কামৰূপ মেট্ট,4নৱেম্বৰ: জীৱন মৃত্যুৰে যুঁজিছে মহানগৰীৰ জালুকবাৰীৰ টিনা বৈশ্য নামৰ এগৰাকী কিশোৰী ৷ টিনা আঞ্চলিক জাতীয় বিদ্যালয়ৰ সপ্তম শ্ৰেণীৰ শ্ৰেণীৰ এগৰাকী ছাত্ৰী ৷ শেহতীয়াকৈ টিনা আক্ৰান্ত হৈছে দুৰাৰোগ্য কৰ্কট ৰোগত । গুৱাহাটীৰ বি বৰুৱা কৰ্কট প্ৰতিষ্ঠানত চিকিৎসা কৰা হৈছে যদিও সুস্থ হোৱা নাই টিনা । ক্ৰমাৎ অধিক অসুস্থ হৈ পৰিছে কিশোৰী গৰাকী ।
কিশোৰীগৰাকীক উন্নত চিকিৎসাৰ বাবে এতিয়া বহিঃৰাজ্যলৈ যোৱাৰ পৰামৰ্শ দিছে চিকিৎসকে । উন্নত চিকিৎসাৰ বাবে পৰিয়ালটিক প্ৰয়োজন হৈছে যথেষ্ট পৰিমাণৰ ধনৰ । কিন্তু আৰ্থিকভাৱে দুৰ্বল পৰিয়ালটোৰ ওচৰত নাই পৰ্যাপ্ত ধন ৷ যাৰ বাবে পৰিয়ালটি বৰ্তমান চিন্তিত হৈ পৰিছে ৷ ধনৰ অভাৱত জীৱন-মৃত্যুৰে যুঁজা কিশোৰী গৰাকীৰ চিকিৎসাৰ বাবে কোনো পথ বিচাৰি নাপায় পৰিয়ালটিয়ে চৰকাৰ তথা ৰাইজৰ পৰা বিচাৰিছে অলপ সহায় ৷