পুৱা 11 বজাৰ শীৰ্ষ 10 বাতৰি

পুৱা 11 বজাৰ শীৰ্ষ 10 বাতৰি

ৰাজ্যত গোপনে অব্যাহত আছে চোৰাং সোণৰ বেহা । চোৰাং সোণৰ ব্যৱসায়ত জড়িত থকাৰ সন্দেহত নগাঁৱত ৰে’ল আৰক্ষীৰ ঘৰত আৰক্ষীয়ে চলালে অভিযান । নগাঁৱৰ পৰা আটক বিকানীৰ জুৱেলাৰীৰ স্বত্বাধিকাৰীৰ পুত্ৰ ।

আমগুৰি আবকাৰী বিভাগ(Amguri Excise Department)ৰ চুলাই বিৰোধী অভিযান ৷ দেওৰজা মানটনীয়াত আবকাৰী বিভাগে(Amguri Excise Department) নষ্ট কৰে ৩০০০ লিটাৰ চুলাই ৷

চাবুৱাৰ হাতীআলি চাহ বাগিচাত গ্ৰেপ্তাৰ ভুৱা চিকিৎসক ৷ মাত্ৰ দহ দিনৰ ভিতৰতে চাবুৱাত আৰক্ষীৰ জালত ধৰা পৰিল পুনৰ এগৰাকী ভুৱা চিকিৎসক ৷ চিৰাঙৰ জেএচবি অসামৰিক চিকিৎসালয়ত কৰ্মৰত প্ৰসূতি বিভাগৰ চিকিৎসক ডাঃ ইয়াকুব আলী আহমেদৰ নথি জালিয়াতিৰে চাবুৱাত দীৰ্ঘদিনে কৰ্মৰত হৈ আছিল লোকজন ৷

নলবাৰীৰ জয়মঙলাত সংঘটিত পথ দুৰ্ঘটনাত এগৰাকী আৰক্ষী কনিষ্টবল নিহত ৷ সনাতন বৰ্মন নামৰ কনিষ্টবলগৰাকী শোলমাৰা আৰক্ষী চকীত কৰ্মৰত আছিল ৷

১৯৭১ চনত প্ৰতিষ্ঠা লাভ কৰা মিথানল উৎপাদনকাৰী প্ৰতিষ্ঠান অসম পেট্ৰ’ কেমিকেল লিমিটেডে(Assam Petro chemicals Ltd) পঞ্চাশটা গৌৰৱোজ্বল বৰ্ষ পাৰ কৰিলে ৷ ক’ভিড মহামাৰীৰ পৰিৱেশৰ বাবে উদ্যোগ কৰ্তৃপক্ষই সোণালী জয়ন্তী বৰ্ষ(Golden Jubilee Year) ক’ভিড নিয়মাৱলী(Covid Protocol) মানি উদযাপন কৰে ৷

ডিমা হাছাও জিলাৰ ক’ভিড পৰিস্থিতিৰ বুজ ল’বলৈ মঙলবাৰে হাফলঙত উপস্থিত হ’ল স্বাস্থ্যমন্ত্ৰী কেশৱ মহন্ত । জিলাখনৰ হাফলং অসামৰিক চিকিৎসালয়ত ক’ভিড পৰিস্থিতি পৰ্যবেক্ষণ কৰাৰ লগতে আইচিইউৰ নিৰ্মাণৰ কামৰ বুজ লয় ।

কলগাছিয়াৰ গুনীয়ালগুৰিত মঙলবাৰে সন্ধিয়া সংঘটিত হয় এক পথ দুৰ্ঘটনা ৷ পথেৰে গৈ থকা অৱস্থাত এখন গ্লেমাৰ বাইকে এগৰাকী মহিলা আৰু এটি শিশুক খুন্দা মৰাৰ ফলত দুৰ্ঘটনাটো সংঘটিত হয় ৷

অক্সিজেন চিলিণ্ডাৰ চুৰি কৰি ৰঙাঘৰৰ আলহী হ'ল যোৰহাটৰ দুই চোৰ । যোৰহাট চিকিৎসা মহাবিদ্যালয় হাস্পতাল(JORHAT MEDICAL COLLEGE HOSPITAL)ৰ এটা ৱাৰ্ডৰ পৰা চোৰ দুটাই অক্সিজেনৰ চিলিণ্ডাৰ(OXYGEN CYLINDER) চুৰ কৰিছিল । চিকিৎসা মহাবিদ্যালয় হাস্পতালখনৰ চিচি টিভিত চুৰিকাণ্ডৰ সমগ্ৰ দৃশ্য বন্দী হয় ৷ চিচি টিভি ফুটেজৰ ভিত্তিতে চিকিৎসা মহাবিদ্যালয় আৰক্ষী চকীৰ আৰক্ষীয়ে চুৰ দুটাক কৰায়ত্ত কৰে । ধৃত চোৰ দুটা মনজিৎ ঘাটোৱাৰ আৰু সঞ্জয় চাওতাল । ঘটনা সন্দৰ্ভত যোৰহাট চিকিৎসা মহাবিদ্যালয়ৰ তৰফৰ পৰা এখন এজাহাৰ দাখিল কৰা হৈছে ।

কোকৰাঝাৰ জিলাৰ অভয়াকুটিত সংঘটিত হোৱা লোমহৰ্ষক হত্যাকাণ্ড সন্দৰ্ভত সংবাদমেল সম্বোধন আৰক্ষী সঞ্চালক প্ৰধান ভাস্কৰজ্যোতি মহন্ত (Bhaskarjyoti Mahanta)ৰ । সংবাদমেলত হত্যাকাণ্ডৰ বিৱৰণ দাঙি ধৰে আৰক্ষী সঞ্চালক প্ৰধানগৰাকীয়ে ৷

আলোচনাকালত মন্ত্ৰী বিমল বৰাই ৰাজ্যখনৰ দুয়োটা খণ্ডৰ সামগ্ৰিক বিকাশৰ বাবে ক্ৰীড়া আৰু সংস্কৃতিৰ সকলো অংশীদাৰৰ বাবে এক সৌহাৰ্দ্যপূৰ্ণ পৰিৱেশ গঢ়ি তোলাৰ ইচ্ছা প্ৰকাশ কৰে । সাংবাদিকসকলে সন্মুখীন হোৱা সমস্যাসমূহৰ সমাধানৰ বাবে সংশ্লিষ্ট বিভাগসমূহৰ মন্ত্ৰীয়ে প্ৰথমবাৰৰ বাবে এনে আলোচনাত মিলিত হোৱাৰ লগতে সমাধান বিচাৰিবলৈ চেষ্টা কৰিছে ।