1 বজাৰ শীৰ্ষ 10 টা বাতৰি

1 বজাৰ শীৰ্ষ 10 টা বাতৰি

মহানগৰীৰ খাৰঘূলিৰ ৰেভ পাৰ্টী(Rave Party) গোচৰৰ অন্যতম মূল অভিযুক্ত বিশাল চৌধুৰী(Bishal Choudhury) আহত হৈছে আৰক্ষীৰ এনকাউণ্টাৰত(Encounter) ৷

চিৰাঙৰ ভাৰত-ভূটান সীমান্ত অঞ্চলত বন্যহস্তীৰ আক্ৰমণৰ ঘটনা উদ্বেগজনকভাৱে বৃদ্ধি । অবাধ বনাঞ্চল বেদখলৰ ফলতে বৃদ্ধি পাইছে হাতী-মানুহৰ সংঘাত ৷

ৰাজ্যত হোৰাহোৰে বৃদ্ধি পাইছে অত্যাৱশ্যকীয় সামগ্ৰীৰ মূল্য ৷ আৰ্থিক সংকটত পৰিছে সৰ্ব-সাধাৰণ ৰাইজ ৷ মূল্যবৃদ্ধি ৰোধৰ হকে ৰাজপথলৈ আহিল যুৱ কংগ্ৰেছী ৷

প্ৰতিবছৰৰ দৰে এইবছৰো বানৰ কৱলত পৰিছে কাজিৰঙা ৰাষ্ট্ৰীয় উদ্যানৰ বিস্তীৰ্ণ অঞ্চল ৷ বানৰ কৱলত দিশহাৰা হৈছে ৰাষ্ট্ৰীয় উদ্যানখনৰ বহু জীৱ-জন্তু ৷ কিন্তু বৰ্তমান কাজিৰঙাৰ বান পৰিস্থিতি কিছু নিয়ন্ত্ৰণলৈ অহা বুলি সদৰি কৰিছে উদ্যান কৰ্তৃপক্ষই ৷

বীৰ লাচিত সেনাৰ কেন্দ্ৰীয় সাংগঠনিক সম্পাদক শৃংখল চলিহাক সমৰ্থন কৰা নকৰা বিষয়ক লৈ হোজাই জিলাৰ লংকাৰ পিপলপুখুৰীত দুই পক্ষৰ মাজত সংঘটিত হয় প্ৰচণ্ড মাৰপিটৰ ঘটনা ৷ ঘটনাত আহত হৈছে দুজন ককাই-ভাই ৷

ভাৰতীয় ৰে’লৰ এক বিশেষ পদক্ষেপ ৷ ‘শ্ৰী ৰামায়ণ যাত্ৰা’ নামেৰে মুকলি কৰা হৈছে এখন বিশেষ ৰে’ল ৷ এই যাত্ৰাত ভগৱান শ্ৰীৰামৰ সৈতে জড়িত বিভিন্ন স্থানসমূহ দৰ্শন কৰোৱা হ’ব ৷

কেৰালাত পুনৰ পোহৰলৈ আহিছে মাৰাত্মক নিপা ভাইৰাছৰ ঘটনা ৷ ৰাজ্যখনৰ কোজিকোডেত এই ভাইৰাছৰ দ্বাৰা আক্ৰান্ত হৈ এটি 12 বছৰীয়া কিশোৰৰ মৃত্যু ঘটে ৷

ৰাজ্যৰ শিক্ষানুষ্ঠানসমূহ পর্যায়ক্ৰমে খুলিবলৈ সিদ্ধান্ত গ্ৰহণ কৰিছে ৰাজ্য চৰকাৰে ৷ কেতবোৰ বিশেষ নীতি-নিৰ্দেশনাৰ মাজেৰে অহা ৬ ছেপ্তেম্বৰৰ পৰা খুলা হ'ব ৰাজ্যৰ শিক্ষানুষ্ঠান সমূহ ৷ হোষ্টেল সমূহৰ ক্ষেত্ৰতো বিশেষ নিৰ্দেশনা ৷

বিপিএফৰ দলীয় মজিয়াত কি হৈ আছে, সেইকথা জনাৰ কাৰণে ইচ্ছুক নহয় বিটিআৰ চীফ প্ৰমোদ বড়ো ৷ বিপিএফ ক’ৰবালৈ গলেও ইউপিপিএলৰ কোনো লাভ-লোকচান নাই বুলিও মন্তব্য কৰে প্ৰমোদ বড়োই ৷

এসময়ত আন্ধেৰীৰ ৰাস্তাত কাম বিচাৰি সকলোৰে অনুনয়-বিনয় কৰাৰ পৰা ঘৰৰ পাৰ্কিঙত পৰিচালকে আহি ছবিৰ বাবে অফাৰ কৰালৈ সহজ নাছিল পংকজ ত্ৰিপাঠীৰ বলীউডৰ এই যাত্ৰা ৷ তেওঁৰ সংগ্ৰাম আৰু ধৈৰ্যৰ কাহিনী আমাৰ বাবে অনুপ্ৰেৰণা ৷