গুৱাহাটীৰ ন্যায়াধীশৰ ঘৰত চোৰৰ অভিযান

স্মাৰ্ট আৰক্ষীৰ দূৰ্বলতাৰ সুযোগ লৈ ন্যায়াধীশৰ বাসগৃহতে চোৰে চলালে অভিযান (Theft in Guwahati)৷ মহানগৰীত সংঘটিত হৈছে এই ঘটনা ৷ শুকুৰবাৰে পুৱতি নিশা মহানগৰীৰ নিউ গুৱাহাটীস্থিত বৃন্দাবন এপাৰ্টমেণ্টৰ এটা বিলাসী ফ্লেটত থকা এজন ন্যায়াধীশৰ বাসগৃহত সংঘটিত হয় এক চুৰি কাণ্ডৰ ঘটনা ।

গুৱাহাটী, ২৭ মে’: নুনমাটি আৰক্ষীৰ নিষ্ক্ৰিয়তাৰ সুযোগ লৈ নুনমাটি থানা এলেকাত সংঘটিত হৈছে কেইবাটাও চুৰি ডকাইতিৰ ঘটনা । এনে সময়তে শুকুৰবাৰে পুৱতি নিশা মহানগৰীৰ নিউ গুৱাহাটীস্থিত বৃন্দাবন এপাৰ্টমেণ্টৰ এটা বিলাসী ফ্লেটত থকা এজন ন্যায়াধীশৰ বাসগৃহত সংঘটিত হয় এক চুৰি কাণ্ডৰ ঘটনা (Theft in Guwahati)।

ঘৰত কোনো নথকাৰ সুযোগ লৈ পিছ দুৱাৰেদি অহা চোৰে মুখত কাপোৰ বান্ধি প্ৰথমে ফ্লেটৰ দুৱাৰৰ তলা ভাঙে ৷ তাৰ পিছত ঘৰটোত প্ৰৱেশ কৰি লুটি লৈ যায় বহু মূল্যবান সা-সামগ্ৰী । চি চি টিভিত বন্দী হৈছে চোৰৰ প্ৰৱেশ আৰু প্ৰস্থানৰ দৃশ্য । উল্লেখ্য যে মহানগৰীৰ নিউ গুৱাহাটীৰ গণেশ মন্দিৰ পথৰ উপ-পথ নম্বৰ-৬ ৰ বৃন্দাবন এপাৰ্টমেণ্টত থকা A ব্লকৰ 2B নম্বৰ বাসগৃহৰ গৰাকী হৈছে ন্যায়াধীশ গৌতম বৰুৱা (Advocate Gautam Baruah) ।

ঘটনা সন্দৰ্ভত পৰিয়ালৰ লোকে নুনমাটি আৰক্ষী থানাত(Noonmati Police Station) দিয়া এজাহাৰৰ ভিত্তিত আৰক্ষীয়ে আৰম্ভ কৰিছে তদন্ত । মন কৰিবলগীয়া কথা যে, আৰক্ষীৰ দূৰ্বলতাৰ সুযোগ লৈ উক্ত অঞ্চলত পূৰ্বতেও একাধিক চুৰি কাৰ্য সংঘটিত হৈছে । তাৰোপৰি কেইমাহমান পূৰ্বে এজন নিচাসক্ত যুৱকৰ প্ৰহাৰত এগৰাকী মহিলা আঘাতপ্ৰাপ্ত হৈছিল ।

লগতে পঢ়ক:অৱশেষত মহানগৰীত বন্ধ হ'ল পিংক বাছ সেৱা