দুপৰীয়া 3 বজাৰ শীৰ্ষ 10 বাতৰি...

দুপৰীয়া 3 বজাৰ শীৰ্ষ 10 বাতৰি...

অসমত আৰম্ভ হৈছে ক'ভিড ১৯ ৰ দ্বিতীয়টো ঢৌ ৷ যোৱা সপ্তাহত প্ৰতিদিনে গড়ে ৭০ জনকৈ ক'ভিড আক্ৰান্ত ধৰা পৰিছিল যদিও চলিত সপ্তাহত এই সংখ্যা ১১৫ লৈ বৃদ্ধি পাইছে । এই কথা সদৰি কৰিছে ডাঃ লক্ষ্মনন এছয়ে ৷

পশ্চিম বংগৰ মুখ্যমন্ত্ৰী মমতা বেনাৰ্জীক স্পষ্টীকৰণৰ বাবে জাননী জাৰি কৰাৰ পাচতেই নিৰ্বাচন আয়োগে এইবাৰ বিজেপিৰ নেতা সুভেন্দু অধিকাৰীক জাননী জাৰি কৰিছে ৷ নিৰ্বাচনী প্ৰচাৰ সভাত কিছু সাম্প্ৰদায়িক মন্তব্যৰে ভাষণ দিয়াৰ বাবে সুভেন্দু অধিকাৰীক জাননী জাৰি কৰিছে নিৰ্বাচন আয়োগে ৷

শোণিতপুৰ জিলাৰ ৰঙাপৰাত আজিলৈকে চৰকাৰী সাহাৰ্যৰ মুখ দেখা নাই এগৰাকী বিশেষভাৱে সক্ষম মহিলাই ৷ জয়মতী কৰোৱা নামৰ দুয়োটা চকুৰে নেদেখা মহিলা গৰাকীয়ে কটাই আছে এক দুৰ্বিসহ জীৱন ৷

পেৰিণ্টালমান্নাত অৱস্থিত ‘Emergency Rescue Force’ নামৰ এটা স্বেচ্ছাসেৱী সংস্থাই এটা ঘৰৰ পৰা এটা ঘোঁৰা, ঘোঁৰাৰ পোৱালি, তিনিটা কুকুৰ আৰু এটা পোৱালী আৰু প্ৰেমিক চৰাই উদ্ধাৰ কৰে । পোহনীয়া জন্তু আৰু চৰাইৰ গৰাকীজন কেইবাটাও গোচৰত অভিযুক্ত হোৱা হেতুকে 5 দিন পূৰ্বে পলাই যোৱা বুলি জানিব পৰা গৈছে ৷

শ্বোপিয়ানত নিৰাপত্তাৰক্ষী আৰু সন্ত্ৰাসবাদীৰ মাজত সংঘটিত হোৱা গুলিবৰ্ষণত এটা সন্ত্ৰাসবাদীৰ ভায়েক আৰু ইমাম নামৰ এজন স্থানীয় লোকক এটা মছজিদৰ ভিতৰত পঠিয়ায় জম্মু-কাশ্মীৰ আৰক্ষীয়ে৷ মছজিদত লুকাই থকা সন্ত্ৰাসবাদীসকলক আত্মসমৰ্পণ কৰিবলৈ এই পন্থা হাতত লয় আৰক্ষীয়ে ৷

নিউজিলেণ্ডত ভাৰতৰ পৰা যোৱা লোকৰ প্ৰৱেশৰ ক্ষেত্ৰত জাৰি কৰা অস্থায়ী ভ্ৰমণ নিষেধাজ্ঞা অহা ২৮ এপ্ৰিলৰ পৰা প্ৰত্যাহাৰ কৰাৰ সম্ভাৱনা প্ৰকট কৰিছে ভাৰতৰ বৈদেশিক পৰিক্ৰমা মন্ত্ৰালয়ে । শেহতীয়াকৈ নিউজিলেণ্ডত COVID-১৯ত আক্ৰান্ত হোৱা ২৩ জন লোকৰ ভিতৰত ১৭ জন লোক ভাৰতৰ পৰা যোৱাৰ তথ্য পোহৰলৈ অহাৰ পিছতে দেশখনৰ চৰকাৰে ভাৰতীয় ভ্ৰমণকাৰীৰ ক্ষেত্ৰত অস্থায়ী নিষেধাজ্ঞা জাৰি কৰে ।

বিহুৱান বোৱাত ব্যস্ত নগাঁৱৰ ধিং-বটদ্ৰৱাৰ গোখাইখণ্ডাৰ একাংশ মহিলা ৷ আপোনজনৰ লগতে পৃথককৈ অন্য লোকৰ বাবেও হাজাৰখন গামোচা প্ৰস্তুত কৰিছে মহিলাসকলে ৷

বুধবাৰে বিশ্ব স্বাস্থ্য সংস্থাৰ সহযোগত 'ভেকচিন ফৰ অল' শীৰ্ষক ষ্টিকাৰ পেক মুকলি কৰিলে ফেচবুকৰ মালিকানাধীন হোৱাটছএপে ।COVID-১৯ প্ৰতিষেধক বিষয়ক তথ্যৰ বাবে চৰকাৰ, আন্তঃৰাষ্ট্ৰীয় সংগঠনৰ সৈতে জনসাধাৰণক সংযোগ কৰাত সহায় আগবঢ়োৱাৰ বাবে হোৱাটছএপে এই নতুন ষ্টিকাৰ মুকলি কৰে ।

বৃহস্পতিবাৰে পুনৰ পূৱ লাডাখৰ নিয়ন্ত্ৰণ ৰেখাৰ বিবাদিত ভূমিত চীনৰ সেনাই তহল দিয়া কাৰ্য বন্ধ কৰিবলৈ আহ্বান জনালে ভাৰতৰ বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচীয়ে । লগতে ভাৰতীয় সেনাই তহল দিয়া কাৰ্য বন্ধ কৰাৰো পোষকতা কৰে । দুয়োখন দেশৰ সীমান্তত শান্তি-সম্প্ৰীতি অক্ষুণ্ণ থকাতো নিশ্চিত কৰিবলৈ এই আহ্বান জনালে মুখপাত্ৰগৰাকীয়ে ৷

যোৱা ১৭ মাৰ্চত ইণ্ডিগ'ৰ বাংগালুৰু-জয়পুৰ বিমানত এগৰাকী মহিলাই সন্তান প্ৰসৱ কৰে । বাংগালুৰুৰ পৰা জয়পুৰ অভিমুখী ৬ই-৪৬৯ বিমানখনত এগৰাকী মহিলাই সন্তান প্ৰসৱ কৰে ।