কেন্দ্ৰৰে কাৰ্বি শান্তি চুক্তি স্বাক্ষৰ কৰিবলৈ সাজু কাৰ্বি আংলঙৰ ছয় বিদ্ৰোহী গোট

কাৰ্বি আংলং স্বায়ত্তশাসিত পৰিষদ (KAAC) অঞ্চলৰ ভিতৰত সক্ৰিয় ছয়টা বিদ্ৰোহী গোটৰ সৈতে শনিবাৰে বিয়লি নতুন দিল্লীত কাৰ্বি শান্তি চুক্তি স্বাক্ষৰ কৰিবলৈ সাজু হৈছে অসম আৰু কেন্দ্ৰৰ বিজেপি নেতৃত্বাধীন চৰকাৰ । জানো এই চুক্তিৰ সবিশেষ ৷

নিউজ ডেস্ক, 4 ছেপ্টেম্বৰ : অসম আৰু কেন্দ্ৰৰ বিজেপি নেতৃত্বাধীন চৰকাৰে শনিবাৰে নতুন দিল্লীত কাৰ্বি আংলং স্বায়ত্তশাসিত পৰিষদ (KAAC) অঞ্চলৰ ভিতৰত সক্ৰিয় ছয়টা বিদ্ৰোহী গোটৰ সৈতে কাৰ্বি শান্তি চুক্তি স্বাক্ষৰ কৰিবলৈ সাজু হৈছে । এই চুক্তিয়ে যথেষ্ট তাৎপৰ্য বহন কৰিছে, কিয়নো কাৰ্বি সকল অসমৰ এক অন্যতম মুখ্য জনজাতি ৷ 1980 ৰ দশকৰ শেষৰ ফালৰ পৰা উগ্ৰপন্থী সংগঠনৰ দ্বাৰা হোৱা হত্যা, গোষ্ঠীগত সংঘৰ্ষ আৰু অপহৰণৰ কাৰ্বি আংলঙত এক দীঘলীয়া ইতিহাস আছে ।

ইতিমধ্যে, কাৰ্বি পিপলছ লিবাৰেচন টাইগাৰ (KPLT) আৰু ইউনাইটেড পিপলছ লিবাৰেচন আৰ্মী (UPLA)ৰ তিনিটা গোট - কাৰ্বি লংৰি এন চি হিলছ লিবাৰেচন ফ্ৰণ্ট (KLNLF), পিপলছ ডেমক্ৰেটিক কাউন্সিল অফ কাৰ্বি লংৰি (PDCK) এই ছয়টা সংগঠনৰ প্ৰতিনিধিয়ে শুকুৰবাৰে নতুন দিল্লীত উপস্থিত হৈছে ৷ চুক্তিখন চূড়ান্ত কৰিবলৈ কেন্দ্ৰীয় গৃহ মন্ত্ৰালয়ৰ বিষয়াসকলৰ সৈতে সংগঠন কেইটাৰ প্ৰতিনিধি সকলে ইতিমধ্যে ইখনৰ পিছত সিখন বৈঠকত মিলিত হৈছে ৷

চৰকাৰী সূত্ৰ অনুসৰি, বিদ্ৰোহী গোটসমূহৰ মূল দাবী হৈছে কেএএচিলৈ পোনপটীয়াকৈ স্থানান্তৰ, এছটি(ST) সকলৰ বাবে আসন সংৰক্ষণ, পৰিষদলৈ অধিক ক্ষমতা, অষ্টম অনুসূচীত কাৰ্বি ভাষা অন্তৰ্ভুক্ত কৰা আৰু অধিক সাংসদ/বিধায়কৰ আসন তথা 1,500 কোটিৰ বিত্তীয় পেকেজ ধাৰ্য কৰা ।

বিগত ২৫ ফেব্ৰুৱাৰীত গুৱাহাটীত তদানীন্তন মুখ্যমন্ত্ৰী সৰ্বানন্দ সোণোৱালৰ উপস্থিতিত অনুষ্ঠিত এক অনুষ্ঠানত এই বিদ্ৰোহী গোটসমূহৰ মুঠ ১,০৪০ জন উগ্ৰপন্থী সদস্যই আনুষ্ঠানিকভাৱে অস্ত্ৰ-শস্ত্ৰ নিবাৰণ কৰিছিল । উল্লেখযোগ্য যে, বিজেপিয়ে বড়োলেণ্ডত দীৰ্ঘদিন ধৰি চলি থকা হিংসাৰ সমাপ্তিৰ বাবে বড়ো শান্তি চুক্তি স্বাক্ষৰ কৰাৰ এবছৰৰ পিছত এই সংগঠনকেইটাৰ উগ্ৰপন্থী সকলে অস্ত্ৰ সমৰ্পণ কৰিবলৈ সাজু হৈছিল ।

লগতে পঢ়ক :লক্ষ্য ভৱানীপুৰ : বিজেপিৰ উপ নিৰ্বাচন সমিতি গঠন