোপৱে ৷ মন্ত্ৰী হিমন্ত বিশ্ব শৰ্মা আৰু মন্ত্ৰী সিদ্ধাৰ্থ ভট্টাচাৰ্যই আনুষ্ঠানিকভাৱে মুকলি কৰিব এই ৰোপৱে ৷ ৰোপৱেৰ পৰিচালনাৰ দায়িত্বত থকা বিষয়াগৰাকীয়ে সদৰী কৰিলে এই কথা ৷

কৰ’ণা ভাইৰাছৰ সংক্ৰমণৰ বাবে মথুৰা জিলা কাৰাগাৰৰ প্ৰায় 500 গৰাকী কাৰাবন্দীক কৰা হৈছে কোৱাৰেণ্টাইন ৷ বিগত সময়ছোৱাত কাৰাগাৰখনৰ 24 গৰাকী কাৰাবন্দীৰ দেহত ধৰা পৰিছিল কোভিড 19 ৰ উপস্থিতি ৷ তদুপৰি ঝান্সীৰ কাৰাগাৰত 128 গৰাকী আৰু বলিয়া কাৰাগাৰত 228 গৰাকী কাৰাবন্দীৰ দেহত ধৰা পৰিছিল কোভিড 19 ৰ উপস্থিতি ৷

২০২১ ৰ বিধানসভা নিৰ্বাচনৰ বাবে ৰাজ্যিক সভাপতি ৰঞ্জিৎ দাসে ৰাজ্যিক কাৰ্যনিৰ্বাহক সদস্যৰ ৭৪ জনীয়া তালিকাত অনুমোদন জনাইছে । ইতিমধ্যে সদ্য প্ৰকাশিত এই ৭৪ জনীয়া তালিকাক লৈ দলটোৰ আভ্যন্তৰত চৰ্চাৰ বিষয় হৈ পৰিছে ।

'ৰাষ্ট্ৰীয় খাদ্য সুৰক্ষা আঁচনিৰ ৰেচন বিতৰণ নামত ব্যাপক খেলিমেলি হোৱাত বহুমুখী সমবায় সমিতিৰ এজেন্টৰ বিৰুদ্ধে ৰাইজৰ সভা অনুষ্ঠিত হয় ৷ ইতিমধ্যে বিভাগীয় কৰ্তৃপক্ষক এই অভিযোগ দাখিল কৰিছিল যদিও কোনো ধৰণৰ গুৰুত্ব প্ৰদান নকৰাৰ অভিযোগ তোলে স্থানীয় ৰাইজে ।

শনিবাৰে প্ৰয়াত অভিনেতা সুশান্ত সিং ৰাজপুতৰ বান্দ্ৰাস্থিত বাসগৃহ পৰিদৰ্শন কৰে চিবিআইৰ এটি দলে ৷ তাৎপৰ্যপূৰ্ণ যে, সুশান্তৰ সৈতে একেটা অট্টালিকাতে থকা এগৰাকী মহিলাই সাংবাদিকৰে হোৱা বাৰ্তালাপত কয়, অভিনেতা গৰাকীৰ মৃত্যুৰ আগদিনা তাত কোনো ধৰণৰ পাৰ্টী হোৱা নাছিল ৷