সন্ধিয়া সাত বজাৰ শীৰ্ষ দহটা বাতৰি...

সাত বজাৰ শীৰ্ষ দহ বাতৰি...

বাঘজানত স্থাপিত হ'ল বিশেষ BOP ৷ বিশেষভাৱে তৈয়াৰী BOPটো সফলতাৰে সংস্থাপন কৰা হয় ৷

সোমবাৰে হাইলাকান্দিত অসম জাতীয়তাবাদী যুৱ ছাত্ৰ পৰিষদৰ CAA বিৰোধী প্ৰতিবাদ সাব্যস্ত ৷ CAA বাতিল নকৰিলে আগন্তুক দিনত চৰকাৰৰ বিৰুদ্ধে ভয়াৱহ আন্দোলন গঢ়ি তোলাৰ হুংকাৰ দিয়ে সংগঠনটোৱে ৷

সোমবাৰে নাহৰকটীয়া সমষ্টিৰ চাচনী মৌজাৰ শতাধিক লোকৰ পুনৰ বিজেপি দলত যোগদান ৷ নাহৰকটীয়া সমষ্টিৰ যুৱ নেতা তথা বিজেপিৰ নৱ গঠিত 2020-23 বৰ্ষৰ ৰাজ্যিক সমিতিৰ সম্পাদক তৰংগ গগৈৰ নেতৃত্বত অনুষ্ঠিত হয় যোগদান কাৰ্যসূচী ৷

ব্ৰহ্মপুত্ৰৰ বাঢ়নী পানীয়ে পুনৰ তাণ্ডৱ সৃষ্টি কৰিছে গোৱালপাৰাৰ জলেশ্বৰত ৷ হঠাতে অহা বাঢ়নী পানীয়ে বৃহত্তৰ অঞ্চলটো বুৰাই পেলোৱাৰ ফলত হাহাকাৰ পৰিস্থিতিৰ সৃষ্টি হৈছে অঞ্চলবাসীৰ মাজত ৷

ৰাজ্য চৰকাৰে জাৰি কৰা আনলক্ থ্ৰীৰ নিয়ম ভংগ কৰিছে ডিমা হাছাওবাসীয়ে ৷ সামাজিক স্থানত মাক্স পৰিধান আৰু বাধ্যতামূলক, সামাজিক দূৰত্ব বর্তাই ৰখাৰ নিৰ্দেশ জাৰি কৰাৰ পাচতো চহৰখনত এই নিয়ম ভংগ কৰিছে স্থানীয় ৰাইজে ৷

কৰ'ণা সন্ত্ৰাসৰ মাজতে ৰাজ্যৰ অন্য স্থানৰ লগতে কলিয়াবৰৰ প্ৰায় নামঘৰ আৰু সত্ৰতে অনুষ্টুপীয়াকৈ হ'লেও পৰম্পৰা ৰক্ষা কৰি আজিৰে পৰা আৰম্ভ হৈছে প্ৰাতঃ প্ৰসংগ । বৰতালৰ গুৰু-গহীন শব্দৰ মাজেৰে পুৱা প্ৰহৰৰ বৰগীতৰ পিচতেই মঞ্জিৰা নামৰ ধ্বনিৰে মুখৰিত হ'ব ভাদ মাহৰ প্ৰতি পুৱা ৷ গুৰু দুজনাৰ পবিত্ৰ সৃষ্টিৰে, গুঞ্জৰিত হ'ব কলিয়াবৰ, সোঁত বব ভকতিৰ অমিয়া ৰসৰ ।

পুনৰ স্বাস্থ্যৰ অৱনতি ঘটিছে প্ৰাক্তন ৰাষ্ট্ৰপতি প্ৰণৱ মুখাৰ্জীৰ ৷ দিল্লীৰ আৰ্মি হাস্পতালৰ চিকিৎসকে প্ৰকাশ কৰিছে এই কথা ৷

15 আগষ্টৰ দিনা সুশান্ত সিং ৰাজপুতৰ বাবে ৰখা হৈছিল "গ্ল'বেল প্ৰেয়াৰ মিট" ৷ অভিনেতা গৰাকীৰ ভগ্নী শ্বেতা সিং কীৰ্তিৰ মতে, প্ৰাৰ্থনা সভাত 10 লাখতকৈ অধিক লোক গোট খাইছিল ৷ লগতে শ্বেতাই প্ৰাৰ্থনা সভাত অংশগ্ৰহণ কৰা সকলো লোককে কৃতজ্ঞতা জ্ঞাপন কৰে ছ'চিয়েল মিডিয়া যোগে ৷

আজি গণশিল্পী খগেন মহন্তৰ ৭৮ সংখ্যক জন্মদিন । বিভিন্ন কাৰ্যসূচীৰে ৰাজ্যৰ ভিন্ন প্ৰান্তত শিল্পী গৰাকীৰ জন্মদিন উদযাপন কৰা পৰিলক্ষিত হয় । মহানগৰীৰ শ্ৰীমন্ত শংকৰদেৱ কলাক্ষেত্ৰ চৌহদৰ খগেন মহন্ত উদ্যানতো অনুষ্টুপীয়াকৈ পালন কৰা হয় গণশিল্পী গৰাকীৰ জন্মদিন ৷

পৰৱৰ্তী সময়ত চিলিণ্ডাৰটোৰ বিস্ফোৰণ ঘটাত অগ্নিকাণ্ডই ভয়াৱহ ৰূপ ধাৰণ কৰে । অগ্নিকাণ্ডত হেমচন্দ্ৰ হাজৰিকা,কল্যাণ দাস আৰু সুৰেন বৰুৱা নামৰ লোককেইজনৰ বাসগৃহ সম্পূৰ্ণৰূপে জুইত নিঃশেষ হয় । এখন বাইকসহ অন্যান্য সা-সম্পত্তিও জুইত জাহ যায় ।