ৰাজপথত জ্বলিল জাৱৰ কঢ়িওৱা বাহন

অঞ্চলজুৰি সৃষ্টি তীব্ৰ যানজঁট

গুৱাহাটী, 24 মাৰ্চ: মহানগৰীৰ ৰাজপথত জ্বলিল এখন জাৱৰ কঢ়িওৱা বাহন ৷ মহানগৰীৰ বৰাগাঁও এল পি স্কুলৰ সমীপৰ 37 নং ৰাষ্ট্ৰীয় ঘাইপথত দাওদাওকৈ জ্বলি উঠিল বাহন খন ৷ জুইত সম্পূৰ্ণ ৰূপে ভস্মীভূত হয় AS 01 HC 8159 নম্বৰৰ বাহনখন । ঘটনাস্থলীত অগ্নিনিৰ্বাপকবাহিনী উপস্থিত হৈ নিৰ্বাপন কৰে জুই । অগ্নিকাণ্ডত আহত হোৱা চালক আৰু হেণ্ডিমেনক চিকিৎসালয়লৈ প্ৰেৰণ । ঘটনাক কেন্দ্ৰ কৰি অঞ্চলজুৰি সৃষ্টি হয় তীব্ৰ যানজঁটৰ ৷ পাচত গড়চুক আৰক্ষী উপস্থিত হৈ নিয়ন্ত্ৰণ কৰে সমগ্ৰ পৰিস্থিতি ।