11 বজাৰ দহটা শীৰ্ষ বাতৰি...

11 বজাৰ দহটা শীৰ্ষ বাতৰি...

মঙলবাৰে পুৱাৰ ভাগত জাগুনৰ কথাকাঠনিত গ্ৰেনেড বিস্ফোৰণ ৷ বিস্ফোৰণত এজন 12 বছৰীয়া কিশোৰ নিহত হোৱাৰ লগতে আহত হয় এজন যুৱক ৷

ধ্বংসৰ দিশে গতি কৰিছে ঐতিহাসিক নামতিদ’লত অৱস্থিত বিষ্ণুদ’ল ৷ চপৰা-চপৰে খহিছে বিষ্ণুদ’লৰ চটীয়া ইটা ৷ এতিয়াও দৃষ্টিগোচৰ হোৱা নাই সংশ্লিষ্ট বিভাগৰ ৷

ধুবুৰীত ধোঁৱাচাঙত ক’ভিড প্ৰট’কল । নিমাত ধুবুৰী জিলা প্ৰশাসন । ধুবুৰীৰ বজাৰত নাই সামাজিক দূৰত্ব, অত্যাধিক ভিৰ বজাৰত । কেৱল মেলা সদৃশ পৰিৱেশ ধুবুৰীৰ বজাৰত ।

ৰাজ্যত অব্যাহত আছে ক'ভিড-১৯ মহামাৰীৰ সংহাৰ । সোমবাৰে বৰপেটা অসামৰিক চিকিৎসালয়ত কৰ'ণাত আক্ৰান্ত এগৰাকী ৰোগীৰ মৃত্যু ।

স্বাস্থ্য বিভাগে 18 বছৰ পৰা 44 বছৰ সকলো লোকক প্ৰতিষেধক প্ৰদানৰ ব্যৱস্থা কৰাৰ পাচতে জিনজিয়া নতুন প্ৰাথমিক স্বাস্থ্য কেন্দ্ৰত দেখা গ'ল ব্যাপক ভিৰ ৷ স্বাস্থ্য কেন্দ্ৰসমূহত কোনো ধৰনৰ ক'ভিড প্ৰট'কল মানি চলা দেখা নগ'ল ৷

মৰিগাঁৱৰ পোকালাগী আৰু বৰিবন্ধা অঞ্চলক কণ্টেইনমেণ্ট জ'ন হিচাপে ঘোষণা । মঙলবাৰৰ পৰা অঞ্চল দুটাত কাৰ্যকৰী হ'ব কণ্টেইনমেণ্ট জ'নৰ সকলো নিয়মাৱলী । এতিয়ালৈকে জিলাখনৰ ৫টা স্থানক কণ্টেইনমেণ্ট জ'ন ঘোষণা কৰিছে প্ৰশাসনে ।

বিহালীত ‘সুবিধা’ নামৰ এক ব্যতিক্ৰমী ৰূপত এক স্বেচ্ছাসেৱী সংগঠনৰ প্ৰসংশনীয় পদক্ষেপ ৷ বিহালীৰ বিভিন্ন অঞ্চলত সংস্থাটোৱে চেনিটাইজেছনৰ ব্যৱস্থা কৰিছে ৷

পৰিমল শুক্লবৈদ্যক দ্বিতীয়বাৰৰ বাবে মন্ত্ৰীত্ব প্ৰদানৰ পাচতে উৎফুল্লিত হৈ পৰিছে সমষ্টিবাসী ৷ সোমবাৰে বিজেপি কৰ্মীসকলে ৰাজপথত ফটাকা ফুটাই আনন্দ উল্লাহ কৰি এক উৎসৱমুখৰ পৰিৱেশ গঢ়ি তোলে ৷

সোমবাৰে ক’ভিডৰ সংক্ৰমণ ৰোধৰ বাবে ডিব্ৰুগড়ৰ গাঁৱে-ভূঞে সজাগতা প্ৰচাৰ আশাকৰ্মীসকলৰ ৷ ক’ভিড প্ৰট’কলৰ ক্ষেত্ৰত প্ৰচাৰ পত্ৰিকা বিতৰণ কৰি ৰাইজক সজাগ কৰাৰ প্ৰয়াস কৰে আশাকৰ্মীসকলে ৷

সোমবাৰে নতুন মন্ত্ৰীসভাই শপত গ্ৰহণৰ পাচতে এক প্ৰকাৰ উৎসৱ মুখৰ পৰিৱেশে বিৰাজ কৰিছে সমষ্টিসমূহত ৷ হোজাই জিলাতো বিজেপি কৰ্মী সকলৰ মাজত দেখা পোৱা গ'ল ব্যাপক উচাহ ৷ 101 গছ বন্তি জ্বলাই নৱ নিৰ্বাচিত মুখ্যমন্ত্ৰী ড৹ হিমন্ত বিশ্ব শৰ্মাৰ লগতে নতুন মন্ত্ৰী সভাৰ দীৰ্ঘায়ু কামনা কৰে ৷