দিনদুপৰতে মালিগাঁৱত চোৰৰ চাফাই অভিযান

দিন-দুপৰতে সংঘটিত চুৰি কাণ্ডৰ দৃশ্য বন্দী চিচি কেমেৰাত ৷ আৰক্ষীয়ে ইতিমধ্যে চিচিটিভি কেমেৰাৰ দৃশ্য সংগ্ৰহ কৰি তদন্ত অব্যাহত ৰাখিছে ।

গুৱাহাটী, 28 নৱেম্বৰঃদিন-দুপৰতে চোৰে চলালে চাফাই অভিযান ৷ মহানগৰীৰ মালিগাঁও ১নং গেটত সংঘটিত হয় এই চুৰিকাণ্ড ।

অপৰাধীৰ ৰম্যভূমিলৈ পৰিণত হৈছে গুৱাহাটী মহানগৰী । নিতৌ সংঘটিত হৈ আছে চুৰি-ডকাইতিৰ দৰে ঘটনা। এইবাৰ মহানগৰীৰ মালিগাঁও ১নং গেটত সংঘটিত হয় এক চুৰিকাণ্ড । হলধৰ মজুমদাৰ নামৰ এগৰাকী লোকৰ ঘৰৰ পৰা চোৰে লুটি নিলে এখন অত্যাধুনিক চাইকেল। দিনদুপৰতে সংঘটিত হয় এই চুৰিকাণ্ড। অতি কৌশলৰে ঘৰটোত প্ৰৱেশ কৰি চোৰে চাইকেল লৈ উধাও হয় । তাৰোপৰি বাহনো চুৰি কৰাৰ পৰিকল্পনা কৰি আছিল চোৰৰ দলটোৱে । চুৰিকাণ্ডৰ সমগ্ৰ দৃশ্য বন্দী হৈ ৰ'ল চিচিটিভি কেমেৰাত । ইতিমধ্যেই জালুকবাৰী আৰক্ষী থানাৰ এজাহাৰ দাখিল কৰিছে পৰিয়ালটোৱে। ইতিমধ্যে জালুকবাৰী আৰক্ষীয়ে চিচিটিভি কেমেৰা দৃশ্য সংগ্ৰহ কৰি তদন্ত অব্যাহত ৰাখিছে ।

লগতে পঢ়ক- কৰিমগঞ্জৰ কাটাখালত চাঞ্চল্যকৰ ডকাইতি কাণ্ড