5 বজাৰ দহটা শীৰ্ষ বাতৰি

5 বজাৰ দহটা শীৰ্ষ বাতৰি

দুলীয়াজানৰ বিজেপি প্ৰাৰ্থী তেৰছ গোৱালাৰ হৈ বুধবাৰে নিৰ্বাচনী প্ৰচাৰ চলাই ছত্তিশগড়ৰ প্ৰাক্তন মুখ্যমন্ত্ৰী ৰমন সিঙে ৷ দুলীয়াজানৰ নাওহলীয়াৰ সমীপৰ জুতুলীবাৰীত অনুষ্ঠিত হোৱা নিৰ্বাচনী সভাত উপস্থিত হৈ ৰমন সিঙে কয়, বিজেপিয়ে অসম চুক্তি আৰু অসমীয়া ভাষা সংৰক্ষণৰ লগতে জনজাতিকৰণৰ ক্ষেত্ৰত পৰ্যায়ক্ৰমে ব্যৱস্থা কৰিব ৷ অসমত পুনৰ বিজেপিয়ে চৰকাৰ গঠন কৰিব বুলি মন্তব্য প্ৰকাশ কৰে ৰমন সিঙে ৷

79 নং জাগীৰোড বিধানসভা সমষ্টিৰ কুৰাণীবৰীত কংগ্ৰেছ দলৰ মনোনীত প্ৰাৰ্থী স্বপন কুমাৰ মণ্ডলৰ হৈ প্ৰচাৰ চলালে নগাঁৱৰ সাংসদ প্ৰদ্যুৎ বৰদলৈয়ে ৷ বিধায়ক পীযুষ হাজৰিকাক ক্ষুৰধাৰ সমালোচনা কৰি প্ৰদ্যুৎ বৰদলৈয়ে কয়, অসমত ছিণ্ডিকেটৰ প্ৰধান নেতা পীযুষ হাজৰিকা ৷ ক্ষমতাৰ অপপ্ৰয়োগ কৰিছে বিজেপি চৰকাৰে ৷ বিজেপিয়ে গুণ্ডাগিৰি কৰি কংগ্ৰেছ কৰ্মীসকলক ভয়-ভাবুকি দিবলৈ ধৰিছে ৷

ৰূপহীহাটৰ জুৰীয়াত অনুষ্ঠিত হ'ল অসম জাতীয় পৰিষদৰ নিৰ্বাচনী প্ৰচাৰ সভা । জুৰীয়া খেলপথাৰত অনুষ্ঠিত এই সভাত হাজাৰ হাজাৰ লোকৰ সমাগম ঘটে ।

"ডঃ হিমন্ত বিশ্ব শৰ্মাই পৃথিৱীৰ ভিতৰত কেৱল মোকহে ভয় কৰে । মন্ত্ৰী ডঃ শৰ্মাই সপোনে-দিঠকে কেৱল মোকহে দেখা পায়"- ধুবুৰীৰ চাপৰত নিৰ্বাচনী সভাত অংশগ্ৰহণ কৰি এই মন্তব্য কৰে এআইইউডিএফ-ৰ সভাপতি বদৰুদ্দিন আজমলে ।

ধুবুৰীৰ ফলিমাৰীত মহাজোঁট বন্ধনৰ বিশাল সভাত আজমল-ৱাজেদ ৷ অসম চুক্তি ৰূপায়ণৰ বাবে মন্ত্ৰী হিমন্তক প্ৰত্যাহ্বান আজমলৰ ৷

ধুবুৰীত প্ৰাক্তন বিধায়ক তথা কংগ্ৰেছ নেতা সহ সহস্ৰাধিকৰ বিজেপিত যোগদান ৷ ধুবুৰী সমষ্টিত এ আই ইউ ডি এফক এৰি দিয়াক লৈ ধুবুৰী কংগ্ৰেছৰ ভিতৰ চ’ৰাত জ্বলিছে ক্ষোভৰ জুই ৷

6 এপ্ৰিলত অনুষ্ঠিত হ'বলগীয়া নিৰ্বাচনৰ পৰিপ্ৰেক্ষিতত এটা সমষ্টিৰ পৰা আনটো সমষ্টিলৈ ঘূৰি ফুৰিছে মাক্কাল নিধি মাইয়াম দলৰ মুখ্যমন্ত্ৰী পদৰ প্ৰাৰ্থী তথা প্ৰবীণ অভিনেতা কমল হাচান ৷ ইটিভি ভাৰতৰ জ্যেষ্ঠ সাংবাদিক এচ শ্ৰীনিৱাসনৰ সৈতে এক সাক্ষাৎকাৰত দলৰ স্থিতি স্পষ্ট কৰিছে হাচানে ৷

বাক্সা জিলাৰ শিমলাত নিখিল বড়ো ছাত্ৰ সন্থাৰ চাপাগুৰি ককলাবাৰী আঞ্চলিক কমিটীৰ উদ্যোগত আগন্তুক বিধানসভা নিৰ্বাচনত নিখল বড়ো ছাত্ৰ সন্থাৰ ভূমিকা সম্পৰ্কে এক আলোচনা সভা ৷ আগন্তুক বিধানসভা নিৰ্বাচনত ইউ পি পি এল দলক সমৰ্থন জনোৱাৰ প্ৰস্তাৱ গ্ৰহণ ৷

ক'ভিড-19 ক প্ৰতিহত কৰাৰ উদ্দেশ্যে আগৰতলা বিমানবন্দৰত বিশেষ ব্যৱস্থা গ্ৰহণ ৷ পশ্চিম ত্ৰিপুৰাৰ মুখ্য স্বাস্থ্য বিষয়া ডাঃ দেৱাশীষ দাসে জানিবলৈ দিছে এই কথা ৷ ক'ভিড-19 কঢ়িয়াই অনা লোকক চিনাক্ত কৰাৰ বাবে বিমানবন্দৰত যাত্ৰী সকলক পৰীক্ষা কৰাৰ বাবে স্ক্ৰিনিঙৰ বিশেষ ব্যৱস্থা গ্ৰহণ কৰা হৈছে ৷

ধিঙৰ সোণাৰী গাঁৱত বুধবাৰে দিন-দুপৰতে সংঘটিত হৈছে ডকাইতি কাণ্ড । মাইক্ৰ’ফাইনেঞ্চৰ কৰ্মচাৰীৰ পৰা দুৰ্বৃত্তই লুটি নিলে গোটৰ সংগৃহীত ধন ।