1 বজাৰ শীৰ্ষ দহটা বাতৰি...

1 বজাৰ শীৰ্ষ দহটা বাতৰি...

পশ্চিমবংগতো পূৰ্ণ প্ৰভাৱ পৰিছে ঘূৰ্ণী বতাহ য়াছৰ ৷ ইতিমধ্যে ৰাজ্যখনত হাই এলাৰ্ট জাৰি কৰা হৈছে ৷ বুধবাৰৰ পুৱাৰে পৰা ধাৰাসাৰ বৃষ্টিপাতে জনজীৱন একপ্ৰকাৰ স্তব্ধ কৰি তুলিছে ৷ ৰাজ্যখনৰ পৰ্যটকৰ আকৰ্ষণৰ কেন্দ্ৰস্থল হিচাপে পৰিচিত পূৱ মেদিনীপুৰৰ দীঘাৰ উপকূল অঞ্চলত দেখা গৈছে য়াছৰ প্ৰভাৱ ৷

দেশত অব্যাহত আছে কৰ’ণা মহামাৰীৰ দ্বিতীয় ঢৌৰ সংহাৰ ৷ কৰ’ণাৰ ভয়াৱহতাৰ ফলত দেশৰ কেবাখনো ৰাজ্যত লকডাউন ঘোষণা কৰাৰ লগতে বহু ৰাজ্যত জাৰি কৰা হৈছে নৈশ সান্ধ্য আইন ৷

বিপিএফৰ বিধায়ক মাজেন্দ্ৰ নাৰ্জাৰীৰ মৃত্যু ৷ কৰ’ণাত আক্ৰান্ত হৈ দীৰ্ঘদিন ধৰি চিকিৎসাধীন অৱস্থাত আছিল বিপিএফৰ বিধায়ক গৰাকী ৷

নলবাৰীৰ ৰাষ্ট্ৰীয় পৰ্যায়ৰ খেলুৱৈ দ্বিজেন বৰ্মনলৈ মুখ্যমন্ত্ৰী সাহায্য পুঁজিৰ পৰা আগবঢ়োৱা হয় এককালীন সাহায্য ৷ তিনিবাৰকৈ ৰাষ্ট্ৰীয় ফুটবল খেলুৱৈ হিচাপে খ্যাত দ্বিজেন বৰ্মনৰ জীৱন-জীৱিকাৰ দুৰ্দশাৰ বিষয়ে ইটিভি ভাৰতযোগে বাতৰি সম্প্ৰচাৰ হোৱাৰ পাচতে তেওঁৰ কাষলৈ আহিল জনপ্ৰতিনিধি ৷

মঙলবাৰে কলিয়াবৰত উপস্থিত হয় নগাঁও জিলাৰ নৱনিযুক্ত আৰক্ষী অধীক্ষক আনন্দ মিশ্ৰা ৷ কলিয়াবৰ মহকুমাৰ আইন-শৃংখলাজনিত সমস্যা সন্দৰ্ভত মহকুমা আৰক্ষী বিষয়া মৃণ্ময় দাসৰ সৈতে এক আলোচনাত মিলিত হয় আৰক্ষী অধীক্ষকগৰাকীয়ে ৷

আংশিক লকডাউনে জটিল সমস্যাৰ সৃষ্টি কৰিলে এগৰাকী কিশোৰ তথা তেওঁৰ পৰিয়ালৰ জীৱনত ৷ দুবেলা দুমুঠি খাবলৈ সমস্যাৰ সন্মুখীন হৈ মাছ বেপাৰীক মাছ ধৰি দি পৰিয়ালৰ দায়িত্ব লৈছে কিশোৰ গৰাকীয়ে ৷

নলবাৰীৰ শ্বহীদ মুকুন্দ কাকতি অসামৰিক চিকিৎসালয়ত মঙলবাৰে উপস্থিত হ’ল মুখ্যমন্ত্ৰীৰ ৰাজনৈতিক সচিব তথা নলবাৰী সমষ্টিৰ বিধায়ক জয়ন্ত মল্ল বৰুৱা ৷ নলবাৰী জিলাত সম্প্ৰতি ক'ভিড পৰিস্থিতি কিছু নিয়ন্ত্ৰণলৈ অহা বুলিও মন্তব্য প্ৰকাশ কৰে বিধায়ক গৰাকীয়ে ৷

বিশাখাপট্টনমৰ এইচপিচিএল শোধনাগাৰত সংঘটিত এক ভয়ংকৰ অগ্নিকাণ্ড ৷ পূৰ্বে বিশাখাপট্টনমত সংঘটিত হোৱা বৃহৎ অগ্নিকাণ্ডসমূহৰ ভিতৰত এয়া অন্যতম বুলি বিবেচিত হৈছে ৷

কেন্দ্ৰীয় উপভোক্তা পৰিক্ৰমা মন্ত্ৰী পীযুষ গোৱেলে সদৰী কৰা অনুসৰি, গ্ৰাহকৰ সন্তুষ্টি বৃদ্ধিৰ বাবে সোণৰ গহনা, বিশুদ্ধতা আৰু মানদণ্ডৰ আত্মবিশ্বাস বৃদ্ধি কৰাৰ বাবে গহণাত প্ৰস্তুত কৰা ডিজাইনৰ বিশেষত্বৰ প্ৰয়োজন ৷ এই কাৰ্যই ভাৰতক সমগ্ৰ বিশ্বৰ ভিতৰতে সোণৰ বজাৰৰ কেন্দ্ৰস্থলীলৈ ৰূপান্তৰ কৰাত সহায় কৰিব ৷ দেশত সোণৰ গহনা আৰু ইয়াৰ ডিজাইনৰ ক্ষেত্ৰত ১৫ জুনৰ পৰা হলমাৰ্ক বাধ্যতামূলক কৰা হৈছে ৷

বাক্সা জিলাত প্ৰধানমন্ত্ৰী কৃষক সন্মান নিধি আঁচনিৰ ধন লাভৰ পৰা বঞ্চিত প্ৰকৃত কৃষক । গোৱৰ্ধনাৰ প্ৰকৃত কৃষকসকলে প্ৰথম দুটা কিস্তি লাভ কৰিছিল যদিও বৰ্তমান বঞ্চিত হৈ আছে এইসকল কৃষক । কৃষকসকলে চৰকাৰ তথা বিভাগীয় কৰ্তৃপক্ষক জনোৱা মতে, বৰ্তমান ক’ভিড প্ৰট’কলৰ বাবে চৰকাৰে বান্ধি দিয়া নীতি-নিয়মৰ ফলত বিভিন্ন সমস্যাৰ সন্মুখীন হৈছে কৃষক ৰাইজ ।