11 বজাৰ 10 টা শীৰ্ষ বাতৰি

11 বজাৰ 10 টা শীৰ্ষ বাতৰি

ইংৰাজী নৱবৰ্ষৰ প্ৰথমটো দিনতেই অৰ্থাৎ দেওবাৰে মৰিগাঁৱৰ কেইবাটাও স্থানত সংঘটিত হয় পথ দুৰ্ঘটনা (Several road accidents in Morigaon) ৷ মৰিগাঁৱৰ জৰাবাৰী, বাংঠাইগাঁও আৰু মায়ঙৰ মূকাটাত সংঘটিত হয় এই পথ দুৰ্ঘটনাসমূহ ৷ দুৰ্ঘটনাত ৬ গৰাকী ব্যক্তি আহত হোৱাৰ বিপৰীতে নিহত হয় এজন লোক ৷ সম্প্ৰতি আহতসকলক উন্নত চিকিৎসাৰ বাবে প্ৰেৰণ কৰা হৈছে GMCH লৈ ।

ৰাজস্থানৰ পালি ষ্টেচনত ভয়ংকৰ ঘটনা (Suryanagari derailed in Rajasthan)৷ সোমবাৰে পুৱাই পালি ষ্টেচনত উপস্থিত হোৱাৰ পূৰ্বে বান্দ্ৰাৰ পৰা যোধপুৰলৈ অহা সূৰ্যনগৰী এক্সপ্ৰেছখন লাইনচ্যুত হয় (Bandra Jodhpur Express derailed)৷ জানিব পৰামতে আজি পুৱা 03.27 বজাত যোধপুৰ বিভাগৰ ৰাজকীয়াৱাস-বোমাদাৰা শাখাৰ মাজত 12480 নম্বৰৰ বান্দ্ৰা টাৰ্মিনাস যোধপুৰ সূৰ্যনগৰী এক্সপ্ৰেছৰ 12 টা ডবা লাইনচ্যুত হয়(12 Coaches of Suryanagari Express Derailed)৷ এই ভয়ংকৰ দুৰ্ঘটনাটোত 20 জনৰো অধিক যাত্ৰী আহত হোৱাৰ খবৰ পোৱা গৈছে ৷ ঘটনাটোৰ বিষয়ে অৱগত হোৱাৰ পিচতে ৰে’ল আৰক্ষী আৰু প্ৰশাসনিক বিষয়াসকল ঘটনাস্থলীত উপস্থিত হয়গৈ ৷ অৱশ্যে এই দুৰ্ঘটনাটোত কোনো লোকৰ প্ৰাণহানি হোৱা নাই ৷

জম্মু কাশ্মীৰৰ ৰজৌৰী জিলাৰ ডাংগ্ৰী গাঁৱত সন্দেহজনক উগ্ৰপন্থীৰ গুলীত 3 গৰাকী সাধাৰণ লোক নিহত হোৱাৰ বিপৰীতে 10 গৰাকীকৈ গাঁওবাসী আহত হয়(Terror attack in Jammu Kashmir) ৷

সেনা প্ৰধান জেনেৰেল মনোজ পাণ্ডেয়ে (Army Chief General Manoj Pande) দেওবাৰে জম্মু আৰু কাশ্মীৰৰ নিয়ন্ত্ৰণ ৰেখাত (LoC in Jammu and Kashmir) নিযুক্ত সৈন্যসকলক পৰিদৰ্শন কৰি নতুন বছৰটো শুভাৰম্ভনি কৰে ৷

কলগাছিয়া আৰক্ষী থানাৰ অন্তৰ্গত উদমাৰী দ্বিতীয় নং বিকল্প ৰাজ্যিক ঘাইপথত যোৱা 23 ডিচেম্বৰত সংঘটিত হৈছিল এক ভয়ংকৰ পথ দুৰ্ঘটনা । দুৰ্ঘটনাত গুৰুতৰভাৱে আহত হৈছিল জাহিদুল নামৰ এজন যুৱক (Road Accident at Kalgachia) ৷ জানিব পৰা মতে উদমাৰীস্থিত মছজিদত নামাজ আদায় কৰি নিজ ঘৰ অভিমুখে গৈ থকা অৱস্থাতে বিপৰীত দিশৰ পৰা অহা এখন তীব্ৰবেগী বাইকে মহতিয়াই নিছিল যুৱকজনক ৷ পিছত যুৱকজনক ততাতৈয়াকৈ বৰপেটা চিকিৎসা মহাবিদ্যালয়ত ভৰ্তি কৰোৱা হয় । তাৰ পিছত যুৱকজনৰ অৱস্থা সংকটজনক হোৱাত GMCH লৈ প্ৰেৰণ কৰিছিল বৰপেটাৰ চিকিৎসকে (Kalgachia Boy Died in GMCH)। কিন্তু দুৰ্ভাগ্যবশতঃ ন দিনে জীৱন মৰণৰ সৈতে যুঁজি শনিবাৰে মৃত্যুক আঁকোৱালি ল’লে জাহিদুলে (Youth dies injured in road accident) । তাৰ পিছত মৃতদেহ মৰণোত্তৰ পৰীক্ষা কৰি 1 জানুৱাৰী অৰ্থাৎ দেওবাৰে নিশা উদমাৰীস্থিত নিজ বাসগৃহলৈ অনা হয় জাহিদুলৰ মৃতদেহ । জাহিদুলৰ মৃত্যুৰ খবৰে সমগ্ৰ অঞ্চলটোত শোকৰ ছাঁ পেলাইছে ৷

মৌ পালনেৰে স্বাৱলম্বী হৈছে টীয়কৰ এগৰাকী ব্যক্তি (Self sufficient in beekeeping in Teok)৷ টীয়কৰ বাইলুং গাঁৱৰ প্ৰদীপ ফুকনে কলেজীয়া দিনৰ পৰাই মৌ পালন কৰি আহিছে যদিও আজি প্ৰায় ৬ বছৰ ধৰি এই মৌ পালনক ব্যৱসায়িক ভিত্তিত গ্ৰহণ কৰি সমাজৰ বাবে নিৰ্দশন হৈ পৰিছে । নিজৰ ঘৰতে ১০০ ৰো অধিক মৌ বাহ পালনেৰে দেখুৱাইছে স্বাৱলম্বিতাৰ পথ (Teok honey farm)। মৌ জোল উৎপাদনৰ লগতে মৌ বাহো বিক্ৰী কৰে প্ৰদীপ ফুকনে । বছৰি মৌ পালনেৰে প্ৰদীপ ফুকনে উপাৰ্জন কৰে প্ৰায় ৭-৮ লাখ টকা । ইপিনে গাঁৱৰ কেইবাটাও আগ্ৰহী মহিলা গোটকো মৌ পালনৰ প্ৰশিক্ষণ প্ৰদানেৰে স্বাৱলম্বিতাৰ পথ দেখুৱাইছে প্ৰদীপ ফুকনে ।

আকাশ আম্বানীৰ নামত প্ৰৱঞ্চকে মহিলাক ধনদাবী কৰাৰ অভিযোগ উত্থাপিত হৈছে ৷ টুইটাৰ যোগে এগৰাকী মহিলাক ব্লেকমেইলিং কৰি 50 লাখ টকা সৰকোৱাৰ জাল পতা বুলি অভিযোগ কৰিছে মহিলাগৰাকীয়ে (Akash Ambani Twitter page)৷

অন্ধ্ৰপ্ৰদেশৰ প্ৰাক্তন মুখ্যমন্ত্ৰী এন চন্দ্ৰবাবু নাইডুৰ সভাত পুনৰ অঘটন(TDP chief Chandrababu programme) ৷ প্ৰাক্তন মুখ্যমন্ত্ৰীৰ সভাত পদদলিত হৈ নিহত তিনিগৰাকী মহিলা ৷ আহত আন পাঁচজন লোকক চিকিৎসালয়ত ভৰ্তি ৷

একেজোপা গছতে একেডাল ৰছীৰে চিপ লৈ আত্মহত্যা নাবালক প্ৰেমিক-প্ৰেমিকাৰ ৷ ধুবুৰী জিলাত সংঘটিত হোৱা এই আত্মহত্যাৰ ঘটনাই সৃষ্টি কৰিছে তীব্ৰ চাঞ্চল্যৰ ৷ কিন্তু কিয় নাবালক প্ৰেমিক-প্ৰেমিকাই বাছি ল’লে এই চৰম সিদ্ধান্ত সেয়া বৰ্তমানেও পোহৰলৈ অহা নাই ৷

হাড়ৰ সংক্ৰমণ বা অষ্টিওমাইলাইটিছ হৈছে এক গুৰুতৰ ৰোগ । অষ্টিওমাইলাইটিছক হাড়ৰ সংক্ৰমণ বুলিও কোৱা হয়, এক অতি গুৰুতৰ স্থিতি । তীব্ৰ অষ্টিওমাইলাইটিছত লগে লগে চিকিৎসা কৰাটো অতি গুৰুত্বপূৰ্ণ, অন্যথা ভুক্তভোগীৰ অৱস্থা গুৰুতৰ হ'ব পাৰে । ইয়াৰ লক্ষণ, কাৰণ আৰু প্ৰভাৱবোৰ জানি ইয়াক প্ৰতিৰোধ কৰিবলৈ সঠিক চিকিৎসা গ্ৰহণ কৰাটো অতি গুৰুত্বপূৰ্ণ(Osteomyelitis) ।