11 বজাৰ শীৰ্ষ 10 টা বাতৰি

11 বজাৰ শীৰ্ষ 10 টা বাতৰি

স্বনামধন্য চিত্রশিল্পী নীলপৱন বৰুৱা অসুস্থ ৷ বুধবাৰে নিশা গুৱাহাটী চিকিৎসা মহাবিদ্যালয়ত আই চি ইউত 24 ঘণ্টা নিৰীক্ষণৰ পিছত শিল্পীগৰাকী বৰ্তমান সুস্থিৰ বুলি জানিব পৰা গৈছে (Neel Pawan Baruah admitted in hospital)৷

ৰাজ্যজুৰি সোপাধৰাৰ আতংক (Mob lynching case in Cachar) ৷ একাংশ লোকে সোপাধৰাৰ উৰা বাতৰি প্ৰকাশ কৰাৰ পিছতেই ৰাজ্যৰ বিভিন্ন প্ৰান্ত কিছুদিনৰ পৰা গণপ্ৰহাৰৰ ঘটনা পোহৰলৈ আহিছে ৷ সোপাধৰাৰ আতংকত বুধবাৰে একেদিনাই ৰাজ্যৰ তিনি ঠাইত লোকক প্ৰহাৰৰ ঘটনা পোহৰলৈ আহিছে ৷ কাছাৰ জিলাতো সংঘটিত হৈছে অনুৰূপ ঘটনা ৷

গোলাঘাট জিলাত সোপাধৰাৰ সন্দেহত স্থানীয় ৰাইজে আটক কৰে এজনক । আটকাধীন লোকজন উত্তৰ প্ৰদেশৰ আগ্ৰাৰ বাসিন্দা লক্ষণ বুলি জানিব পৰা গৈছে ৷

ৰাজ্যত পুনৰ সক্ৰিয় হৈছে আলফা স্বাধীন ৷ মৰাণৰ বেজপথাৰ গাঁৱৰ পৰা আটক বিৰাজ গগৈ নামৰ সন্দেহজনক আলফা লিংকমেন ৷ মৰাণ আৰক্ষীয়ে বৃহস্পতিবাৰে পুৱা আটক কৰে বিৰাজ গগৈক(ULFA Linkman arrested by Moran Police) ৷

ৰাজ্যৰ বিভিন্ন প্ৰান্তত সোপাধৰাৰ আতংকই বিৰাজ কৰি থকা সময়তে চৰাইদেউ জিলা সোণাৰিৰ জবকা চাহ বাগিছাত বুধবাৰে নিশা সোপাধৰাৰ সন্দেহত আটক কৰা হয় এজন লোকক (Police arrested a unknown person at Joboka tea estate of Sonari) । স্থানীয় ৰাইজ আৰু গাঁওৰক্ষী বাহিনীৰ তৎপৰতাত আটক কৰা হয় সন্দেহজনক লোকজনক ৷ পাচত স্থানীয় ৰাইজে আটক কৰা লোকজনক গতাই দিয়ে আৰক্ষীক । নিশা সন্দেহজনকভাৱে ঘূৰি ফুৰা লোকজনৰ দেহত তেজৰ চেকুৰা লাগি থকাক লৈ অঞ্চলটোত সৃষ্টি হয় এক উত্তেজনাময় পৰিৱেশৰ । সমগ্ৰ ৰাজ্যতে সোপাধৰাৰ আতংকই আতংকিত কৰা সময়তে জবকা অঞ্চলত অচিনাক্ত ব্যক্তি এনেধৰণে ধৰা পৰাত নিৰাপত্তাহীনতাত ভুগিছে এতিয়া স্থানীয় ৰাইজ ৷

গোৱালপাৰা মহাবিদ্যালয়ত আয়োজন আন্তঃমহাবিদ্যালয় মাণ্ডলিক যুৱ মহোৎসৱ (Inter College Mandalik Youth Festival 2022) ৷ মহোৎসৱত মুখ্য অতিথি হিচাবে উপস্থিত থাকে অভিভাৱক মন্ত্ৰী অশোক সিংহাল ।

সামাজিক ন্যায় আৰু সৱলীকৰণ মন্ত্ৰী পীযুষ হাজৰিকাৰ বিভাগীয় বিষয়াৰে বৈঠক । নিচামুক্তি কেন্দ্ৰ পৰিচালনাৰ (Review meeting on De addiction centre management)বাবে প্ৰস্তুত হৈ থকা নীতি-নিৰ্দেশনাৰ অগ্ৰগতিৰ বুজ ললে মন্ত্ৰী হাজৰিকাই । ৰাজ্যখনত গুণগত মানৰ নিচামুক্তি কেন্দ্ৰ সুনিশ্চিত কৰাৰ ক্ষেত্ৰত গুৰুত্ব ।

অনাৰ কিলিঙৰ বলি হ’ল ডিফুৰ বকলীয়াঘাটৰ ১৬ বছৰীয়া কিশোৰী ৷ গৰ্ভপাতৰ পাছতে মৃত্যু হোৱা কিশোৰীক পিতৃ, খুড়াক আৰু বৰদেউতাকে মিলি পুতি থ’লে মৃতদেহ (Honour killing in Diphu) ৷

তেজপুৰ কেন্দ্ৰীয় বিশ্ববিদ্যালয়ত অঘটন ৷ এজন ছাত্ৰই কৰিলে আত্মহত্যা (Student committed suicide) ৷ বিশ্ববিদ্যালয়ৰ চিভিল ইঞ্জিনীয়াৰিঙৰ ৭ ম ষান্মাসিকত অধ্যয়ণৰত আছিল ছাত্ৰজন ৷

তৃতীয় শ্ৰেণীৰ পৰা গণিত আৰু বিজ্ঞান বিষয়ৰ পাঠদান ইংৰাজী মাধ্যমত কৰাৰ বিৰোধিতাৰে একত্ৰিত হ’ল আছু, অসম সাহিত্য সভা, বড়ো সাহিত্য সভা আৰু এবছু ৷ দুৰ্গা পূজাৰ পাছতে এলানি আন্দোলনৰ কাৰ্যসূচীও গ্ৰহণ কৰিব বুলি জনালে আছুৰ নেতৃত্বই (Protest against decision of Assam govt) ৷