পাঁচ বজাৰ শীৰ্ষ দহ বাতৰি...

পাঁচ বজাৰ শীৰ্ষ দহ বাতৰি...

চাহ শ্ৰমিকসকলৰ মজুৰি বৃদ্ধিৰ দাবীত প্ৰতিবাদী কাৰ্যসূচী গ্ৰহণ অসম চাহ মজদুৰ সংঘৰ । ৰাজ্যৰ প্ৰতিখন বাগিচাত এঘণ্টীয়া ধৰ্ণা কাৰ্যসূচী প্ৰদৰ্শন কৰে চাহ শ্ৰমিকসকলে ৷

গোলাঘাটত প্ৰধানমন্ত্ৰী নৰেন্দ্ৰ মোডীৰ 70 সংখ্যক জন্মদিন পালন ৷ জন্মদিন উপলক্ষে ৰক্তদান শিবিৰ অনুষ্ঠিত ৷ গোলাঘাট জিলা ভাৰতীয় জনতা পাৰ্টীৰ যুৱ মৰ্চাৰ সভাপতি চন্দ্ৰ জ্যোতি ঠাকুৰৰ নেতৃত্বত প্ৰায় 80 গৰাকী যুৱক-যুৱতীয়ে ৰক্তদান কৰে ।

সদ্যঘোষিত কমতাপুৰ স্বায়ত্বশাসিত পৰিষদত সম-অধিকাৰ,সম-মৰ্যাদাৰ দাবীৰে বঙাইগাঁৱত প্ৰতিবাদ সাব্যস্ত কৰে সদৌ অসম কলিতা ছাত্ৰ সন্থাই ৷

বিশ্বকৰ্মা পূজা মহালয়াৰ বাবে কৰিমগঞ্জ প্ৰশাসনে জাৰি কৰিছে কেতবোৰ নীতি-নিৰ্দেশনা ৷ কোনো লোকে যাতে মহালয়াৰ নামত ক'ভিড-19 ৰ নীতি-নিয়ম ভংগ কৰিব নোৱাৰে তাৰবাবে সতৰ্ক জিলা প্ৰশাসন ৷

স্বাস্থ্য কৰ্মীসকল প্ৰতিদিনৰ দৰে নিজৰ কৰ্তব্য সম্পাদনৰ বাবে গৈছিল উক্ত কেন্দ্ৰলৈ । পূৰ্বৰ পৰা উপস্থিত থকা বিদ্যালয়খনৰ প্ৰধান শিক্ষক পৰেশ চন্দ্ৰ ডেকাই স্বাস্থ্যকৰ্মী সকলক বিদ্যালয় খনৰ মূল তোৰণৰ সন্মুখতে বিভিন্ন ধৰণে অপদস্থ কৰি ইয়াত কোনো ক'ভিড-19ৰ কেন্দ্ৰ নচলিব বুলিও খেদি পঠিৱাৰ অভিযোগ উত্থাপন হৈছে ৷

মূৰ্খৰ স্বৰ্গত বাস কৰিছে বিধায়ক ৰূপজ্যোতি কুৰ্মী ৷ ৰাজনৈতিক মুনাফা লুটিবলৈ পথ মেৰামতি ভেকোভাওনা বিধায়ক ৰূপজ্যোতিৰ ৷ মৰিয়নীত বিধায়ক কুৰ্মীৰ বিৰুদ্ধে আছুৰ উত্তাল প্ৰতিবাদ ।

মানিকপুৰত পুনৰ বানৰ তাণ্ডৱ ৷ ভদীয়া বানত জলমগ্ন হ'ল বঙাইগাঁৱৰ কুৰিখনৰো অধিক গাঁও ৷ মানাহ নদীৰ বাঢ়নী পানীত জলমগ্ন বঙাইগাঁও জিলা৷ পানীৰ তলত পাতিলাদহা পানবাৰী পকী পথ ৷

এটা পৰিয়ালৰে তিনিজন লোকৰ প্ৰাণ একেলগে কাঢ়ি নিলে ব্ৰজপাতে ৷ পথাৰত কাম কৰি থাকোতেই একেটা পৰিয়ালৰ তিনিজনৰ মৃত্যু ৷ পৰিয়ালটোৰ তিনিগৰাকী সদস্যৰ লগতে মঙলবাৰে আবেলি ব্ৰজপাতে কাঢ়ি নিলে মুঠ সাত গৰাকীকৈ লোকৰ প্ৰাণ ৷ মধ্যপ্ৰদেশত সংঘটিত হৈছে এই দুৰ্ভাগ্যজনক ঘটনা ৷

৩৫০ টকা দৈনিক মজুৰি বিচাৰি বাগিচাই বাগিচাই অসম চাহ মজদুৰ সংঘৰ উদ্যোগত প্ৰতিবাদ সাব্যস্ত কৰে চাহ শ্ৰমিক সকলে।

আজি বিশ্ব অজ'ন দিৱস ৷ অজ'ন দিৱসৰ তাৎপৰ্য কি ? অজ’নৰ সৈতে আমাৰ প্ৰকৃতিৰ কি সম্পৰ্ক ? কিমান সুৰক্ষিত আমাৰ অজ'ন স্তৰ ?