কাহিলীপাৰাৰ ভূমিস্খলনত প্ৰাণ হেৰুৱালে এগৰাকীয়ে
কাহিলীপাৰাস্থিত পাৱাৰ হাউচৰ সমীপত নেৰানেপেৰা বৰষুণৰ ফলত সংঘটিত হৈছে ভূমিস্খলনৰ ঘটনা ৷ এই ঘটনাৰ ফলত 2 গৰাকী লোক গুৰুতৰভাৱে আহত হৈছে যদিও, চিকিৎসাধীন অৱস্থাত মৃত্যুক সাৱটি লয় এগৰাকী আহতই ৷ আনহাতে, বৰ্তমানেও মাটিৰ তলত আবদ্ধ হৈ আছে এগৰাকী ৷
ৰহস্যজনক অৱস্থাত পুখুৰীত উদ্ধাৰ বাহন : এজনৰ মৃত্যু
নগাঁও জিলাৰ চকলাঘাটত নিশা ৰহস্যজনকভাৱে পুখুৰীৰ মাজত উদ্ধাৰ হয় এখন টাটা টিয়াগ' গাড়ী । চকলাঘাট সাহিত্য সভাৰ কাষতে থকা বৰপুখুৰীত পৰিত্যক্ত অৱস্থাত উদ্ধাৰ হয় গাড়ীখন । গাড়ীখনৰ ভিতৰত থকা এজন যুৱকৰ মৃত্যু হয় ।
গোলাঘাটত আৰম্ভ ক'ৰণাৰ গণ সংক্ৰমণ
প্ৰশাসনৰ পৰৱৰ্তী নিৰ্দেশ পৰ্যন্ত কণ্টেইনমেণ্ট জ'ন হিচাপে থাকিব গোলাঘাট চ'ক বজাৰ । আনহাতে, গোলাঘাটত নতুনকৈ চাৰিটা স্থানক নিষিদ্ধ অঞ্চল হিচাপে ঘোষণা কৰিছে প্ৰশাসনে ।
কলগাছিয়াত কৃত্ৰিম বানৰ তাণ্ডৱ
কৃত্ৰিম বানৰ বাবেই অঞ্চলটোত বৰষুণ দিলেই একেবাৰে বন্ধ হৈ পৰে ব্যৱসায় বাণিজ্য । বৰপেটা অসামৰিক চিকিৎসালয় চৌহদতো কৃত্ৰিম বানৰ বাবে ৰোগীসকল অহা যোৱা কৰাত অসুবিধাৰ সন্মুখীন হয় ।
নাওকটাত দুৰ্ঘটনাত পতিত ৰাজনৈতিক নেতাৰ বাহন
বাক্সা জিলাৰ তামুলপুৰ মহকুমাৰ অন্তৰ্গত নাওকটাত নিশা দুৰ্ঘটনাত পতিত হয় বিটিচি শুক্লাই চেৰফাং পৰিষদীয় সমষ্টিৰ বিজেপি প্ৰাৰ্থী ৰনেন নাৰ্জাৰীৰ অল্টো বাহনখন ৷ শুৱাগপুৰ নিবাসী বাক্সা জিলা যুৱ মৰ্চাৰ সভাপতি কৰণ চেত্ৰীক গৃহত থবলৈ গৈ উভতি আহা সময়তে নাওকটাত এখন অচিনাক্ত ডাম্পাৰে খুন্দিয়াই থৈ যায় নাৰ্জাৰীৰ গাড়ীখন ৷ অৱশ্যে দুৰ্ঘটনা সংঘটিত হোৱাৰ সময়ত বাহনখনত নাছিল ৰনেন নাৰ্জাৰী ৷