গুৱাহাটী, 26 ফেব্ৰুৱাৰী :নিশাৰ মহানগৰী মানেই যেন অপৰাধীৰ ৰম্যভূমি ৷ এন্ধাৰৰ সুযোগেই হওঁক কিম্বা প্ৰশাসনৰ সোপাঢিলা নীতিৰ বাবেই হওঁক, মহানগৰীত নিশা হ’লেই বৃদ্ধি পায় অপৰাধমূলক কাৰ্যকলাপ ৷ শুকুৰবাৰৰ নিশা মহানগৰীৰ কেইবাটাও স্থানত চলিল আৰক্ষীৰ ড্ৰাগছ বিৰোধী অভিযান ৷
মহানগৰ আৰক্ষীৰ বিশেষ শাখাৰ অভিযানকাৰী দলে শুকুৰবাৰে ড্ৰাগছ সহ (Drugs seized in Guwahati) কৰায়ত্ত কৰে তিনিগৰাকীকৈ যুৱক-যুৱতীক (Three persons arrested in Guwahati with drugs) ৷ অভিযানকাৰী দলটোৱে জব্দ কৰে 10 টাকৈ হেৰ’ইন ভৰ্তি চাবোনৰ বাকচৰ লগতে 28 টাকৈ কণ্টেইনাৰ, 4 পেকেট খালী কণ্টেইনাৰৰ লগতে এটা ম’বাইল ফোন ৷ অভিযানকাৰী দলটোক এই অভিযানত সহায় কৰে চানমাৰী আৰক্ষীয়ে ৷