বিয়লি 3 বজাৰ দহটা শীৰ্ষ বাতৰি...

বিয়লি 3 বজাৰ দহটা শীৰ্ষ বাতৰি...

মুখ্যমন্ত্ৰী হিচাপে শপত গ্ৰহণ কৰাৰ পাচত পোন প্ৰথম বাৰৰ বাবে মাজুলীত উপস্থিত হৈছে মুখ্যমন্ত্ৰী ড° হিমন্ত বিশ্ব শৰ্মা । কেইবাটাও কাৰ্যসূচীৰে মুখ্যমন্ত্ৰী গৰাকী উপস্থিত হৈছে মাজুলীত ।

ক'ভিড-১৯ৰ শেহতীয়া পৰিস্থিতি সন্দৰ্ভত পৰ্যালোচনাৰ বাবে বৃহস্পতিবাৰে বিশ্বনাথৰ জিলা উপায়ুক্তৰ সভাকক্ষত উপস্থিত হয় অসম চৰকাৰৰ গুৱাহাটী উন্নয়ন, নগৰ উন্নয়ন তথা জলসিঞ্চন মন্ত্ৰী অশোক সিংঘাল ।

শুকুৰবাৰে পৱিত্ৰ ঈদ-উল-ফিটৰ ৷ কিন্তু ৰঙাপৰাৰ জামে মছজিদত নিমাওমাও পৰিৱেশ ৷ মছজিদৰ বিপৰীতে ইছলাম ধৰ্মলম্বীসকলে বাসগৃহতে পঢ়িব পৱিত্ৰ ঈদৰ নামাজ ৷

ক'ভিডৰ ভয়াৱহ পৰিস্থিতিৰ পৰিপ্ৰেক্ষিতত ৰাজ্য চৰকাৰে জাৰি কৰিছে নতুন নীতি-নিৰ্দেশনা । প্ৰতিদিনাই ৰাজ্যত বৃদ্ধি পাইছে ক'ভিড আক্ৰান্ত হোৱা লোকৰ সংখ্যা ।

বৃহস্পতিবাৰে সোণাৰিত গ্ৰেণেডসহ আটক এজন নগা যুৱক । ভাৰতীয় সেনাৰ তহলদাৰী গোটে নামতোলাত আটক কৰে যুৱকজনক ৷ যুৱকজনক জেৰা কৰি আৰক্ষীৰ সোধ-পোচ আৰম্ভ ৷

বৃহস্পতিবাৰে নলবাৰীত উপস্থিত হৈ জিলাখনৰ ক’ভিড পৰিস্থিতিৰ বুজ লয় স্বাস্থ্যমন্ত্ৰী কেশৱ মহন্তই ৷ নলবাৰী অসামৰিক চিকিৎসালয়ত হঠাতে উপস্থিত হৈ চৰকাৰী চিকিৎসকৰ সৈতে আলোচনাত মিলিত হয় মন্ত্ৰীগৰাকীয়ে ৷

12মে’ত ৰাজ্য চৰকাৰে দুৰ্যোগ ব্যৱস্থাপনা বিভাগৰ যোগেদি জাৰি কৰিছে নতুন নিৰ্দেশাৱলী ৷ ক’ভিডৰ সংক্ৰমণ ৰোধ কৰিবলৈ 13 মে'ৰ পৰা কাৰ্যকৰী হোৱাকৈ জাৰি কৰা নিৰ্দেশ অনুসৰি, বিশেষকৈ যান-বাহন চলাচল কৰা ক্ষেত্ৰত বিশেষ নিয়ম বান্ধি দিয়া হৈছে ।

চৰকাৰে বলবৎ কৰা সান্ধ্য আইনৰ মাজতে নগাঁৱৰ কামপুৰৰ তেতেলীসৰাত চোৰে চলালে ত্ৰাস ৷ কামপুৰৰ চেনীকলৰ পৰা লোহা চুৰি কৰি গাঁওৰক্ষী বাহিনীৰ হাতত ধৰা পৰিল দুই চোৰ ৷

ভাৰত বায়'টেকে ২-১৮ বছৰৰ লোকৰ বাবে প্ৰস্তুত কৰা প্ৰতিষেধক ক'ভেক্সিনৰ দ্বিতীয় আৰু তৃতীয় পৰ্যায়ৰ পৰীক্ষণত অনুমতি প্ৰদান কৰিছে ভাৰতীয় ঔষধ নিয়ন্ত্ৰকে । ৫২৫ জন স্বেচ্ছাসেৱক আগবাঢ়ি আহিছে এই পৰীক্ষাৰ বাবে ।

বিহাৰ চিকিৎসা আৰু স্বাস্থ্য কৰ্মচাৰী সংস্থাই জনোৱা মতে, চলিত বৰ্ষত বৰ্তমানলৈকে ৰাজ্যখনৰ ভিন্ন চিকিৎসালয়ত কৰ্তব্যৰত অৱস্থাত কৰ’ণাত আক্ৰান্ত হৈ 40 গৰাকীকৈ নাৰ্চৰ মৃত্যু হৈছে ।