লামডিঙত অব্যাহত প্ৰশাসনৰ উচ্ছেদ অভিযান
আৰক্ষী, প্ৰশাসনৰ উপস্থিতিত সোমবাৰে পুৱাৰে পৰা লামডিঙৰ সংৰক্ষিত বনাঞ্চলত চলিছে উচ্ছেদ অভিযান ৷ সুৰক্ষাৰ প্ৰতি লক্ষ্য ৰাখি বনাঞ্চলত মোতায়েন কৰা হৈছে অৰ্ধ সামৰিক বাহিনীৰ ৪ টাকৈ কোম্পানী ৷
১১ নৱেম্বৰত শপত ল'ব নৱ নিৰ্বাচিত পাঁচ বিধায়কে
11 নৱেম্বৰত শপত গ্ৰহণ কৰিব ৰাজ্যৰ নৱ নিৰ্বাচিত পাঁচ বিধায়কে ৷ বিধায়কসকলক নিয়ম অনুসাৰে শপতবাক্য পাঠ কৰোৱাব বিধানসভাৰ অধ্যক্ষ বিশ্বজিৎ দৈমাৰীয়ে ৷
উপ নিৰ্বাচনৰ ফলাফল : উত্তৰ দিব লাগিব AICC ক
কংগ্ৰেছ হাইকমাণ্ডে উপ নিৰ্বাচনৰ পৰাজয়ৰ কাৰণ বিচাৰিলে APCC ৰ পৰা ৷ ইতিমধ্য়ে এইক্ষেত্ৰত উত্তৰ বিচাৰি কংগ্ৰেছৰ সভাপতি ভূপেন বৰা আৰু অসমৰ দায়িত্বত থকা দলৰ তত্বাৱধায়ক, সাধাৰণ সম্পাদক জীতেন্দ্ৰ সিঙক নিৰ্দেশ প্ৰদান কৰিছে ৷
ভিন্ন ক্ষেত্ৰৰ 119 গৰাকী ব্যক্তিক এইবছৰৰ পদ্ম বঁটা প্ৰদান
ৰাষ্ট্ৰপতি ৰামনাথ কোবিন্দে সোমবাৰে নতুন দিল্লীত প্ৰদান কৰে এইবছৰৰ পদ্ম বঁটা ৷ ১১৯ গৰাকী বিশেষ ক্ষেত্ৰৰ বিশেষ ব্যক্তিক বঁটাৰ বাবে নিৰ্বাচিত কৰা হৈছিল ৷ এই বঁটাৰ তালিকাত ৭ টা পদ্ম বিভূষণ, ১০ টা পদ্মভূষণ আৰু ১০২ টা পদ্মশ্ৰী বঁটা আছে ৷ অসমৰ প্ৰাক্তন মুখ্যমন্ত্ৰী তৰুণ গগৈকো মৰণোত্তৰভাৱে প্ৰদান কৰা হৈছে পদ্মভূষণ বঁটা ৷
অসম-নাগালেণ্ড সীমান্তত দুৰ্বৃত্তৰ তাণ্ডৱ : তহিলং কৰিলে 30 বিঘা ভূমিৰ চাহ বাগিচা
শিৱসাগৰ জিলাৰ অসম-নাগালেণ্ড সীমান্তত থকা বৰছিলা চাহ বাগিচাত নগা দুৰ্বৃত্তৰ তাণ্ডৱ ৷ কাটি তহিলং কৰিলে 30 বিঘা ভূমিত থকা চাহগছ ৷ আতংকিত হৈ পৰিছে ক্ষুদ্ৰ চাহ খেতিয়কসকল ৷