গুৱাহাটীত ডব্লিউ ডব্লিউ ই খ্যাত দ্যা গ্রেট খালী

গুৱাহাটীত উপস্থিত ডব্লিউ ডব্লিউ ই খ্যাত দ্যা গ্রেট খালী(The Great Khali in Guwahati) । এক বিশেষ কাৰ্যসূচীত অংশগ্ৰহণ কৰাৰ উদ্দেশ্যে মল্লযুঁজাৰুজনৰ এই অসম ভ্ৰমণ ।

গুৱাহাটী,৭ মে': এক বিশেষ কাৰ্যসূচীত অংশ লোৱাৰ বাবে আজি গুৱাহাটীত উপস্থিত হয় ডব্লিউ ডব্লিউ ই খ্যাত দ্য গ্রেট খালী । দিল্লীৰ পৰা বিমানযোগে বৰঝাৰৰ বিমানবন্দৰত উপস্থিত হয় বিশাল শৰীৰৰ অধিকাৰী দ্য গ্ৰেট খালী ।

গুৱাহাটীত উপস্থিত হোৱাৰ লগে লগে বিমান বন্দৰত ঢোলে-দগৰে উষ্ম আদৰণি জনোৱা হয় আন্তঃৰাষ্ট্ৰীয় খেলুৱৈগৰাকীক(Warm welcome to the Great Khali) । মাইথান টি এম টি বাৰৰ এক অনুষ্ঠানত অংশ লোৱাৰ বাবে গুৱাহাটীলৈ আহিছে খেলুৱৈগৰাকী ।

ইফালে বিমানবন্দৰত বহুসংখ্যক লোকে খেলুৱৈগৰাকীক ওচৰৰ পৰা চোৱাৰ বাবে ভিৰ কৰা পৰিলক্ষিত হয় । সংবাদ মাধ্যমৰ আগত দ্য গ্ৰেট খালীয়ে কয় যে তেওঁ দ্বিতীয় বাৰৰ বাবে গুৱাহাটীলৈ আহিছে । গুৱাহাটী লৈ আহি সুখী অনুভৱ কৰা বুলি উল্লেখ কৰাৰ লগতে ৰাইজৰ মৰম-স্নেহত আপ্লুত হোৱাৰ কথাও সদৰি কৰে খেলুৱৈগৰাকীয়ে ।

লগতে পঢ়ক:গুৱাহাটীলৈ আহিব আপৰ মুৰব্বী অৰবিন্দ কেজৰিৱাল