পুৱা 11 বজাৰ শীৰ্ষ দহটা বাতৰি

পুৱা 11 বজাৰ শীৰ্ষ দহটা বাতৰি...

আজি বিটিচিৰ প্ৰথম পৰ্যায়ৰ নিৰ্বাচন ৷ ভাগ্য নিৰ্ণয় হ'ব 130 জন প্ৰাৰ্থীৰ ৷

বিটিচি পৰিষদীয় প্ৰথম পৰ্যায়ৰ নিৰ্বাচনত ওদালগুৰি জিলাৰ ভেৰগাঁও মহকুমা আৰু ওদালগুৰি মহকুমা (সদৰ)ত মুঠ 10টা পৰিষদীয় সমষ্টিত আৰম্ভ হৈছে ভোটগ্ৰহণ প্ৰক্ৰিয়া ৷ ভেৰগাঁও মহকুমাৰ 5 টা পৰিষদীয় সমষ্টিৰ মুঠ 2,98,705 গৰাকী ভোটাৰে সাব্যস্ত কৰিব তেওঁলোকৰ ভোট ৷

পুৱা 7.30 বজাৰ পৰা আৰম্ভ হৈছে বিটিচিৰ প্ৰথম পৰ্যায়ৰ ভোটগ্ৰহণ ৷ ভোটদানত প্ৰত্যক্ষ কৰা হৈছে ৰাইজৰ উৎসাহ ৷

ইউপিপিএললৈ উলামা কাউঞ্চিলৰ মুকলি সমৰ্থন ৷ বিপিএফে সংখ্যালঘু সকলক প্ৰৱঞ্চনা কৰি অহাৰ অভিযোগ উত্থাপন উলামা কাউঞ্চিলৰ ৷ 15 বছৰে বিপিএফে সংখ্যালঘু লোকসকলক ঠগ-প্ৰৱঞ্চনা কৰি অহাৰ অভিযোগ ৷ বিটিচি নিৰ্বাচনত সংখ্যালঘু লোকসকলক ইউপিপিএলত ভোট দিয়াৰ বাবে আহ্বান কাউঞ্চিলৰ ৷

হিমন্ত বিশ্ব শৰ্মাই বড়ো জাতিক ধ্বংস কৰাৰ বাবে ষড়যন্ত্ৰত লিপ্ত লোৱাৰ অভিযোগ প্ৰাক্তন বিটিচি প্ৰধান হাগ্ৰামা মহিলাৰীৰ ৷ চিৰাঙৰ বিজনীত বিপিএফৰ সভাত অংশ লৈ হাগ্ৰামা মহিলাৰীয়ে এই মন্তব্য কৰে ৷ হিমন্ত বিশ্ব শৰ্মাক কেলেংকাৰীৰ মাষ্টৰ বুলি অভিযোগ কৰাৰ লগতে বহু কটু মন্তব্যৰে মন্ত্ৰী শৰ্মাক সমালোচনা প্ৰাক্তন বিটিচি প্ৰধান গৰাকীৰ ৷

জম্মু-কাশ্মীৰৰ 34 টা উন্নয়ন পৰিষদীয় সমষ্টিৰ ভিতৰত 17 টা জম্মু-কাশ্মীৰৰ ক্ষেত্ৰভূমিত অন্তৰ্ভুক্ত ৷ চতুৰ্থ পৰ্যায়ৰ নিৰ্বাচনী প্ৰক্ৰিয়াত জম্মু-কাশ্মীৰৰ কেন্দ্ৰীয় শাসিত অঞ্চলসমূহৰ মুঠ 280 টা জিলা উন্নয়ন পৰিষদীয় সমষ্টিৰ ভিতৰত 34 টা সমষ্টিত নিৰ্বাচন অনুষ্ঠিত হৈ আছে ৷ মুঠ 249 গৰাকী প্ৰাৰ্থীৰ সমৰ্থনত ভোটদান কৰিব জম্মু-কাশ্মীৰবাসীয়ে ৷

ডিফুৰ বৰলাংফেৰত শনিবাৰে সন্ধিয়া সংঘটিত হোৱা ধৰ্ষণ কাণ্ডত জড়িত অভিযুক্ত ধৰ্ষণকাৰীক গ্ৰেপ্তাৰ আৰক্ষীৰ ৷ এগৰাকী বিধৱা মহিলাৰ ঘৰত অনাধিকাৰে প্ৰৱেশ কৰি তেওঁক বলপূৰ্বকভাৱে ধৰ্ষণ কৰাৰ অভিযোগ উত্থাপন কৰিছে বিধৱা মহিলাগৰাকীয়ে ৷

পুনৰ ভাৰত ভূমিত ৰঙা চীনৰ আগ্ৰাসন ৷ অৰুণাচল প্ৰদেশৰ পশ্চিম অঞ্চলৰ তাৱাঙৰ বুম-লাৰ ওচৰত চীনৰ 3 খন নতুন গাঁও স্থাপন কৰা বুলি জানিব পৰা গৈছে ৷

বিপিএফ দললৈ মুকলি সমৰ্থন আগবঢ়ালে সদৌ বিটিএডি নাথ যোগী যুৱ ছাত্ৰ সন্মিলনীয়ে ৷সংগঠনটোৰ সাধাৰণ সম্পাদক প্ৰমোদ চন্দ্ৰ নাথে অল্ড ইজ গল্ড বুলি উল্লেখ কৰি বিপিএফ দলে বিটিচি গঠন হোৱাৰে পৰা অতিকে পিচপৰা বিটিচিৰ দ্ৰুত উন্নয়ন কৰা বুলি মন্তব্য কৰে ৷

গুৱাহাটীৰ শ্ৰীমন্ত শংকৰদেৱ কলাক্ষেত্ৰত অনুষ্ঠিত এই যোগদান অনুষ্ঠানত মুখ্য অতিথি হিচাপে উপস্থিত থাকি মুখ্যমন্ত্ৰী সৰ্বানন্দ সোণোৱালে আজি যোগদান কৰা কলা-কুশলী সকলক দলৰ মজিয়ালৈ স্বাগতম জনায়। তেওঁ কয় যে, জন্মলগ্নৰে পৰা বিজেপিয়ে দেশৰ অখণ্ডতা, সাৰ্বভৌমত্ব ৰক্ষাৰ বাবে সকলো ভাষা-ভাষী লোকক একেলগে লৈ উন্নয়নৰ পথত অগ্ৰসৰ হৈছে সেয়া দলৰ কৰ্মৰাজিত প্ৰতিফলিত হৈছে ।