মুখ্যমন্ত্ৰী লৈ বোন্দাপৰ : ক্ষোভিত সাংবাদিকে দিলে সৰ্বানন্দ সোণোৱাল মুৰ্দাবাদ ধ্বনি !
শিলচৰত মুখ্যমন্ত্ৰী সোণোৱালক লৈ অসন্তুষ্ট সংবাদকৰ্মী ৷ দিনৰ 12.30 বজাৰ পৰা সন্ধিয়া 7 বজালৈকে অপেক্ষা কৰাৰ পাচতো সম্বোধন নকৰিলে মুখ্যমন্ত্ৰীয়ে ৷ যাৰ ফলত ক্ষোভিত সংবাদকৰ্মীসকলে অনুষ্ঠান বৰ্জন কৰাৰ লগতে সৰ্বানন্দ সোণোৱাল মুৰ্দাবাদ ধ্বনি দিয়ে ৷
গুৱাহাটী বিশ্ববিদ্যালয় ছাত্ৰাবাসৰ 13 জনৰ দেহত COVID-19
গুৱাহাটী বিশ্ববিদ্যালয় ছাত্ৰাবাসত কোৱাৰেণ্টাইন হৈ থকা 13 গৰাকী লোকৰ দেহত নতুনকৈ বৃহস্পতিবাৰে ধৰা পৰে COVID-19 । আটাইকেইজন আক্ৰান্ত লোককে প্ৰেৰণ কৰা হৈছে হাজো মডেল হাস্পতাললৈ । এই লোক কেইজন কৰ'ণা ভাইৰাছত আক্ৰান্ত বুলি ধৰা পৰাৰ পাচতেই ছাত্ৰাবাস কেইটা ছেনিটাইজ কৰাৰ ব্যৱস্থা কৰিছে প্ৰশাসনে ।
'বন্দে ভাৰত মিছন'ৰ জৰিয়তে ১.০৭ লাখ লোক ভাৰতত উপস্থিত হৈছে : MEA
বৈদেশিক মন্ত্ৰণালয়ৰ তথ্য অনুসৰি ১.০৭ লাখ লোক 'বন্দে ভাৰত মিছন'ৰ জৰিয়তে ভাৰতত উপস্থিত হৈছে । পুনৰ তৃতীয় পৰ্যায়ত প্ৰবাসী ভাৰতীয়সকলক দেশলৈ উভতাই আনিবৰ বাবে বাবে সাজু হৈছে ভাৰত চৰকাৰ ৷
২৪ ঘণ্টাত দেশত আৰোগ্য লাভ কৰিছে ৩,৮০৪ গৰাকী কোভিড ৰোগীয়ে
বিগত ২৪ ঘণ্টাত দেশত সুস্থ হৈ উঠিছে ৩,৮০৪ গৰাকী কোভিড-১৯ আক্ৰান্ত ৰোগী। কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰণালয়ে বৃহস্পতিবাৰে প্ৰকাশ কৰে এই তথ্য। এইপৰ্যন্ত ভাৰতত ৪৭.৯৯ শতাংশ লোকে কোভিড-১৯ ৰ পৰা আৰোগ্য লাভ কৰিছে। স্বাস্থ্য আৰু পৰিয়াল কল্যাণ মন্ত্ৰণালয়ে এক বিজ্ঞপ্তিযোগে প্ৰকাশ কৰে এই তথ্য।