নিউজ ডেস্ক, 19 ডিচেম্বৰ: সমাপ্ত হ’ল তিৱা স্বায়ত্ব শাসিত পৰিষদৰ নিৰ্বাচন ৷ শনিবাৰে ভোট গণনাৰ অন্তত ফলাফল ঘোষণা কৰিলে অসম ৰাজ্যিক নিৰ্বাচন আয়োগে ৷ ইতিমধ্যে হৈ যোৱা বিটিচি নিৰ্বাচনত সন্তোষজনক ফলাফল দেখুৱাব নোৱাৰিলেও তিৱা পৰিষদীয় নিৰ্বাচনত কিন্তু জয়যাত্ৰা অব্যাহত ৰাখিলে শাসকীয় দল বিজেপিয়ে ৷
মুঠ 36 খন আসনেৰে গঠিত তিৱা স্বায়ত্ব শাসিত পৰিষদৰ 33 খন আসনেই নিজৰ দখললৈ আনিবলৈ সক্ষম হৈছে গেৰুৱা দলটো ৷ ইয়াৰ বিপৰীতে বিজেপিৰ মিত্ৰদল অসম গণ পৰিষদে দুখনকৈ আসনত জয়লাভ কৰিছে ৷
আনহাতে, ক্ৰমান্বয়ে ৰাইজৰ মাজত জনপ্ৰিয়তা আৰু সমৰ্থন হেৰুওৱা কংগ্ৰেছ দলে বিটিচি নিৰ্বাচনৰ দৰে তিৱা পৰিষদীয় নিৰ্বাচনতো পুতৌ লগাকৈ মুখ থেকেচা খাইছে ৷ কেৱল 27 নং কাকী পৰিষদীয় সমষ্টিত জয় লাভ কৰিবলৈ সক্ষম হৈছে কংগ্ৰেছ দলৰ প্ৰাৰ্থী বিজুমণি বৰদলৈ ৷ বিটিচি নিৰ্বাচনতো কংগ্ৰেছে শ্ৰীৰামপুৰ পৰিষদীয় সমষ্টিত জয়লাভ কৰিছিল যদিও পৰৱৰ্তী সময়ত কংগ্ৰেছ প্ৰাৰ্থী সজল চৰকাৰে বিজেপিত যোগ দিয়ে ৷ যাৰ ফলত বিজেপিত আসন শূন্য় হৈ পৰে কংগ্ৰেছৰ ৷ মধ্য অসমৰ নগাঁও আৰু মৰিগাঁও জিলাতো ধূলিস্যাৎ হয় কংগ্ৰেছ ৷ দুয়োখন জিলাৰ 35 টা তিৱা পৰিষদীয় সমষ্টিৰ এখন আসনতো জয়ৰ মুখ নেদেখিলে কংগ্ৰেছৰ প্ৰাৰ্থীয়ে ৷ এনে পৰিপেক্ষিতত আগন্তুক বিধানসভা নিৰ্বাচন দলটোৰ বাবে কন্টকময় হৈ পৰিব বুলি ধাৰণা কৰা হৈছে ৷
বিভিন্ন দলৰ বিজয়ী সমষ্টি সমূহ :