গুৱাহাটী,২৩ এপ্ৰিল: মুকলি কৰা হ'ল বহুভাষিক আন্তঃৰাষ্ট্ৰীয় মাইম জাৰ্নেল ‘নিৰ্বাক’ৰ তৃতীয় সংস্কৰণ (Mime journal Nirbak released) । গুৱাহাটীৰ লতাশিলৰ বিষ্ণু নিৰ্মলা ভৱনত দেওবাৰে মুকলি কৰা হয় বহুভাষিক আন্তঃৰাষ্ট্ৰীয় মাইম জাৰ্নেলখন । উদ্বোধনী অনুষ্ঠানত উপস্থিত থাকে কামৰূপ(ম) জিলাৰ উপায়ুক্ত পল্লৱ গোপাল ঝা, অতিৰিক্ত উপায়ুক্ত কমল বৰুৱা, সাই বিকাশ গ্ৰুপ অৱ স্কুলৰ পৰিচালন সঞ্চালক পি শ্ৰীনিবাস ৰেড্ডী, আই জি এন চি এৰ আঞ্চলিক সঞ্চালক সুৰেশ ৰঞ্জন গদুকাকে ধৰি বহু কেইগৰাকীও বিশিষ্ট ব্যক্তি (Multilingual international mime journal) ।
জনপ্ৰিয় যুৱ মুকাভিনয় শিল্পী মিনাংক ডেকাৰ সম্পাদনাত প্ৰকাশিত এই আন্তঃৰাষ্ট্ৰীয় পত্ৰিকাখনৰ লক্ষ্য হৈছে বিভিন্ন দেশৰ বিশেষজ্ঞৰ প্ৰবন্ধ সন্নিবিষ্ট কৰা আৰু বিভিন্ন মুকাভিনয় শিল্পীয়ে গ্ৰহণ কৰা পদক্ষেপসমূহৰ ওপৰত আলোকপাত কৰি সমগ্ৰ বিশ্বতে মুকাভিনয়ৰ প্ৰচাৰত অৰিহনা যোগোৱা । পত্ৰিকা উন্মোচন অনুষ্ঠানত ভাষণ প্ৰদান কৰি মিনাংক ডেকাই আলোচনীখন প্ৰকাশৰ লক্ষ্য আৰু উদ্দেশ্যৰ ওপৰত আলোকপাত কৰে । লগতে পত্ৰিকা উন্মোচক, বিশিষ্ট অতিথি তথা উপস্থিত প্ৰতিগৰাকীকে ধন্যবাদ আৰু কৃতজ্ঞতা জ্ঞাপন কৰে (Multilingual international mime journal Nirbak released) ।