সন্ধিয়া 5 বজাৰ শীৰ্ষ দহটা বাতৰি

সন্ধিয়া 5 বজাৰ শীৰ্ষ দহটা বাতৰি

পোহৰৰ উৎসৱ দীপাৱলীলৈ মাজত মাত্ৰ এটা দিন বাকী ৷ দীপাৱলীৰ উপলক্ষে শুকুৰবাৰে স্থানীয় বন্ধ ঘোষণা কৰিছে কামৰূপ(গ্ৰাম্য) জিলা প্ৰশাসনে ।

অপৰাধীৰ ৰম্যভূমি হিচাপে পৰিচিত গুৱাহাটী মহানগৰীৰ অংকুৰ হাজৰিকা নামৰ এগৰাকী ব্যক্তিৰ SBI একাউণ্টৰ পৰা হৰলুকি হৈছিল ৩৫ লাখ টকা ৷ CID ৰ হেল্পলাইন নম্বৰ ১৫৫২৬০ ৰ জৰিয়তে ব্যক্তিগৰাকীয়ে দাখিল কৰিছিল অভিযোগ ৷

মৰিয়নীৰ বিজেপিৰ বিধায়ক ৰূপজ্যোতি কুৰ্মীয়ে পৰামৰ্শ দিলে বীৰ লাচিত সেনাৰ শৃংখল চলিহাক । বুধবাৰে বিয়লি বোকাখাতত ৰূপজ্যোতি কুৰ্মীয়ে সাংবাদিকৰ আগত কয়, শৃংখল চলিহাই কথা কম কৰি কামত মনোযোগ দিয়ক ৷

ভাৰত চৰকাৰৰ আঞ্চলিক যোগাযোগ আঁচনি চমুকৈ 'আৰ চি এছ'ৰ উৰণৰ অধীনত উত্তৰ-পূৱৰ প্ৰতিটো বিমানবন্দৰৰ মাজত পাৰস্পৰিক বিমান সম্পৰ্ক অৰ্থাৎ প্ৰতিটো বিমানবন্দৰৰ মাজত ঘৰুৱা যাত্ৰীবাহী বিমান চলাচল কৰাৰ আঁচনি গ্ৰহণ কৰা হৈছে ৷

দীপ বায়ন(Deep Bayan)ক অসম প্ৰদেশ কংগ্ৰেছৰ সেৱা দলৰ কাৰ্যকৰী মুখ্য সংগঠক হিচাপে নিযুক্তি প্ৰদান সৰ্বভাৰতীয় কংগ্ৰেছ সেৱা দলৰ মুখ্য সংগঠক লালজী দেশাইৰ ৷

উপনিৰ্বাচনৰ ফলাফল ঘোষণাৰ পূৰ্বে নিশা ১২.৩০ বজালৈ মুখ্যমন্ত্রী হিমন্ত বিশ্ব শৰ্মাৰ লগত কথা পাতি কি ক'লে কংগ্ৰেছৰ বিধায়কসকলে । কিয় কংগ্ৰেছৰ দহ-বাৰজন বিধায়কে নিশা ১২.৩০ বজালৈ মুখ্যমন্ত্রীৰ লগত কথা পাতিলে ।

পানীসাগৰ কাণ্ড সন্দৰ্ভত ত্ৰিপুৰা প্ৰশাসনে এতিয়ালৈকে গ্ৰহণ কৰা ব্যৱস্থা সন্দৰ্ভত প্ৰতিবেদন বিচাৰিছে ৰাষ্ট্ৰীয় মানৱ অধিকাৰ আয়োগে । ত্ৰিপুৰাৰ মুখ্য সচিব আৰু আৰক্ষী সঞ্চালক প্ৰধানলৈ আয়োগে জাননী জাৰি কৰিছে ।

SAFARয়ে দাখিল কৰা প্ৰতিবেদন মতে দিল্লীৰ বায়ুমণ্ডলৰ AQI অতি বেয়া শ্ৰেণীত উপনীত হৈছে । দীপাৱালীৰ পূৰ্বে দিল্লীৰ এনে পৰিস্থিতিক লৈ চিন্তিত দিল্লীবাসী ।

এইবাৰ ১২ গৰাকী খেলুৱৈক মেজৰ ধ্যান চান্দ খেল ৰত্ন বঁটা আৰু ৩৫ গৰাকী খেলুৱৈক প্ৰদান কৰা হ’ব অৰ্জুন বঁটা । ১৩ নৱেম্বৰত ভাৰতৰ ৰাষ্ট্ৰপতিয়ে প্ৰদান কৰিব বঁটাসমূহ ।

দীপাৱলীৰ পূৰ্বে সম্পূৰ্ণ ভাৰতীয় পোছাক অৰ্থাৎ কুৰ্তিত অভিনেত্ৰী চাৰা আলী খান(Sara Ali Khan)ক দেখা গৈছে টি-চিৰিজ কাৰ্যালয়ত ৷ ইফালে মুম্বাই চহৰত অভিনেত্ৰী শিল্পা ছেট্টী(Shilpa Shetty) আৰু তেওঁৰ পুত্ৰ ভিয়ান(Viaan) সাংবাদিকৰ কেমেৰাত বন্দী হয় ।