1বজাৰ 10 টা শীৰ্ষ বাতৰি

1বজাৰ 10 টা শীৰ্ষ বাতৰি

পাঞ্জাৱৰ ফিৰোজপুৰ চেক্টৰত সীমান্ত সুৰক্ষা বাহিনীয়ে এখন পাকিস্তানী ড্ৰোণলৈ লক্ষ্য কৰি গুলীবৰ্ষণ কৰে । লগতে ড্ৰোণখনত গুলীয়াই ভূ-পতিত কৰিবলৈ সক্ষম হয় । বুধবাৰেও সীমান্ত সুৰক্ষা বাহিনীয়ে পাঞ্জাৱৰ অমৃতসৰ জিলাত পাকিস্তানৰ পৰা প্ৰৱেশ কৰা এখন ড্ৰোণ গুলীয়াই ভূ-পতিত কৰে ।

আমগুৰিৰ খৰাগড়ৰ সমীপত ভয়ংকৰ পথ দুৰ্ঘটনা সংঘটিত হয় ৷ AS-04 P 0167 নাম্বাৰৰ ডাচতান বাহন এখনে এজন পথচাৰীক মহতিয়াই নিয়াৰ ফলত থিতাতে মৃত্যুৰ মুখত পৰে লোকজন ৷

যোৰহাটৰ মাৰোৱাৰীপট্টি অঞ্চলত বিধ্বংসী অগ্নিকাণ্ড । নগৰখনৰ বৃহৎ অঞ্চলটোত জুয়ে এফালৰ পৰা গ্ৰাস কৰিছে । নিশা 10.45 বজাৰ পৰাৰ পুৱতি নিশালৈকে অগ্নিনিৰ্বাপন কৰিবলৈ সক্ষম হোৱা নাই অগ্নিনিৰ্বাপক বাহিনী ।

আমেৰিকাত উপস্থিত হৈছে ইউক্ৰেইনৰ ৰাষ্ট্ৰপতি ভলোডিমিৰ জেলেনস্কি। হোৱাইট হাউচত আমেৰিকা যুক্তৰাষ্ট্ৰৰ ৰাষ্ট্ৰপতি জ' বিডেনক সাক্ষাৎ কৰে ইউক্ৰেইনৰ ৰাষ্ট্ৰপ্ৰধানগৰাকীয়ে । একে সময়তে, আমেৰিকাই ইউক্ৰেইনৰ বাবে এক বিলিয়ন ডলাৰৰো অধিক অতিৰিক্ত সামৰিক সাহায্য ঘোষণা কৰিছে ।

ৰাজ্য চৰকাৰে জিলাই জিলাই নিৰ্মাণৰ ব্যৱস্থা কৰা বিজ্ঞান কেন্দ্ৰ আৰু তাৰকাগৃহসমূহৰ অগ্ৰগতি সন্দৰ্ভত দিছপুৰত পৰ্যালোচনা মন্ত্ৰী কেশৱ মহন্তৰ । ১৭খন জিলাত নিৰ্মীয়মান বিজ্ঞান কেন্দ্ৰ আৰু তাৰকাগৃহ সমূহৰ কামৰ অগ্ৰগতিৰ বিতং খতিয়ান ল'লে মন্ত্রীগৰাকীয়ে । বিভাগৰ বিষয়া-অভিযন্তাক নিৰ্মাণকাৰ্য আৰু অধিক ক্ষিপ্ৰ কৰি তোলাৰ নিৰ্দেশ মন্ত্রীৰ ।

বুধবাৰে দিগন্ত বৰাই আৰক্ষী আয়ুক্ত হিচাপে প্ৰথমখন সংবাদমেল সম্বোধন কৰি গুৱাহাটীবাসীক শংকিত নহ'বলৈ অভয়বাণী দিয়াৰ পাছতেই আজি দিছপুৰত সংঘটিত বিলাসী বাহন চুৰিৰ ঘটনা । বিধানসভাৰ চৌহদৰ পৰাই চোৰে নিলে এখন বলেৰ’ গাড়ী ।

স্পিয়াৰ কৰ্পছৰ আইজিএআৰ (এন)ৰ মুখ্য কাৰ্যালয়ৰ খোনচা বেটেলিয়ন আৰু আৰক্ষীৰ যুটীয়া অভিযানত গ্ৰেপ্তাৰ এজন সক্ৰিয় আলফা স্বাধীনৰ সদস্য । প্ৰাৰম্ভিক জেৰাৰ অন্তত ধৃত লোকজনক পৰৱৰ্তী তদন্তৰ বাবে খোনচা আৰক্ষীক হস্তান্তৰ কৰা হ'ব ।

বুধবাৰে কাছাৰ জিলাৰ লক্ষীপুৰ আৰক্ষী থানাত মাৰ পিপলছ ডেমক্ৰেটিক (এইছ পি চি ডি) নামৰ উগ্ৰপন্থী সংগঠনটোৰ 9 গৰাকী সদস্যই অস্ত্ৰশস্ত্ৰসহ আৰক্ষীৰ ওচৰতে আত্মসমৰ্পণ কৰে ৷

গোলাঘাট জিলাৰ মেৰাপানীত মৰ্মান্তিক ঘটনা । বিদ্যালয়ৰ শিক্ষামূলক ভ্ৰমণত গৈ দেওপাহাৰৰ চিৰিৰ পৰা পিচলি পৰি মৃত্যু এজন ছাত্ৰৰ ৷ শোকাকুল পৰিৱেশত মৃতদেহ সৎকাৰ সপ্তম শ্ৰেণীৰ ছাত্ৰ গৰাকীৰ । বিদ্যালয় কৰ্তৃপক্ষ, শিক্ষকৰ বিৰুদ্ধে অভিযোগ পৰিয়ালৰ লোকৰ ।

সঞ্চয় হৈছে আপোনাৰ বিত্তীয় স্বাধীনতাৰ আধাৰ । কিন্তু ঋণ লোৱাটো কেতিয়াবা অনিবাৰ্য হৈ পৰে । আপোনাৰ ব্যৱসায়িক লক্ষ্য পূৰণ কৰিবলৈ 'সম্পত্তিৰ বিপৰীতে ঋণ' (Loans against property, LAP) ব্যৱহাৰ কৰা হ'ব পাৰে । সেইবোৰ কম বিপদাশংকাপূৰ্ণ আৰু বন্ধকীমুক্ত ঋণৰ তুলনাত উন্নত লাভালাভ লাভ কৰে ।