দৰঙৰ ১২৬ খন গাঁও বানৰ কবলত
অপৰিবৰ্তিত হৈ আছে দৰং জিলাৰ বান পৰিস্থিতি । বিশেষকৈ যোৱা নিশাৰে পৰা ব্ৰহ্মপুত্ৰৰ পানী বৃদ্ধি পোৱাত চুবুৰীয়া ভূটানৰ পৰা নামি অহা নৈ সমুহৰ পানী বাঢ়িবলৈ লোৱাত জিলাখনৰ ন ন অঞ্চল প্লাৱিত হৈছে । শাকতোলা,ননৈ,নোৱানৈ,টাংনি আদি ব্ৰহ্মপুত্ৰৰ উপনৈ সমূহৰ পানী আজিও ফেনেফুটুকাৰে বাঢ়ি আছে ।
১৪ দিনীয়া লক ডাউনক লৈ সষ্টম আৰক্ষী বাহিনী
গুৱাহাটী মহানগৰীত দেওবাৰে নিশাৰ পৰা আৰম্ভ হৈছে ১৪ দিনীয়া লক ডাউন । লক ডাউনৰ নীতি-নিয়ম যাতে ভংগ নহয় ইয়াৰ প্ৰতি তীক্ষ্ণ দৃষ্টি ৰাখিছে মহানগৰ আৰক্ষী। সোমবাৰে পুৱাৰে পৰা মহানগৰীৰ ঠায়ে ঠায়ে সষ্টম হৈ পৰিছে আৰক্ষীৰ লোকসকল । নিয়ম ভংগকাৰীৰ বিৰুদ্ধে কঠোৰ ব্যৱস্থা গ্ৰহণ কৰিব আৰক্ষীয়ে ।
কৃত্ৰিম বানত বুৰ গ'ল বাইহাটা চাৰিআলি
কৃত্ৰিম বানত বুৰ গ'ল বাইহাটা চাৰিআলিত মদনপুৰৰ শান্তিপুৰ । শান্তিপুৰৰ বাসিন্দাসকলৰ ৰান্ধনি ঘৰতো একাঠু পৰ্যন্ত পানী । নিশাৰ ধাৰাষাৰ বৰযুণৰ ফলত সৃষ্টি হয় এই বানৰ ।
কৰিমগঞ্জত ছাত্ৰ বৃত্তিৰ নামত বৃহৎ কেলেংকাৰী: গোচৰ ৰুজু
কৰিমগঞ্জত সংখ্যালঘু ছাত্ৰ বৃত্তিৰ নামত সংঘটিত হৈছে বৃহৎ কেলেংকাৰী । কৰিমগঞ্জৰ গুনময়ী হাইস্কুলত সংখ্যালঘু বৃত্তিৰ নামত ব্যাপক কেলেংকাৰী সংঘটিত হোৱাৰ অভিযোগ তুলি কৰিমগঞ্জ নিলামবাজাৰ আৰক্ষী চকীত গোচৰ ৰুজু কৃষক মুক্তি সংগ্ৰাম সমিতিৰ ।
হোজাই জিলাৰ ঠেপেলাগুৰীত বন্য হস্তীৰ অৱস্থান
হোজাই জিলাৰ ঠেপেলাগুৰীৰ জনবহুল অঞ্চলত অৱস্থান কৰি আছে এটা বন্য হস্তীয়ে ৷ বিগত কেইবাদিন ধৰি হোৱা নেৰানেপেৰা বৰষুণৰ ফলত কপিলী নৈৰ জলপৃষ্ঠ বৃদ্ধি পোৱাত নৈৰ কাষৰীয়া অঞ্চলৰ লগতে বনাঞ্চলৰ বিস্তীৰ্ণ অঞ্চল বাঢ়নি পানীত প্লাৱিত হৈছে ৷ বন্য হস্তীটোৱে বানৰ পৰা ৰক্ষা পাবলৈ নিৰাপদ স্থানৰ সন্ধানত ওখ ঠাই বিচাৰি হোজাই-পশ্চিম কাৰ্বি আংলং পথৰ কোমোৰাকাটা সংৰক্ষিত বনাঞ্চলৰ মাজৰ ঠেপেলাগুৰীত ঘাইপথৰ মাজত আশ্ৰয় লৈছে ৷