1 বজাৰ দহটা শীৰ্ষ বাতৰি

1 বজাৰ দহটা শীৰ্ষ বাতৰি

বিজেপি নেতা পৰশুৰাম চতুৰ্বেদীয়ে ইটিভি ভাৰতৰ সংবাদদাতা উমেশ পাণ্ডেৰ বিৰুদ্ধে দাখিল কৰিছে এখন এজাহাৰ ৷ বক্সাৰ জিলাত একে কেইখন এম্বুলেঞ্চকে চতুৰ্থবাৰৰ বাবে উদ্বোধন কৰা সন্দৰ্ভত বাতৰি পৰিৱেশন কৰাৰ বাবে সংবাদদাতাজনৰ বিৰুদ্ধে দাখিল কৰা হৈছে এজাহাৰ ৷

এটা ক্ষুদ্ৰ শিলত সুধাকণ্ঠ ড৹ ভূপেন হাজৰিকাৰ মুখাবয়ৱ অংকন কৰা কলিয়াবৰৰ সূৰুয বৰকটকীয়ে গঢ়িলে অভিলেখ ৷ শেহতীয়াকৈ শিল্পীগৰাকী অন্তৰ্ভূক্ত হ'ল অসম বুক অৱ ৰেকৰ্ডছত ৷

শনিবাৰে বৰপেটাৰোডৰ এফ আৰ ইউত ক'ভিড পৰিস্থিতিৰ বুজ লোৱাৰ উদ্দেশ্যে উপস্থিত হয় বিধায়ক মনোৰঞ্জন তালুকদাৰ ৷ চিকিৎসালয়খনত উপস্থিত হৈয়ে চিকিৎসালয়খনৰ আন্তঃগাঁথনি সন্দৰ্ভত চিকিৎসক, নাৰ্চ তথা চিকিৎসা কৰ্মীসকলৰ লগত মত বিনিময় কৰে ৷

শেহতীয়া ক'ভিড পৰিস্থিতিৰ বুজ লোৱাৰ উদ্দেশ্যে বৰভাগ কমাৰকুছি প্ৰাথমিক স্বাস্থ্য কেন্দ্ৰ আৰু সানেকুছি ৰাজ্যিক চিকিৎসালয়ত উপস্থিত হয় বৰক্ষেত্ৰী বিধানসভা সমষ্টিৰ নৱ নিৰ্বাচিত বিধায়ক দিগন্ত বৰ্মন ৷

শিৱসাগৰ জিলাৰ আমগুৰিৰ দোপদৰ ক্ষুদ্ৰ প্ৰাথমিক স্বাস্থ্য কেন্দ্ৰত নাৰ্চ, ফাৰ্মাচিষ্ট অবিহনে চলিছে স্বাস্থ্যসেৱাৰ কাম-কাজ ৷ স্বাস্থ্য কেন্দ্ৰটোৰ আন্তঃগাঁথনিৰ উন্নয়নৰ নামত অহা ধনৰ ব্যয়ত ব্যাপক অনিয়ম সংঘটিত হোৱাৰ আশংকা কৰা হৈছে ৷

মাজুলীৰ ঐতিহাসিক নতুন কমলাবাৰী সত্ৰ আৰু মাহৰা আধাৰ সত্ৰৰ সন্মুখত ৰাজহুৱা শ্মশান নিৰ্মাণক লৈ তীব্ৰ প্ৰতিবাদ বৈষ্ণৱৰ । এই সন্দৰ্ভত চৰকাৰক পুনৰ বিবেচনা কৰিবলৈ আহ্বান মাজুলীবাসীৰ ৷ এই সন্দৰ্ভত উচিত তদন্তৰ দাবীত সত্ৰাধিকাৰসকলে মুখ্যমন্ত্ৰী, স্থানীয় বিধায়ক তথা উপায়ুক্তলৈ প্ৰেৰণ কৰে এখন স্মাৰক পত্ৰ ৷

তেজপুৰ শালনিবাৰী বিমানবন্দৰত অহা চাৰি মাহৰ ভিতৰত ঘৰুৱা বিমানৰ সংখ্যা বৃদ্ধি কৰাৰ সম্ভাৱনা ৷ এই মন্তব্য কৰে বিমানবন্দৰখনৰ প্ৰাধিকাৰী আৰ এন সিঙে । অক্টোবৰ মাহত তেজপুৰলৈ নতুন ব্যক্তিগত প্ৰতিষ্ঠানৰ বিমান সংযোজন হোৱাৰ সম্ভাৱনা আছে বুলি জানিব দিয়ে প্ৰাধিকাৰী সিঙে ।

শনিবাৰে নিশা বৰপেটা জিলাৰ কলগাছিয়া অসামৰিক চিকিৎসালয়ত আকস্মিক পৰিদৰ্শনৰ বাবে উপস্থিত হ’ল জিলা উপায়ুক্ত তেজ প্ৰসাদ ভূষাল । ক’ভিড পৰিস্থিতিৰে মোকাবিলা কৰিবলৈ চিকিৎসা কৰ্মী তথা সংবাদ জগতৰ লগত জড়িত লোকসকলক অধিক তৎপৰ হ’বলৈ আহ্বান জনালে উপায়ুক্ত গৰাকীয়ে ৷

আন্তঃৰাষ্ট্ৰীয় পুৰস্কাৰ আঁজুৰি আনিবলৈ সক্ষম হৈছে অসমীয়া চলচ্চিত্ৰ দিঠকত হেৰাল সপোনে । 'মাকন প্ৰিয়া প্ৰডাকচন'ৰ বেনাৰত অজিত বৰ্মনে প্ৰযোজনা কৰা 'দিঠকত হেৰাল সপোন' ছবিখনে লাভ কৰিছে এক আন্তঃৰাষ্ট্ৰীয় পুৰস্কাৰ ।

বৃহস্পতিবাৰে নিশা সৰুপথাৰত অসুস্থ অৱস্থাত উদ্ধাৰ হৈছিল এগৰাকী কিশোৰী ৷ বৰ্তমান, কিশোৰী গৰাকীক উন্নতচিকিৎসাৰ বাবে গোলাঘাটৰ কুশল কোঁৱৰ অসামৰিক চিকিৎসালয়লৈ প্ৰেৰণ কৰা হৈছে ।