ওড়িশাত 18-44 বছৰৰ সকলো লোকৰ বাবে ক’ভিডৰ বিনামূলীয়া টীকাকৰণৰ ঘোষণা কৰিছে মুখ্যমন্ত্ৰী নবীন পাটনায়কে ৷
ৰূপহীহাটৰ জুৰীয়াৰ বৰালীমাৰিত ৰাজহুৱা মীন মহলৰ ভূমি বেদখল কৰি প্ৰকাণ্ড পুখুৰী খান্দিছে তজমল হুছেইন নামৰ এজন লোকে ৷ এই অভিযোগ স্থানীয় ৰাইজৰ ৷ শীঘ্ৰে ইয়াৰ বিৰুদ্ধে ব্যৱস্থা গ্ৰহণ নকৰিলে মীন মহলটো সম্পূৰ্ণৰূপে বেদখলকাৰীৰ কবলত পৰাৰ আশংকা ৰাইজৰ ৷
সৰ্থেবাৰীৰ কাৰাকুছিৰ হৰিপদ তালুকদাৰৰ হত্যাকাণ্ডৰ মূল অভিযুক্ত ধীৰাজ ভূঞা আৰক্ষীৰ জালত । নগাঁৱৰ বটদ্ৰৱাত গ্ৰেপ্তাৰ কৰা হৈছে অভিযুক্ত ভূঞাক ৷
ক’ভিড 19 ৰ সাহায্যৰ দিশত ভাৰতীয় বায়ু সেনাই প্ৰচেষ্টা অব্যাহত ৰাখিছে ৷ ভাৰতীয় বায়ুসেনাৰ এটা চি-১৭ য়ে ছিংগাপুৰত 4 টা খালী ক্ৰায়'জেনিক অক্সিজেন পাত্ৰ লোড কৰাৰ লগতে পুণেৰ পৰা ২ টা খালী ক্ৰায়'জেনিক অক্সিজেন কণ্টেইনাৰ লোড কৰে ৷
পূৰ্বে ইটিভি ভাৰতৰ সৈতে কাম কৰা আমজাদ বাদশ্বাহ নামৰ সাংবাদিক গৰাকীয়ে দেওবাৰে ক'ৰণাত আক্ৰান্ত হৈ 45 বছৰতে মৃত্যু মুখত পৰে ৷
বাগদাদত কৰ’ণা ভাইৰাছৰ ৰোগী থকা এখন চিকিৎসালয়ত ভয়াবহ অগ্নিকাণ্ড ৷ এই অগ্নিকাণ্ডত নিহত হয় 82গৰাকী আৰু আহত হৈছে প্ৰায় 110তকৈ অধিক কৰ’ণা ৰোগী ৷
ইতিমধ্যে পশ্চিমবংগত অনুষ্ঠিত হ’ব সপ্তম পৰ্যায়ৰ ভোটগ্ৰহণ ৷ উল্লেখ্য যে, মুঠ 8 টা পৰ্যায়ত 34 টা বিধানসভা সমষ্টিত অনুষ্ঠিত হৈছে পশ্চিমবংগৰ ভোট গ্ৰহণ প্ৰক্ৰিয়া ৷ 34 টা সমষ্টিৰ ভিতৰত 9 টা বিধানসভা সমষ্টি মুৰ্চিদাবাদ আৰু পশ্চিম বৰ্ধৱানত, 6 টা দক্ষিণ দিনাজপুৰ আৰু মালদাত আৰু 4 টা কলকাতাত অন্তৰ্ভূক্ত ।
ডিব্ৰুগড় জিলাৰ ডিব্ৰুজানৰ পৰা হেৰ'ইনসহ চেলিম হুছেইন নামৰ এজন ড্ৰাগছ সৰবৰাহকাৰীক আটক কৰে আৰক্ষীয়ে ৷ ড্ৰাগছ সৰবৰাহকাৰীটোৰ পৰা 47.3 গ্ৰাম হেৰ'ইন জব্দ ৷
কৰ’ণাৰ দ্বিতীয়টো লহৰে সমগ্ৰ দেশৰ লগতে অসমতো ইতিমধ্যে বিভীষিকাৰ সৃষ্টি কৰিছে ৷ এই সময়তে প্ৰশাসনৰ কৰ’ণা কেন্দ্ৰিক তৎপৰতাৰ সুযোগ লৈ এচাম ব্য়ৱসায়ীয়ে বজাৰত অহেতুক মূল্যবৃদ্ধিৰ সৃষ্টি কৰি জুৰুলা কৰিছে ৰাইজক ৷
দেওবাৰে সন্ধিয়া অনুষ্ঠিত হ'ব বহু প্ৰত্যাশিত অস্কাৰৰ বঁটা প্ৰদান অনুষ্ঠান । ইয়াৰ বাবে ইতিমধ্যে তীব্ৰ প্ৰস্তুতি চলিছে লজ এঞ্জেলছত । সাজু কৰি তোলা হৈছে অস্কাৰৰ ৰেড কাৰ্পেট । লগে লগে লজ এঞ্জেলছৰ ডাউনটাউন ইউনিয়ন ষ্টেচনত একত্ৰিত হৈছে বিশ্বৰ বিভিন্ন প্ৰান্তৰ টিভি ক্ৰু তথা সংবাদকৰ্মীসকল । প্ৰযোজকসকলৰ মাজত চলচ্চিত্ৰৰ এক "অন্তৰংগ" অনুষ্ঠানৰ বাবে সম্পূৰ্ণ সাজু । দেওবাৰে সন্ধিয়া অনুষ্ঠানটোত কোনো হোষ্ট নাথাকিব বুলি আশা কৰা হৈছে আৰু পৰিচালক ষ্টিভেন চডাৰবাৰ্গকে ধৰি তিনিজন প্ৰযোজকৰ দ্বাৰা টিভি অনুষ্ঠানৰ পৰিৱৰ্তে বোলছবিৰ দৰে ডিজাইন কৰা হৈছে । ইফালে অহা ২৬ এপ্ৰিলত ভাৰতীয় সময় অনুসৰি পুৱা ৫:৩০ বজাৰ পৰা অস্কাৰ ২০২১ৰ পোনপটীয়া সম্প্ৰচাৰ হ'ব ।
