ৰাজ্যৰ নিযুক্তিৰ বাছনি পৰীক্ষাত হিন্দী ভাষা ব্যৱহাৰৰ বিৰোধিতাৰে ৰাজ্যপালক স্মাৰক পত্ৰ প্ৰদান তৃণমূল কংগ্ৰেছৰ

তৃতীয় আৰু চতুৰ্থ বৰ্গৰ নিযুক্তিৰ বাবে হ'বলগীয়া লিখিত পৰীক্ষাত হিন্দী প্ৰশ্নকাকত প্ৰৱৰ্তনৰ বিৰোধিতা অসম তৃণমূল কংগ্ৰেছৰ । হিন্দী প্ৰশ্ন কাকত বাতিলৰ দাবীৰে শনিবাৰে ৰাজ্যপাল জগদীশ মুখীক স্মাৰক পত্ৰ প্ৰদান কৰে ৰিপুণ বৰাৰ নেতৃত্বত যোৱা অসম তৃণমূল কংগ্ৰেছৰ ৬ জনীয়া এটা প্ৰতিনিধি দলে (Hindi language in recruitment exam for 3rd and 4th grade post)।

গুৱাহাটী, ২০ আগষ্ট: অসম চৰকাৰৰ আগন্তুক তৃতীয় আৰু চতুৰ্থ বৰ্গৰ নিযুক্তিৰ বাবে হ'বলগীয়া লিখিত পৰীক্ষাত হিন্দী প্ৰশ্নকাকত প্ৰৱৰ্তনৰ(Hindi language in Assam recruitment exam) সিদ্ধান্তৰ বিৰোধিতা অসম তৃণমূল কংগ্ৰেছৰ । সভাপতি ৰিপুণ বৰাৰ নেতৃত্বত যোৱা অসম তৃণমূল কংগ্ৰেছৰ ৬ জনীয়া এটা প্ৰতিনিধি দলে এই সন্দৰ্ভত ৰাজ্যপাল জগদীশ মুখীক সাক্ষাৎ কৰি এক স্মাৰক পত্ৰ প্ৰদান কৰে (Memorandum against Hindi language in recruitment exam)।

স্মাৰক পত্ৰৰ জৰিয়তে অসমৰ নিবনুৱা যুৱক-যুৱতীক অধিক সুযোগ প্ৰদানৰ স্বাৰ্থত আগষ্ট মাহৰ ২১, ২৮ আৰু ১১ ছেপ্তেম্বৰত অনুষ্ঠিত হ'বলগীয়া উক্ত পৰীক্ষাৰ পৰা হিন্দী প্ৰশ্নকাকত বাতিল কৰিবলৈ দাবী জনায় । অসমৰ নিবনুৱা সমস্যাই ব্যাপক ৰূপ ধাৰণ কৰা সময়ত হিন্দী প্ৰশ্নকাকত প্ৰৱৰ্তন কৰিবলৈ গ্ৰহণ কৰা সিদ্ধান্ত যুৱ প্ৰজন্ম বিৰোধী হঠকাৰী সিদ্ধান্ত বুলি উল্লেখ কৰে ৷

অসমৰ যুৱক-যুৱতীক বঞ্চিত কৰি বহিঃৰাজ্যৰ চাকৰি প্ৰাৰ্থীকহে উপকৃত কৰিব বুলি উল্লেখ কৰা হয় সভাপতি ৰিপুণ বৰা(Assam TMC president Ripun Bora) স্বাক্ষৰিত স্মাৰক পত্ৰখনত । প্ৰতিনিধি দলটোত সভাপতি ৰিপুণ বৰাৰ লগত অসম তৃণমূল কংগ্ৰেছৰ নেতা ক্ৰমে দিলীপ কুমাৰ শৰ্মা, দিগন্ত ভূষণ বৰ্মন, মেহবুব হুছেইন, গজেন্দ্ৰ উপমান্য আৰু তড়িত চেটাৰ্জী উপস্থিত থাকে ।

লগতে পঢ়ক:আছু আৰু সাহিত্য সভাৰ বিৰুদ্ধে আক্ৰমণাত্মক হৈ পৰিল মুখ্যমন্ত্ৰী