1 বজাৰ দহটা শীৰ্ষ বাতৰি

1 বজাৰ দহটা শীৰ্ষ বাতৰি

প্ৰধানমন্ত্ৰী নৰেন্দ্ৰ মোদীয়ে জম্মু-কাশ্মীৰ কেন্দ্ৰীয় শাসিত অঞ্চলত সীমানিৰ্ধাৰণৰ কাম শীঘ্ৰে সম্পূৰ্ণ কৰাৰ আহ্বান জনাইছিল যদিও নেশ্যনেল কনফাৰেঞ্চ (national conference)ৰ উপ-সভাপতি ওমৰ আব্দুল্লাই ইয়াৰ বিৰোধিতা কৰিছে ৷ যাৰ ফলত কেন্দ্ৰীয় চৰকাৰ আৰু আঞ্চলিক ৰাজনৈতিক দলসমূহৰ মাজত এক জটিল বিষয় হ'ব বুলি বহুজনে মত প্ৰকাশ কৰিছে ৷

সম্প্ৰতি ৰাজ্যত কৰ্তৃপক্ষৰ দায়বদ্ধতাহীনতাৰ বাবে বিতৰ্কৰ শীৰ্ষত আছে মাদাৰ অ’ল্ড এজ হোম(Mother Old Age Home) নামৰ বৃদ্ধাশ্ৰমখন ৷ এনে সময়তে, মাদাৰ অ’ল্ড এজ হোম(Mother Old Age Home)ত থকা বৃদ্ধা লোক সকলৰ সম্পূৰ্ণ দায়িত্ব লবলৈ সাজু হৈছে বৰপেটাৰোডৰ “আশ্ৰয়" নামৰ বৃদ্ধাশ্ৰমৰ গৰাকী চিকিৎসক ডাঃ বুদ্ধদেৱ ভট্টাচাৰ্য ৷

প্ৰাক্তন মুখ্যমন্ত্ৰী সৰ্বানন্দ সোণোৱালৰ গৃহ চহৰ চাবুৱাত জৰাজীৰ্ণ অৱস্থাত আছে একমাত্ৰ বয়ন শিল্প কেন্দ্ৰটো ৷ ৰাজ্যৰ নিবনুৱা যুৱক-যুৱতী সকলক কাৰিকৰী দিশত আগুৱাই নিয়াৰ কথা কোৱা চৰকাৰ খনৰ নিবনুৱাক সংস্থাপনৰ ক্ষেত্ৰত যেন প্ৰকৃত স্বৰূপ উদঙাই দিছে বয়ন শিল্প কেন্দ্ৰটোৱে ৷

মুখ্যমন্ত্ৰী ড৹ হিমন্ত বিশ্ব শৰ্মা (CM Himanta Biswa Sarma)ই শুকুৰবাৰে জিলা উপায়ুক্তসকলৰ সৈতে ক’ভিড (Covid 19) সম্পৰ্কত ভিডিঅ’ কনফাৰেন্সিঙ(video conferencing) ৰ জৰিয়তে বৈঠকত মিলিত হ’ব । বৈঠকৰ পাছত পৰিস্থিতি অনুযায়ী সিদ্ধান্ত লোৱা হ'ব । এতিয়ালৈকে ২২০ টা ক’ভিড হটস্পট (Covid Hotspot) চৰকাৰে চিনাক্ত কৰিছে ৷

অন্যান্য প্ৰতিষেধক গ্ৰহণৰ দৰে ক'ভিড-১৯ ভেকচিন গ্ৰহণ কৰাটোও নাগৰিকৰ এক স্বেচ্ছামূলক কাম । দেশৰ উচ্চতম ন্যায়ালয়ৰ উপৰিও কেৰালা আৰু দিল্লী উচ্চ ন্যায়ালয়ৰ শেহতীয়া তিনিটা ৰায়ে এই কথা পুনৰবাৰ দোহৰাৰ পিছতো ৰাজ্য চৰকাৰৰ কৰ্মচাৰীক ক'ভিড ভেকচিন লোৱাতো বাধ্যতামূলক কৰিছে ৷ শেহতীয়াকৈ ৰাজ্যৰ মুখ্য সচিব জিষ্ণু বৰুৱাই এই সন্দৰ্ভত জাৰি কৰা এক নিৰ্দেশনাৰ পাছতে সৃষ্টি হৈছে তীব্ৰ প্ৰতিক্ৰিয়াৰ ৷

ক’ভিড সম্পৰ্কে বাগিচাৰ শ্ৰমিক সকলৰ স্বাস্থ্যৰ বুজ ল'বলৈ ৰাইজৰ কাষ চাপিল কেন্দ্ৰীয় মন্ত্ৰী তথা ডিব্ৰুগড় লোকসভা সমষ্টিৰ সাংসদ ৰামেশ্বৰ তেলী (Rameshwar Teli) । ডিব্ৰুগড়ত ক'ভিড-19ত আক্ৰান্তৰ সংখ্যা ব্যাপকভাৱে বৃদ্ধি পোৱাত ডিব্ৰুগড়ৰ লাহোৱালৰ বগপৰা চাহ বাগিচা (Bagpara Tea Estate)ত উপস্থিত হ'ল মন্ত্ৰীগৰাকী ৷

36 লাখ টকা ব্যয় সাপেক্ষে গহপুৰত আৰম্ভ হ'ল অত্যাধুনিক নৌকা চিকিৎসা ৷ গহপুৰৰ ডিপৰা মেইল বজাৰত আৰম্ভ হৈছে এই বিশেষ অত্যাধুনিক ভ্ৰাম্যমাণ নৌকা চিকিৎসালয় । বাংগালুৰুৰ কৰ'ণা ট্ৰাষ্ট্ৰ নামৰ এটা অগ্ৰনী এনজিঅ(NGO)ই দুৰ্গম চৰাঞ্চলৰ ৰাইজৰ চিকিৎসাৰ বাবে উৎসৰ্গা কৰিছে এই চিকিৎসালয় ।

কন্যা সন্তানৰ সজাগতাৰ বাবে চৰকাৰে বিভিন্ন পদক্ষেপ গ্ৰহণ কৰিবলগীয়া হৈছে । তাৰ পিছতো একাংশ নিষ্ঠুৰ লোকে কন্যা সন্তান হত্যাৰ দৰে চৰম পথ লোৱা দেখা যায় । কিন্তু অসমৰ এখন ভিতৰুৱা গাঁৱত এগৰাকী কন্যা সন্তানৰ বাবে গৌৰৱ কৰিছে তেওঁৰ পিতৃয়ে । কিয়নো ট্ৰেক্টৰ চলাই নিতৌ কৃষি কৰ্মত কন্যাই সহায় কৰিছে পিতৃক । কেৱল এয়াই নহয় বহুতৰ বাবে আদৰ্শ হৈ পৰিছে দশমমানৰ ছাত্ৰীগৰাকী ।

দেশত "ডেল্টা প্লাছ"(Delta Plus)ৰ উপস্থিতি চিনাক্ত কৰাৰ পাচত, ভাৰতীয় চিকিৎসা গৱেষণা পৰিষদ (Indian Council of Medical Research) আৰু নেচনেল ইনষ্টিটিউট অফ ভাইৰোলজী (National Institute of Virology)য়ে ভাৰতত উপলব্ধ প্ৰষেধকৰ দ্বাৰা কৰ'ণাৰ নতুন আৰু অধিক শক্তিশালী নতুন ভেৰিয়েণ্টে ডেল্টা প্লাছক নিষ্ক্ৰিয় কৰিব পাৰিনে চাবলৈ ইতিমধ্যে এক গৱেষণা আৰম্ভ কৰিছে ।

বহুদিনৰ পৰাই বনাঞ্চলখনত বন ধ্বংস যজ্ঞ চলি আছে যদিও বন বিভাগ আৰু প্ৰশাসনৰ তৰফৰ পৰা কোনো ধৰণৰ ব্যৱস্থা গ্ৰহণ নকৰাৰ অভিযোগ উত্থাপন কৰিছে স্থানীয় সচেতন ৰাইজে ।