আমিনগাঁৱত ধাৰাবাহিকভাৱে চুৰিকাণ্ড

বুধবাৰে নিশা আমিনগাঁৱৰ চাৰিখনকৈ দোকানত চোৰে চাফাই অভিযান চলাই ৷ আৰক্ষীৰ নাকৰ তলতেই চোৰে এই চুৰিকাণ্ড সংঘটিত কৰে ৷

গুৱাহাটী, 26 ডিচেম্বৰঃবিগত কিছু দিনৰ পৰা আমিনগাঁৱত ধাৰাবাহিকভাৱে চুৰিকাণ্ডৰ ঘটনা সংঘটিত হোৱা তথ্য পোহৰলৈ আহিছে ৷ একেদৰে বুধবাৰে নিশাও আমিনগাঁৱৰ জয়গুৰুত চোৰে চাৰিখনকৈ দোকানত তাণ্ডৱ চলাই ৷

চাৰিওখন দোকানৰ তলা ভাঙি চোৰে সকলো সামগ্ৰীৰ সৈতে নগদ ধন লুট কৰি নিয়ে ৷ উল্লেখ্য যে উত্তৰ গুৱাহাটী গৌৰীপুৰ আৰক্ষী চকীৰ নাকৰ তলতেই চোৰে এই উপদ্ৰৱ চলাই আহিছে ৷ আৰক্ষীৰ পহৰাৰ মাজতেই চোৰে অঞ্চটোত এনে ধৰণৰ উপদ্ৰৱ চলোৱাত অঞ্চলবাসীৰ মনত আতংকৰ সৃষ্টি হৈছে ৷

লগতে পঢ়ক - কি ক'লে প্ৰাক্তন বিধায়িকা ৰুমী নাথে